KOLOSE 3:8 - Susula Malalaok Hehelu Palak Ma Hehelu Beuk

⁸ Tehu besak ia, ela leo bee na emi tu'u-tapa heni basa mangalauk sila la, neme emi dalem dale mai: fo nde, boso boe mamanasa bai, do makasese'bok do mape'da dalek neu hataholi. Boso kalua dede'a-kokola dodoki-aalik do dede'a manggenggeok neme emi bafam dale mai makandondook.

KOLOSE 3:8 Σταυροειδείς Αναφορές

MAZMUR 37:8

Boso mamanasa, do dalem-ma namahana, te ndia ka'da neni soe.

AMSAL 17:14

Mulai nale'a-napilik-ka nde been-na, sama leo soi heni oe enon-na; hu ndia de, nale'a-napilik-ka beita mulai fa te, heok leona.

AMSAL 19:19

Nemen-na, fo hataholi namanasa lai-lai-a, name'da aon neninin-na Metema o tulu-falin soona, ka'da o tao makananasak-kana.

AMSAL 29:22

Hataholi fo, namanasa lai-lai-a, taon-na hataholi ba'uk-ka lale'a-lapilik, fo lasala-lasingo.

MATEOS 5:22

Tehu besak ia, Au afa'da neu emi te, ba'eneu see fo namanasa hataholi fe'ek soona, neukose ana hapu huhukuk nai Mana Maketu Mala'di Agama Matua matan. Ma ba'eneu see naseo hataholi nae, ‘Nggoak’ soona, hataholi ndia nandaa tapan leo tasi ha'ik dale neu.

MARKUS 7:22

hohonge, ke'dindiu, nakasasa'ek dede'ak, boema ana tao-no'i basa hata mangalauk lala'ena, ma ana da'di hataholi mana dale-he'di hata, ta nanuu ha'da-holomata, nape'da dalek, koao-ndaeaok, ma nanoli doa kana.

ROMA 13:13

Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

1 KORINTUS 3:3

nana emi bei maso'da tunga emi ha'da-tatao daebafa ma. Nana metema emi bei mape'da dalek ma esa nahote no esa soona, ade ndia ta natu'du nae, emi bei maso'da tunga ha'da-tatao hataholi daebafa ka, sama leo hataholi fo ta nalelak Manetualai na fa do?

2 KORINTUS 12:20

Au bibii ka'da mahani te nai lelek au ne'i donge-dama emi te, au hapu a emi ta sama leo hata fo au amahena ka, ma emi boeo hapu ma au ta sama leo hata fo mamahena ka. Boso nalosak neukose hapu nggelok lahote, lape'da dalek, dale nala lamahana beloo, paluu ka'da aoina na mesa kana, esa nakamumulu-nakamamaek esa, esa dudungu-papau esa, koao-ndaeaok, ma tao tasibu.

GALATIA 5:15

Tehu metema emi makisu-makaa aok soona, masanene'dak te, neukose emi makalulutuk no'u-no'u.

GALATIA 5:20

nai sosongo-tatango ka dalek, ma suangi a dalek; nai esa musu no esa, nahote ka, ta nau hataholi lena fan, namanasa lai-lai, ma paluu ka'da ao ina na mesa kana; nasi'da-naba'e ka, ma nok ia nok naa,

GALATIA 5:26

Ita ta bole da'di hataholi mana koao-ndaeaok, ma ta bole esa tao nakahehe'dik esa dale na, boema ta bole esa nape'da dalek no esa fa.

EFESUS 4:22

Hu ndia de, tu'u-tapa heni emi ha'da-tatao palaa mala no maso'da palaam fo emi hihii-nanau manamopo mala, nde tao nakalulutu kana.

EFESUS 4:25

Hu ndia, tolano-tolanoo ngala lemin! Boso masapepeko-masandandali bai. Esa tao ndoos no esa, nana ita basa-basa tala nde bee na, Kristu sao paa na, lima ein no'u-no'u.

EFESUS 4:26

Metema emi mamanasa soona, boso po'ilotak nasak ndia, nini fe emi sala-singok. Boso mamanasa losa le'do tenak,

EFESUS 4:29

Metema emi kokolak soona, boso kokolak dede'a manggenggeok. Pake ka'da dede'a-kokolak fo nini nanoli-nafa'dak fe hataholi fe'ek. Dede'a-kokolak leondia ka, neukose nini malole fe hataholi mana mamanene nana.

EFESUS 5:4

Emi boeo, ta mandaa kokolak dede'a-kokola manggenggeok, sosoa-piaok, ma hata fo ta kandaak fa. Dede'a nasafali na, ela leo bee na, emi moke makasi neu Manetualain.

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

KOLOSE 3:9

Esa boso nasapepeko-nasandandali esa boen, nana emi tu'u-tapa heni so'da palaa ka no basa ha'da-paliin lala'ena so.

1 TIMOTIUS 1:13

leomae makahulu na, au tao anggenggeo na'de na, au fepa-li'un boema au akamumulu-akamamae kana. Tehu Manetualain sue-lai au, nana lelek ndia, au beita amahele fa de, au ta bubuluk hata fo au taok ndia fa.

1 TIMOTIUS 1:20

Hataholi sila la nggelok nde, Himeneus no Aleksander. Hataholi kaduak sila la, au hukus ninik au fe duas leo nitu a neu, fo ela duas hahae lakamumulu-lakamamaek Manetualain.

IBRANI 12:1

Naa, la'eneu ita mesa tala soona, nai ita boboa-kaisun hapu sakasii makadotok nanseli! Hu ndia de, mai fo ata tu'u-tapaheni basa hata fo ana tao nambela ita, ma basa sala-singok fo lakadita lahele ita. Ma mai fo no te'e-te'ek teu tunga nakasusu'di ka nde ita mata na.

YAKOBIS 2:7

Sila nde lakamumulu-lakamamaek emi na'de malolem fo, Manetualain fen neu emi a!

1 PETRUS 2:1

Hu ndia de, tu'u-tapaheni basa emi dudu'a-aafi mangalaum lala'ena; fo boso masapepeko-masandandali, boso dea-dalek, boso mape'da dalek, ma boso makamumulu-makamamaek hataholi fe'ek.

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

2 PETRUS 2:7

Tehu Lot naso'da, nana ana tunga Manetualain hihii-nanaun; ana doidoso nanseli, nana hataholi mangalauk sila la, ha'da-tatao ta kandaa nala fa.

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.

YUDAS 1:8

Tehu hataholi mangalauk fo mana talipeok sila la leondiak boe. Ala tao langgengeeo ao paa nala ninik me'i-afe nala. Lakadadaek Manetualain koasa na, boema lakamumulu-lakamamaek basa ata nusa so'dak manai nusa so'da ka.

NINITAK 16:9

Hataholi daebafa ka putus, hu ka nde le'do haa na, ma putu sila fo manasupa-soo Manetualain na'de na, Manetualain fo manakoasa susa-soe sila la. Leomae leondiak boe, ala ta nau tukatei-saledale leme sala-singo nala mai, ma ala ta nau koa-kio Manetualain matua-mademan fa.