KOLOSE 3:18 - Susula Malalaok Hehelu Palak Ma Hehelu Beuk

¹⁸ Tolano-tolanoo saoina kala lemin! Makatele neu emi saotou ma, nana hataholi kamahehele kala ha'da tataon muse leondiak.

KOLOSE 3:18 Σταυροειδείς Αναφορές

KEJADIAN 3:16

Boema, Manetualain nafa'da inak ndia nae, “Neukose, Au popo-tama seluk o he'dim-ma, nai lelek o bei mailu, ma nai lelek o bongi. Tehu leomae leondiak boe, o nasa sasaom soaneu o saotoum-ma, bei nahele, tehu, neukose o makatele neun.”

ESTER 1:20

Neu faik bee, fo Ama Manek nakeketun ndia, ana sipela leo basa nusak maloaina lala'en-na neu soona, neukose saoinak-kala esa-esak, fe ha'da holomata neu saotoun-na, nau kamasu'ik do nuu-taa hata-taak boe.”

HATAHOLI 5:29

Boema Petrus ma hataholi nadedenu fe'e kala lataa lae, “Ami muse tunga Manetualain, te ami ta tunga hataholi daebafak fa.

1 KORINTUS 11:3

Tehu au hii emi bubuluk dede'ak esa seluk fo nde, nae fo manda'di malangan neu tou kala esa-esak nde bee na Kristus; fo manda'di malangan neu saoina ka nde bee na saotou ka, ma fo manda'di malangan neu Kristu sa nde bee na Manetualain.

1 KORINTUS 14:34

ina kala muse bedenge nai nakabubua kala dalek. Ta bole fes loak soaneu ala kokolak fa. Ala ta bole da'di mauli-malangan fa; basa sila la nandaa no agama hoholo-lalanen.

EFESUS 5:22

Saoina ka nakatele neu saotou ka, sama leo nakatele neu Lamatua ka.

EFESUS 5:3

Emi nde bee na, Manetualain hataholi kamahehelen. Hu ndia de, tatao-nono'i sosoa-piao ka, ma matetu-mandaa ta ka, do tene peta ka, ta nandaa emi tao-no'i fas. Boso nalosak hataholi fe'e kala hapu ne'ek soaneu lafa'da lae, emi tao-no'i tatao-nono'ik leo sila kala.

EFESUS 5:9

Nanahu neme mangale'dok ndia mai de, basa tatao-nono'i malole mata-mata kala, tao tunga ka'da ndo na, ma ndo sa, ala tii mai, fo nandaa no Manetualain mata memete na.

1 TIMOTIUS 2:12

Au ta nau ina kala lanoli do ala paleta tou kala fa; muse ala pe'dao nala.