KOLOSE 4:10 - Susula Malalaok Hehelu Palak Ma Hehelu Beuk

¹⁰ Aristarkhus, fo sama-sama no au nai bui dale a, ana haitua fe emi nate'ak boe. Leondiak boe Markus fo no Barnabas ina aman ka'a fa'di kala Au haitua fe emi halak ae, metema Markus ne'i soona, sipo kana no malole.

KOLOSE 4:10 Σταυροειδείς Αναφορές

HATAHOLI 12:12

Petrus bubuluk basa manda'dik ndia boema neu leo Maria uman neu. Maria ia Yohanis inan, fo loke Yohanis soona lae, Markus boe. Hataholi makadotok lakabubua lai uma ndia de ala hule-haladoi.

HATAHOLI 12:25

Barnabas no Saulus tao lakababasak sila bela-ba'un boema, lo Yohanis Markus de ala la'oela Yerusalem.

HATAHOLI 13:13

Paulus no nonoo nala sa'e ofak leme Pafos leo Perga, fo nai Pamfilia. Ala losa ndia boema, Yohanis Markus la'oelas de ana fali leo Yerusalem neu.

HATAHOLI 13:5

Lelek ala losa Salamis boema, ala tui-benga Manetualain dede'a-kokolan nai uma mamaso Yahudi la. Yohanis Markus tulu-fali duas nai leleo-lala'o nala dalek.

HATAHOLI 19:29

Boema tasi'bu ndia namaloa losa leo basa kota lala'ena neu. Basa boema hataholi mana tao tasi'bu sila la, ala ho'u la Gayus ma Aristarkhus, fo hataholi Makedonia mana la'ok lo Paulu sa de ala lele'a-lolosos leo mook esa nai kota ndia.

HATAHOLI 20:4

Sopater, fo Pirus neme Berea ana na sama-sama non; leondiak boe Aristarkhus ma Sekundus fo hataholi Tesalonika, ma Gayus fo hataholi Derbe. Boema Timotius ma hataholi dua leme propensi Asia mai, fo nde Tikhikus ma Trofimus.

HATAHOLI 27:2

Ami sa'e ofak esa neme Adramitium mai. Ofak ndia ana fufua basa so, fo sanga neu leo namo seseek manai propensi Asia neu. Ami sa'e mo tou Makedonia esa na'de Aristarkhus, fo besa ka neme Tesalonika mai.

HATAHOLI 4:36

Yusuf boeo tao leondiak. Nase'o dae na de nini doi nala leo Lamatua ka hataholi nadedenu nala neu. Yusuf ia nde bee soona, Lewi fo neme Siprus, tititi-nonosin ndia; Lamatua ka hataholi nadedenu nala loken soona lae, Barnabas boe. (Sosoa na nae, Mana kokoe-nanasi).

ROMA 16:2

Sipokana sama leo Lamatua ka hataholi kamahehelen. Memak hataholi fo namahele neu Manetualai na, esa muse sipok esa leondiak. Tulu-falin, metema ana paluu tutulu-fafalik neme emi mai, nanahu ana tulu-fali hataholi ba'u so, ana tulu-fali au so boe.

ROMA 16:7

Manduku-malosak au nate'a nga neu Andronikus no Yunias boe. Sila dua bei leo esa lo au, ma duas masok hai bui sama-sama lo au. Au beita amahele Kristus fa te, duas lamahele lakahuluk so. Sila nde nananita-nalelak nai basa hataholi nadedenu kala dalek.

2 TIMOTIUS 4:11

De besak ia, ela ka'da Lukas mesa kana, ana leo no au. Hu ndia muu soluk Markus fo o mai soona moon, nana Markus nde tulu-fali au, nai au tatao-nono'ing dale ka.

FILEMON 1:23

Epafras, fo hu ka nde Kristus de, ala tahan ana sama leo au boe, ana haitua fe o nate'ak boe.

FILEMON 1:24

Sipo ma nate'ak neme au tia-lai malalau-maoonong Markus, Aristarkhus, Demas ma Lukas mai boe.

1 PETRUS 5:13

Tia-lai salanik manai Babilon fo Manetualain hele basa kala, ala haitua fe emi, nate'ak boe; leondiak boe, au ana susueng, Markus.