KOLOSE 3:22 - Susula Malalaok Hehelu Palak Ma Hehelu Beuk

²² Tolano-tolanook fo mana da'di ata la lemin! Ela leo bee na, nai basa dede'ak lala'ena dalek, emi tunga emi malangam manai daebafak ia paleta na. Boso tunga paleta nala, ka'da nai lelek fo emi malanga ma nanea emi a, fo sue ka nde emi malanga ma, ana koa-kio emi. Tunga paleta nala no dale katema tuak, hu ka nde emi fe ha'da-holomata neu Lamatuak Yesus.

KOLOSE 3:22 Σταυροειδείς Αναφορές

KEJADIAN 42:18

Neu faik ka telun-na boema, Yusuf nafa'das nae, “Au hataholi fo bii ma tunga neu Manetualain. Neukose au po'i emi no nonokek esa.

NEHEMIA 5:15

Gobelnol makahuluk-kala, ala da'di lelepa mabela soaneu laun-na, nana lakaseti laun-na fo faik esa soona, esan-na fe doi fulak haahulu soaneu sila nana'a-nininun ma angol. Nakalenak hataholi mana'a ngga'din-nala boeo tuni-ndeni laun-na. Tehu au ta nau tao leondiak fa, nanahu au bii-amata'u neu Manetualain.

NEHEMIA 5:9

Boema au afa'da seluk-kasa ae, “Emi tatao-nono'im ndia, ta malole fa! Emi muse maso'da no mame'da bibii-namata'uk neu Manetualain. No enok ndia, ita musun fo lamatua tak sila, emi ta fes loak soaneu lakamumulu-lakamamaek ita fa.

MAZMUR 123:2

Sama-na leo ata esa, namahena neu tuan-na, ma ata inak esa, namahena neu tuan-na saoinan-na, leondiak boe, ami mahani losa O sue-lai ami, ou ami Amam Manetualain.

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

PENGKHOTBAH 5:7

Boso dodoo doak-kana, metema mita manakoasa-la tuni-ndeni hataholi nuu-taa hata-taak-ka, loso-la hataholi sila haak-ka, ma ala ta fes ndoos ma matetuk fa. Malangan-na nasulu-nahapa hataholi mana'a ngga'di-la esa-esak, ma manapaleta manai lain-na nasulu-nahapa duas.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’

MATEOS 6:22

“Ita mata na, sama leo banuk esa neu ita ao paa na. Hu ndia de, metema emi mata ma neu ka soona, emi ao paa ma boeo nandela-nasa'a.

MATEOS 8:9

Nanahu au boeo muse akatele neu au malanga na paleta na. Boema nai au dae boeo, bei hapu solda'du ana kala, fo sila muse lakatele neu au paleta nga boe. Metema au adenu solda'du esa ae, ‘La'o!’ soona, ana la'o. Boema au afa'da seluk esa ae, ‘Mai ia!’ soona, ana mai; boema metema au paleta au ata nga ae, ‘Tao ia leon!’ soona ana taon.”

LUKAS 6:46

“Tao le'e de emi maloo Au mae, ‘Lamatuak, Lamatuak,’ tehu ta tao-no'i hata fo Au afa'dan neu emi a fa?

LUKAS 7:8

Nana au boeo akatele neu paleta manai lai na, ma nai au dae boeo hapu solda'du ana kala, fo muse lakatele neu au paleta nga. Metema au adenu solda'du anak esa ae, ‘La'o!’ soona ana la'o boe; ma metema au afa'da neu fe'e kala ae, ‘Mai ia!’ soona ana mai boe. Ma metema au paleta au ata nga ae, ‘Tao ia leona!’ soona ana taon boe.”

HATAHOLI 2:46

Tunga faik lakabubua tataas esa nai Manetualain Uman dale, ma la'a-linu lakabubua no namahokok, ma lasue-lalai ao nai uma lo nala dalek.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

GALATIA 1:10

Ade no enok ndia fo meten soona, nonoo ka bai de, au amahena hataholi daebafa ka, manaku au do? Ta leondiak fa! Au amahena ka'da Manetualain nde manaku au a. Ade au bei sanga enok fo, au ho'i hataholi daebafa ka dale na, fo ela ala manaku au do? Metema au bei tao leondiak soona, Kristu satan ta au fa.

KOLOSE 3:20

Ni'i ana la lemin! Emi da'di hataholi kamahehelek soona, emi manuu bela-ba'uk soaneu tunga ina amak paleta na tataas esa, nana hada-tataok leondia ka nde, nandaa no Manetualain dale na.

1 TESALONIKA 2:4

Ta! Ami ta kokolak soaneu tao mamahoko hataholi dalen fa te, soaneu tao mamahoko Manetualain dale na, fo mana so'ba ami dale'ma. Nana Manetualain nafa'da nae, ami mandaa tui-benga Hala Malole ndia.

FILEMON 1:16

Besak ia, ana ta da'di ata esa soaneu ka'da tolano ka mesa kana fa; tehu lena neme ndia mai. Ndia nde bee na, hataholi kamahehele susue-lalaik boe. Sosoa-ndandaan ba'u na seli soaneu au, lena-lenak soaneu o bai! Tao leo bee o, sosoa-ndandaan ba'u na seli, nau da'dileo ata do da'dileo tolanook nai Lamatua ka dalek!