KOLOSE 4:11 - Susula Malalaok Hehelu Palak Ma Hehelu Beuk

¹¹ Yesus fo na'de Yustus boe. Neme hataholi Yahudi fo lamahele basa neu Lamatuak Yesus a, ka'da sila telu mesa kasa nde besak ia, ala tao-no'i lo au a, fo ami sama-sama makalala'ok Manetualain bela ba'un. Ala tulu-fali au te'e-te'e.

KOLOSE 4:11 Σταυροειδείς Αναφορές

HATAHOLI 10:45

Hataholi Yope kamahehelek fo mana tunga Petrus ala, nde bee na hataholi Yahudi sila la. Basa-basas dodoo doa kana lita Manetualain fe Dula Dale na neu leoina fe'ek fo ta hataholi Yahudi la fa.

HATAHOLI 11:2

Lelek fo Petrus neu leo Yerusalem neu boema, hataholi Yahudi kamahehele basak sila la lakamu-lakadau Petrus.

ROMA 16:3

Manduku-malosak au nate'a nga neu Priskila no Akwila, au nonoong fo ami basa-basa mala maue-male'di soaneu Kristus Yesus.

ROMA 4:12

Abraham da'di ama salanik neu hataholi manatunga suna ta nakanenete na boe. Tehu, ta hu ka nde sila tunga suna ta nakanenete na boema, Abraham da'di sila ama salanin, te hu ka nde sila lamahele Manetualain sama na leo Abraham namahele te, ana beita tunga suna ta nakanenete na boe.

2 KORINTUS 6:1

Hu ka nde ami maue-male'di sama-sama mo Manetualain de ami dokodoe manseli fo emi boso makamiminak Manetualain dale malolen ndia.

EFESUS 2:11

Tolano-tolanook fo ta hataholi Yahudi la lemin! Mafandendelek emi ha'da-tataom, nai lelek makahulu na: hataholi Yahudi fo ala manaku aon lae, sila hataholi nanasunat ala, loke emi soona lae, “hataholi nanasunat tak”, lae sila nanasunat basak ndia (sosoa na nae, hataholi daebafa ka nde tao ta'du-tana ndia, neu sila ao paa na.)

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

KOLOSE 4:7

Tikhikus, fo ita tolano susue na, neukose nafa'da emi basa hata lala'ena la'eneu au. Ana lilineka nai tatao-nono'i ka dalek sama-sama no au, soaneu Lamatua ka.

1 TESALONIKA 3:2

ami madenu ita tolanon Timotius ne'i. Timotius ia, Manetualain malalau-maoonon esa, fo nalalau-naoono sama-sama no ami, soaneu ami tui-benga Hala Malole la'eneu Kristus. Ami madenu Timotius ne'i fo natetea-nahehele emi, fo ela emi boetai mamahele seluk neu Kristus.

1 TESALONIKA 3:7

Hu ndia, tolano-tolanoo ngala lemin! Nai basa ami toto'a-tataam ma ami doidoso ma dalek, ami hapu namahokok neme halak la'eneu emi a. Emi namahehelem neu Kristu sa, ana tao namatutua ami dale ma,

TITUS 1:10

Nana hapu hataholi ba'u ka, ala nau ka'da lena-la'ban nanoli ndo sa, lena-lenak hataholi Yahudi mana masok beu kala; ala ke'dindiu hataholi fe'ek, ninik sila kokola bafa lou nala.

FILEMON 1:1

Tolanoo Filmon fo ami nonoom ma ami tia-lai malalau-maoonom. Nate'ak neme ita tolanoon Timotius ma neme au, Paulus fo nanatahan, hu ka nde ita Lamatuan Yesus Kristus. Au sulak susulak ia fe emi,

FILEMON 1:24

Sipo ma nate'ak neme au tia-lai malalau-maoonong Markus, Aristarkhus, Demas ma Lukas mai boe.