KOLOSE 3:4 - Susula Malalaok Hehelu Palak Ma Hehelu Beuk

⁴ Ma nai lelek fo Ana natu'du seluk ao ina na soona, emi boeo nananitak, emi mandela-masa'a sama na leo Ndia boe!

KOLOSE 3:4 Σταυροειδείς Αναφορές

MAZMUR 17:15

Tehu neukose au mete O, nanahu au salang ta. Nai lelek au fo'a, O mamaim-ma, tao namahoko au daleng-nga

MAZMUR 73:24

O hela-nole au, nenik nanoli-nafa'dak, de makabuin-na, O sipok au no ha'da-holomata.

MATEOS 13:43

Ma hataholi mana tao tunga Manetualain hihii-nanau nala, neukose landela-lasa'a, sama leo le'do a nai sila Aman Manetualain Daebafa Beun dale. Ba'eneu see madi'idook soona, mamanene!”

LUKAS 17:30

Mahani te heheo-hihilun leondiak, nai lelek Ana Hataholi ka nananatu'duk.

YOHANIS 11:25

Tehu Yesus nafa'da Marta nae, “Au nde manafe maso'da ka, ma manatao naso'da falik hataholi manamate kala. Hataholi fo namahele neu Au a, neukose naso'da, leomae ana mate so.

YOHANIS 14:3

Au u fo Au sadia basa mamanak soaneu emi soona, neukose Au fali ma'i nga, fo Au mai ala emi, fo daenga Au nai bee soona, emi nai ndia boe.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

YOHANIS 17:24

Ama, Au nau fo ela hataholi fo Ama ka fes leu Au a, lakabubua lo Au nai Au mamana nga, fo sue ka nde sila lita Au matua-mademang. Matua-madema fo Ama ka fen neu Au nana Ama ka sue-lai Au te daebafak ia beita da'di fa.

YOHANIS 20:31

Tehu ala sulak basa ia la, fo daenga ela emi mamahele mae, Yesus nde been-na Mane Mana Fe So'dak fo Manetualain Anan, boema hu ka nde emi mamahelen, de emi hapu maso'da ka.

HATAHOLI 3:15

Boema tolanoo kala taomisan, te see ko na Ndia nde maso'da ka huu na, ba'eneu basa hataholi lala'ena. Tehu Manetualain tao naso'da fali kana neme mamate sa mai so. Ami nde sakasii matam dede'ak ndia.

ROMA 8:18

Tunga au hahapu nga soona, besak ia ita hapu doidoso kala, metema takasasama kana no mandela-masa'ak fo ita hapu ka soona, ta sama makandondook fa.

ROMA 8:19

Basa daebafa ka lala'ena lahiik lanseli fai na losa leona, fo Manetualain natu'du ana nala nde see.

1 KORINTUS 1:7

de nalosa emi ta to'a ta baba'e-papalak esa boen, nai lelek emi bei mahani ita Lamatuan Yesus Kristus mamai na, fo basa hataholi la litan.

1 KORINTUS 15:43

Nai lelek fo ao paak ndia nananatoik, ao paak ndia ta malole ma ndole-ndaku, tehu nai lelek fo nanatao naso'da fali ka, ao paak ndia nde bee na ao paak malole ma balakaik.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

FILIPI 3:21

Ita ao paa tapandoen fo hapu noe henin ia, neukose Kristus tao nasafalin, fo ana da'di sama leo Ndia ao paa mandela-masa'a na. Ana hapu tao tataos ndia, nana hu nanuu koasa soaneu Ana tao-no'i basa hata lala'ena.

1 TESALONIKA 4:17

Basa ndia soona, ita bei maso'dak nai faik ndia, ita sama-sama to hataholi sila la fo, teu tatongo to Lamatua ka nai ko'as lain nai lalai, fo ita leo to Lamatua ka, losa dodoo na.

1 TIMOTIUS 6:14

Tunga basa paleta sila la no ndoos ma matetuk, losa faik fo ita Lamatuan Yesus Kristus fali ma'in.

2 TIMOTIUS 1:1

Timotius fo au ana susue nga! Au, fo Paulus, au sulak fe o susulak ia, nana au amahena, ela leo bee na Amak Manetualain ma ita Lamatuan Kristus Yesus, fe baba'e-papalak, susue-lalaik ma mole-dame neu o. No Manetualain hihii-nanaun de, ala so'u au da'di Kristus Yesus hataholi nadedenun, boema nadenu au, fo au u tui-benga la'eneu maso'dak fo Manetualain helu ka. Ita hapu so'dak ndia, nana ita da'di esa to Kristus Yesus.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

TITUS 2:13

Besak ia, ita beitahani Faik fo ita tamahehenak ndia; Neu Faik ndia te, neukose daebafa ka nita Yesus Kristus matua-mademan, fo nde Manetualain fo Matua Madema, ma ita Mane Mana soi-mana tefa na.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

1 PETRUS 5:4

Soona mahani te, neu faik fo Mana Foo-lolo Matua Ina ndia Ana mai soona, neukose emi sipo ti'ilanga mandela-masa'a ka, fo ndela-sa'an ta kou mosa fa.

1 YOHANIS 2:28

Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.

1 YOHANIS 3:2

Tolano susue-lalai ngala lemin! Besak ia, Manetualai nanan ita so, tehu ita heo-hilun beita nandaa fa. Tehu ita bubuluk basan, metema Kristus mai soona, neukose ita da'di sama leo Kristus, nana ita titan nai heo-hilu isi-isi na dalek.

1 YOHANIS 5:12

See nanuu Manetualain Ana na soona, nanuu so'dak ndia; ma see ta nanuu Manetualain Ana na fa soona, ta nanuu so'dak ndia fa.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

NINITAK 2:7

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu salani nala! Sila fo manasengi kala, neukose Au fes loak la'a ai boak neme ai huu maso'da ka fo ana moli nai Manetualain Osin dale.”

NINITAK 22:1

Ata nusa so'dak ndia boeo natu'du au lee fo oe na ana fe maso'dak. Lee ndia mangadilak sama leo titino ka, ma ana faa neme Manetualain ma Bi'ilopo Ana ndia kandela mane na mai,

NINITAK 22:14

Maua-manalek neu hataholi fo ana safe ba'du manalu na losa malalaok, nalosa sila lanuu hak la'a ai boak neme ai maso'da ka boa na, ma ala masok leo kota ndia dalek tunga lelesuina na.