LUKAS 2:37 - Susula Malalaok Hehelu Palak Ma Hehelu Beuk

³⁷ ana da'di inafalu, losa besak ia teun faluhulu ha so. Beita la'iesa fo ana la'oela Manetualain Uma na fa. Lele'do le'odaen nai ndia, fo ana sene-do'ok neu Manetualain, ninik hule-haladoi ma oka ao na.

LUKAS 2:37 Σταυροειδείς Αναφορές

MAZMUR 22:2

Au Manetualaing, ou au Manetualaing, tao le'e de O la'oela au? Au aloo bou-bou, tehu O mahele nai dook-ka, de O ta tulu-fali au fa.

MAZMUR 23:6

Au bubuluk O malole neu au ma sue-lai au tataas esa. Hu ndia de, au bole leo nai O Umam, nai au fai maso'dang-nga dalek.

MAZMUR 27:4

Au oke dede'ak ka'da esa neme Manetualain mai, ka'da ia nde au ahiik-kana: au leo nai Manetualain Uman nai au fai maso'dan-nga dalek, soaneu au hapu ame'da ita Manetualain dale malolen-na, ma au dokodoe hehela-nonolen.

MAZMUR 84:10

Fe ami manem-ma, baba'e-papalak, ou Manetualain, Masulu-mahapa hataholi fo O hele basak-kala so.

MAZMUR 84:4

Nakalenak, manupui daiana hapu uma, ma manupui lalao-a ndunun esa, ala pe'da anan-nala nai mamanak fo, ana deka no, O mei tutunu-hohotum-ma, Ou Manetualain Fo Manakoasa, fo au Maneng-nga ma au Manetualaing-nga.

MAZMUR 92:13

Hataholi manatao tunga ndoon-na, nape'du beu, sama leo ai korma, ma ana moli de nalole sama leo ai kaiou Libanon-na.

KELUARAN 38:8

Bezaleel tao baak oe no buin-na neme liti mai. Liti sila-la nana taok neme titinok fo inak manamalalau-maoono manai Manetualain Lalaa Teman-na lelesun-na, nuun sila.

LUKAS 5:33

Hataholi la lafa'da Yesus lae, “Yohanis ma hataholi Farisi la ana manatunga nala, nasi'a ala oka ao nala, ma ala hule-haladoi. Tehu O ana manatunga mala hii ka'da la'a ma linu.”

HATAHOLI 13:3

Ala puasa ma ala hule-haladoi basa boema, ala lalaa lima nala neu Barnabas no Saulus, boema ladenu duas leona.

HATAHOLI 14:23

Ma nai mamaso kala esa-esak, Paulus no Barnabas so'u fes Penatua-penatua. Ala hule-haladoi ma ala puasa basa boema, ala fe Penatua-penatua sila la leo Lamatuak fo sila dua lamahele ka.

HATAHOLI 26:7

Leoina Israe la leoana kasanahulu dua nala boeo lamahehenadae lo hehelu-balataak ndia, de nalosa lele'do-le'odaen ala hule-haladoi neu Manetualain. Ama Manek fo Mandela-Masa'ak! Hu ka nde au amahele hehelu-balataak ndia de hataholi Yahudi la fe salak neu au.

1 TIMOTIUS 5:5

Inafalu fo te'e-te'e naso'da mesa-mesa kana, ma ta hapu hataholi mete-nakanae so'da na te namahena neu ka'da Manetualain soona, muse ana hule-haladoi lele'do-le'odaen fo noke tutulu-fafalik neme Manetualain mai.

NINITAK 3:12

Hataholi manasengi ka, neukose Au taon da'dileo dii nai Au Manetualai nga Uma Malalaon dale, ma neukose ana leo nai mamanak ndia losa dodo na. Au Manetualaing na'de na ma kota na na'de na, fo nde Yerusalem Beu ka, neukose kona neme nusa so'da ka neme Au Manetualaing mai, fo neukose Au sula kana neu hataholi ndia aoina na. Au na'de beu nga boeo, neukose Au sula kana neu aoina na!”

NINITAK 7:15

Hu ndia de, lapadeik lai Manetualain kandela mane na mata na fo ala koa-kion lele'do-le'odaen nai Manetualain Uman dale. Ma Ndia fo nangatuuk nai kandela manek ndia lai na, neukose Ana mai fo nasulu-nahapas.

SEMUEL SUSULAK-KA ESAN-NA 2:2

Ta hapu malalao-malalafuk sama leo Manetualain fa! Ka'da Ndia nde hapu fe nasulu-nahapak.