LUKAS 15:17 - Susula Malalaok Hehelu Palak Ma Hehelu Beuk

¹⁷ Neu mate'e na boema besa ka name'da de nae, ‘Hataholi manamaue-male'di nai au amang uma na, nana'a-nininun sasikao-kao, tehu au nai ia soona, au hihii mate o la'a sa!

LUKAS 15:17 Σταυροειδείς Αναφορές

MAZMUR 119:59

Au dudu'a-dodoo basa, au ha'da-paliing so, de au aheluk, neukose au tunga O nakanenetem-ma.

MAZMUR 73:20

Sama leo me'is-sa, mopon nai fai fafain-na; lelek O fo'a mapadeik, ou Manetualain, boema sila boeo, mopok-kasa.

PENGKHOTBAH 9:3

Da'di ua nalek matak esa, ana tuni la'e basa-basas. De ndia nde been-na dede'ak esa neni dale he'dik, sama leo manada'dik manai daebafak-ka lala'en-nan boe. Nai lelek hataholi daebafak-ka bei nai fai maso'dan-na dalek, dalen-na henuk no tatao-nono'i mangalauk-ka, ma dudu'a-aafin boeo nggoak. Boema no kaiboik natongo no fai mamaten-na.

YEREMIA 31:19

Ami masadea O, tehu ami masasale-dale tatao-nono'ik ndia. Nai lelek O huku-doki ami-a, ami matete'a langa nanahu dale he'dik-ka. Ami mae de ami da'di nananakamumulu-nakamamaek, nanahu ami masala-masingo basa nai lelek ami bei muli solu.’

RATAPAN 1:7

Yerusalem tu'da ma doi-doso basa boema, nafandele neu tepo-lelek maneu ka, fo nai lelek hata-heton bei makadotok; tao leo beek de laun-na tu'da leo musu liman dale neu, de ta hapu hataholi esa boen, mai tulu-fali fan. Musu noon-nala ka'da hika mete tutu'dan-na.

YESKIAL 18:28

Ana mulai nasasale dale, boema ana tukatei-saledale neme sala-singok fo, ana tao-no'ik-kala mai, soona tao leo bee-o naso'da, de ta mate fan.

HOSEA 2:7

Neukose, ana usi tou susuen-nala, tehu ana ta dai fas. Neukose ana sangas, tehu ana ta hapu fas. Boema neukose nafa'da nae, ‘Neukose au fali u'ung-nga leo au saotou makasososang-nga u, nanahu au ha'da-tatao makahulung-nga, malole lena neme besak ia mai.’

LUKAS 15:16

Niiana ia name'da namala'a nanseli de nalosa ana hii na'a bafi sila la nana'a na. Leomae namala'a nanseli, tehu hataholi esa boen ta fen na'a fa.

LUKAS 16:23

Nai daebafa hataholi manamate ka, ana doidoso nanseli. De nai lelek nanganalo neme naa leo lain neu te, nita Abraham nai mamana ka doo na seli, ma nita Lasarus nai Abraham boboa na.

LUKAS 8:35

Boema hataholi la kalua mai, fo ala mete hata manda'dik ndia. Ala mai leo Yesus mai te nai ndia, ala lita hataholi fo natapo'i neme dula dale mangalau ka mai ndia, bei nangatuuk deka no Yesus ei na. Ana pake bua-lo'as so, ma dudu'a-aafin namaneu so boe. Boema ala bii.

HATAHOLI 12:11

Basa ndia besa ka Petrus name'da hata da'din so, boema ana kokolak nae, “Besak ia au bubuluk te'e-te'e, Lamatua ka haitua ata nusa so'da na mai fo ana soi-po'i au eme Herodes koasa na, ma neme basa hata fo leoina Yahudi la sanga taon neu au a.”

HATAHOLI 2:37

Lelek hataholi sila la lamanene dede'ak ndia boema dale nala ta tesa-tama makandondook so'on. Boema latane Petrus no Lamatua ka hataholi nadedenu fe'e kala nae, “Tolano-tolanoo ngala lemin! Ami muse tao leo beek bai?”

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”