KOLOSE 3:16 - Susula Malalaok Hehelu Palak Ma Hehelu Beuk

¹⁶ Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

KOLOSE 3:16 Σταυροειδείς Αναφορές

1RAJA-RAJA 3:28

Lelek leoina Israel-la lamanene la'eneu Salomo nakeketun nai dede'ak ndia dalek, boema lasamanan ma ala fe ha'da-holomatak neun. Nana, nananitak nae Manetualain fe basan manatee-tenok soaneu tao ndoos ma matetuk.

1 TAWARIKH 25:7

Sila anatoun ka duahulu haan sila-la loo sila tolano ka'a-fa'din nala nde been-na malela ba'u nai nakaminak musik ka. Sila basa-basan lala'en-na hataholi natun dua faluhulu falu.

NEHEMIA 12:46

Mulai neme Mane Dauk-ka ma Asaf fo malelaina nai sasanu ndia tepo-lelen-na, basa manamakameek-kala lakamee nakamee kokoa-kikiok makasi soaneu Manetualain.

AYUB 23:12

Au tunga Manetualain paletan-nala, tataas esa, au tunga hihii-nanaun, te ta au hihii-nanau mesang-nga fa.

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

MAZMUR 119:54

Nai au maso'da keke'uanang, fo bei nai daebafak-ka, au tao O nakeketum-ma, da'di nakamee kokoa-kikiok.

MAZMUR 138:1

Neme Dauk mai. Ou Manetualain, au nau oke makasi neu O, nenik au dale katematuang-nga. Au akamee nakamee kokoa-kikiok ba'eneu O, nai lamatua daebafak lala'ena, matan.

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

MAZMUR 32:7

O nde, au mamana nafuning-nga, O soi-po'i au neme toto'a-tataak-ka mai. Boema au eki ma amahoko-setelee, nana O soi-tefa-mala au so.

MAZMUR 71:23

Au eking-nga henuk no namahokok, ma au akamee, nakamee kokoa-kikiok ba'eneu O Au aopaa-samaneng, nakamee no namahokok, nana O soi-tefa basa au so.

AMSAL 14:8

Hataholi manatee-tenok-ka ana bubuluk, tao leo beek fo, muse ana ho'i nakeketuk, tehu hataholi nggoak-ka, nggoan-na ke'di-ndiu-na seluk-kana.

AMSAL 18:1

Hataholi fo, ana ta nau nakabubua no hataholi fe'ek fa, sosoa-ndandaan nae, hataholi ndia taoafik neu ka'da aoinan-na mesak-kana; ana se'i hataholi fe'ek hahapun-na.

KIDUNG AGUNG 1:1

Kidung Agung fo Salomo taok-ka.

YESAYA 10:2

No enok ndia, emi kena-ka'i hataholi nuu-taa hata-taak-ka soaneu ana hapu sila haak-ka ma ala hapu ndoos ma matetuk-ka, ma emi loso-ma faluina-anamaak-ka hata-heton-nala.

YESAYA 26:1

Nai lelek ndia, neukose hataholi nakamee nakameek ia, nai dae Yehuda: “Ita kotan-na, balakain-na seli; Manetualain mesak-kana nafofo'a kota musun-na, Ita taso'da nai ndia.

YESAYA 30:29

Tehu emi, fo Manetualain anan-nala, neukose mamahoko-setelee ma makamee, sama leo feta agama, nai fai le'odaen-na. Neukose emi mamahoko, sama leo hataholi fo ana la'ok, de manafuu kinuk-kala, tunga dea, fo leu leo Manetualain Uman, fo manamasala'e Israel-la.

YESAYA 5:1

Mamanene au nakameeng, la'eneu au tia-laing-nga osi angon-na Au tia-laing-nga, nanuu osi angol nai pupukuk malolek-ka huun-na.

YEREMIA 15:16

O kokolak mo au, de au amanene basa O hala-kokolam lala'en-na. O num au, ou Amak Manetualain Fo Manakoasa, hu ndia de O hala kokolam neni namahokok ma naua-nanale fe au.

MATEOS 26:30

Basa boema lakamee nakamee kokoa-kikiok esa. De basa ndia boema leu leo Pupuku Setun a leu.

LUKAS 2:51

Basa boema Yesus fali sama-sama nos leo Nazaret leu, ma Ana tunga duas paleta na. Inan pe'da basa dede'ak sila la, nai dalen dale.

YOHANIS 15:7

Metema emi da'di esa mahele mo Au, boema Au nanoli nga nai emi dalem dale, fo emi hii beek soona moke Ama ka, te neukose Ana tao natetu emi nonokem ndia.

ROMA 10:17

Hu ndia de hataholi a namahele, nana lamanene halak ma hala ka nananamanenek nana hapu hataholi tui-benga la'eneu Kristus.

ROMA 15:14

Tolano-tolanoo ngala lemin! Au amahele, emi bei manuu dede'a malole ba'u ka. Emi boeo malelak basa-basan lala'ena, ma emi esa naoli esa boe.

1 KORINTUS 14:15

Da'di au muse tao beek? Neukose au tao ka nde ia: neukose au hule-haladoi inik au dula dale nga, tehu au boeo hule-haladoi inik au dudu'a-aafing boe. Neukose au akamee inik au dula dale nga, tehu au boeo nau akamee inik au dudu'a-aafing boe.

1 KORINTUS 14:26

Da'di tolano-tolanoo ngala lemin! Basa sila la sosoa-ndandaan beek? Metema emi makabubua fo sene-do'ok neu Lamatua ka soona, nggelok lakamee, nggelok fe nanolik, nggelok tui-benga hata esa neme Manetualain mai, nggelok kokolak nai dede'a matabeu kala dalek, ma nggelok lafa'da mangalele'do sosoa-ndandaan. Tehu basa sila la muse tao-no'in soaneu lanoli ma soaneu sila basa-basas malole na.

EFESUS 1:17

Au dokodoe, fo ela Manetualain, Amak fo mandela-masa'ak, ma ita Lamatuan Manetualain, fo nde Yesus Kristus, Ana fe Dula dale na neu emi. Neukose Dula Dalek ndia, Ana tao na emi da'di hataholi manatee tenok ma neukose natu'du Manetualain neu emi, fo daenga emi malela kana.

EFESUS 5:17

Boso mamanggoa, fo palisak matalolole hata fo Lamatua ka nahii kana.

EFESUS 5:19

Pake dede'a-kokolak neme mazmu ra mai, nakamee kokoa-kikiok, ma nakamee salanik nai emi hala-kokola ma dalek. Ela leo bee na, no dale namahokok, emi makamee kokoa-kikiok neu Lamatua ka.

EFESUS 5:26

Kristus tao leondiak fo ela Ana hapu tao balisi hataholi kamahehelek sila la ninik nanoli na, ma tunga oe salani ka, fo daenga makabui na, Ana hapu fen neu Manetualain.

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

KOLOSE 4:6

Ela leo bee na, dede'a-kokolak fo emi kokola kana, muse nini nanahokok fe hataholi, ma hataholi hii namanenen tataas esa. Ela leo bee na emi bubuluk, tao tao leo beek fo, emi muse mataa hataholi a natatane nala.

1 TESALONIKA 1:8

Nana mulai neme emi mai de, halak la'eneu Lamatua ka, nakapepela losa Makedonia ma Akhaya so. Tehu ta ka'da ndia mesa kana fa; nakalenak hala tutuik la'eneu tao leo bee de emi mamahele Manetualain boeo, ana losa mamanak lala'ena so de, ta paluu ami kokolak hata-hata so'on.

1 TESALONIKA 4:18

Hu ndia de, ela leo bee na, emi esa natetea-nahehele esa dale na, ninik dede'ak ia la.

2 TESALONIKA 3:15

Tehu boso taon da'di musu; ka'da manoli-mafa'dan sama leo tolanoo ka.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

2 TIMOTIUS 3:15

O muse mafandendelek te, o malelak Susula Malalao ka te, o bei ana ka. Susula Malalaok ndia nde fe o malelak, soaneu o hapu so'da-mole ka tunga o mamahele neu Yesus Kristus.

TITUS 3:6

Manetualain fe Dula Dale na neu ita, tunga Yesus Kristus fo ita Mane Mana Fe So'da na nde da'di lelete,

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

YAKOBIS 5:13

Metema nai emi dalek, hapu nggelok susa soona, ela leo bee na ana hule-haladoi. Metema hapu nggelok lamahoko soona, ela leo bee na, ana koa-kio Manetualain.

1 YOHANIS 2:14

Ana ngala lemin! Au sulak fe emi susulak ia, nana emi malelak Amak Manetualain so. Ama ngala lemin! Au sulak fe emi susulak ia, nana emi malelak Hala Kokolak fo ana da'di neme makasososan eli mai a so. Ana muli-solu ngala lemin! Au sulak fe emi susulak ia, nana emi mabe'i-balakaik. Manetualain dede'a-kokolan nai emi dalem dale, de emi sengi Hataholi Mangalau ka so.

1 YOHANIS 2:24

Hu ndia de, lelek emi mulai mamahele boema emi mamanene makasososa hala ka, ela leo been-na emi manea matalololen nai emi dalem dale. Nana metema emi taoafik matalolole halak ndia soona, neukose emi maso'da tatas esa moo Ana ka ma Ama ka.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.

2 YOHANIS 1:2

Nanahu Manetualain leo nai ita dalen dale, ma no nahele ita losa dodoo na.

NINITAK 14:3

Nai kandela mane ka matan ma mahahae kaha kala boema lasi-lasik manai kandela ndia boboa-kaisun, hataholi lifun natun esa hahuluha sila la lakamee nakamee beuk esa. Ta hapu hataholi esa boen nalelak nakameek ndia fa, ka'da hataholi lifun natun esa hahuluha ila la lalela kana. Hataholi sila nanasoi-tefa basak neme basa laun manai daebafa ka lala'ena mai so.

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.