KOLOSE 2:8 - Susula Malalaok Hehelu Palak Ma Hehelu Beuk

⁸ Ela leo bee na emi manea matalolole, fo daenga hataholi boso fufu'di-oodok nala emi, ninik hataholi daebafa ka malela sosoa-ndandaa ta nala, fo nini ka'da momopo-mamates. Manatee tenok sila la, ala ta mai leme Kristus mai fa, te leme ka'da hataholi daebafa ka hahapu na ma leme dula dalek fo mana koasa daebafa ka no lalai a mai.

KOLOSE 2:8 Σταυροειδείς Αναφορές

KIDUNG AGUNG 2:15

Ho'u-ma busa sila-la leon, busa ana manatao nalutu osi angol-la, nana ami osi angol-la bunan-na besak-ka lakapela.

YEREMIA 29:8

Au, Manetualain, Fo Manakoasa, fo Israel Manetualain-na, fe nasanene'dak neu emi, fo ela emi boso nanatipu-daik neme nabi-nabi fo ala leo nai emi tala'da, ado su'di see ndia boe fo nafa'da nae, sila bisa neuk-la le'do-fai manamaik-ka. Boso tao afik neu sila me'i-afen-nala.

MATEOS 10:17

Manea leona, nana neukose ala ho'u la emi fo lo emi meu mataa mana maketu-mala'di kala. Neukose ala fepa-li'u emi nai uma mamaso kala dalek.

MATEOS 16:6

Boema Yesus nafa'das nae, “I'akouk soaneu hataholi Farisi la ma hataholi Saduki la lalutei na.”

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

HATAHOLI 17:18

Nakabua Epikuro sa mese nala lo nakabua Stoa mese nala boeo, lase'i lo Paulus. Sila hataholin nggelok lae, “Hataholi ia bubuluk beek? Malela nala ka'da faanak mesan, tehu bafa na soona, loa na seli!” Sila hataholin nggelok soona lae, “Me'dan te ana tui-benga leoina fe'e kala nitu lalai nala nde ndia.” Ala kokolak lae leondia nana Paulus kokolak la'eneu Yesus, ma la'eneu hataholi a ana mate, tehu naso'da falik.

HATAHOLI 17:32

Lelek fo hataholi sila la lamanene Paulus kokolak nae, hataholi mana mate kala laso'da falik, boema sila nggelok hika Paulus. Nggelok bai soona lae, “Ami hii mamanene tolanoo ka kokolak seluk dede'ak ndia.”

ROMA 16:17

Tolano-tolanoo ngala lemin! Au dokodoe anseli: Fo ela leo bee na, manea matalolole soaneu hataholi mana makadada'dik nasi'da-naba'e ka ma manatao tasibu hataholi a namahehelen neu Lamatua ka. Dede'ak ndia, ta nandaa no hata fo lanolin neu emi a fa. Madook aoina mala neme hataholi leo sila kala mai.

1 KORINTUS 10:12

See dodoo nana napadeik natetu soona, ela leo bee na nanea matalolole; fo boso nalosak ana tu'da.

1 KORINTUS 8:9

Tehu masanene'dak! Fo boso hu ka nde emi mi'a su'di bee ka – de emi tao ma hataholi fe'ek fo namahehele na beita natea-nahele fa ndia – da'di nasala-nasingo.

2 KORINTUS 10:5

ma tao makalulutuk kota musu koao-ndaeaok fo lafofo'a soaneu la'ban malelak la'eneu Manetualai na. Ami tahan hataholi la dudu'a-aafin, ma ami tao malas lakatele leu Kristus.

GALATIA 1:14

Nai dede'a nakalala'ok agama Yahudi a hoholo-lalanen soona, au nde malole lenaheni au dedena-baba'ung hataholi Yahudi ngala. Au nde manggate anseli, nai nakalala'ok ami bei ba'i kai mala ha'da na.

GALATIA 4:3

Ita boeo leondiak: Lelek fo ita teu na bei nai dae, dula dalek fo mana koasa daebafak ia la, ala tao ita da'di ata.

GALATIA 4:9

Tehu besak ia, emi malelak Manetualain so, do la'e selu kana bai soona, Manetualain nalelak emi so. Naa, tao le'e de emi nau fali seluk leo dula dale daebafak ia la, fo tapandoes ma nuu taa-hata tak sila meu? Tao le'e de emi nau da'di ata seluk neu dula dalek sila la bai?

GALATIA 5:15

Tehu metema emi makisu-makaa aok soona, masanene'dak te, neukose emi makalulutuk no'u-no'u.

EFESUS 2:2

Nai lelek ndia, emi tunga ha'da-tatao daebafak ia; fo dede'ak ndia sosoa na nae, emi tunga mana koasa lalai a no daebafa maloa, fo nde dula dalek fo besak ia, ala koasa la hataholi fo ta lamahele neu Manetualai na, dale nala.

EFESUS 4:20

Tehu Kristus Yesus fo emi malela ka, ta leondiak fa.

EFESUS 5:6

Emi boso nanake'di-ndiuk, hu ka nde mana kokola bafa lou kala. Nana dede'ak ia la nde tao lafo'a Manetualain nasa melun, soaneu hataholi fo ta lamahele fan.

ULANGAN 6:12

manea matalolole, fo daenga emi boso mafandele heni Manetualain fo, manasoi-po'i basa emi neme Masir mai, fo mamanak manatao emi da'di ata.

FILIPI 3:2

I'akouk hataholi mana tao mangalau kala, fo hataholi sila la landaa lokes lae ‘busa’. Ala lakaseti hataholi la fo sunat asa.

KOLOSE 2:18

Boso po'ilotak hataholi fo ta'ko nakaloloe ao na do namahele ata nusa so'da kala, tao nakatutu'dak emi. Te hataholi ndia, ana koao ninik dudu'a-aafi daebafa na boema namatutua-namadedema ao na ninik ninita nala,

KOLOSE 2:20

Emi mate sama-sama mo Kristus so, ma emi nanase'i po'i basak neme dula dalek fo mana koasa daebafa ka no lalai a. Na, tao le'e de, emi maso'da sama leo hataholi fo daebafak ia bei koasa nala sala? Tao le'e de emi bei tunga nakanenetek fo nae,

KOLOSE 2:22

Basa nakanenetek sila, ka'da la'eneu dede'a-dede'ak fo pake basan soona, sosoa-ndandaan ta so'ok. Basa sila la, ka'da nakanenetek ma nanolik fo hataholi daebafa ka nde tao nana.

KOLOSE 2:23

Memak meten soona, nakanenetek ma nanolik, boema dede'a manatee tenok ndia, ala paleta fo daenga hataholi a sene-do'ok neu ata nusa so'da kala, ma nakaloloe-nakadae ao ina na, boema ana fepa li'u ao ina nala; tehu basa sila la sosoa-ndandaan ta, soaneu nauli hataholi a hihii-nanau ao paa na.

1 TIMOTIUS 6:20

Timotius ei! Manea matalolole, hata fo ala fen neu o a. Madook ao ma neme dede'a-kokola sosoa-ndandaa ta kala mai, ma hahae male'a dede'ak fo lafa'da sala-sala lo sosoa-ndandaan fo nde “Malela ka”.

2 TIMOTIUS 3:13

tehu hataholi mangalau kala, lo hataholi mana ke'dindiu kala, ala boetai mangalauk lakandoo.

IBRANI 13:9

Boso po'ilotak nanoli matabeu mata-matak lala'ena, ala tao latofa-latalak emi. Ita dale na, muse nananatetea-nahehelek ninik Manetualain dale malole na, fo ndia nde malole a. Boso hu ka nde nananaketuk neme ito-atok la'eneu nana'a-nininuk. Hataholi fo makahulu na ala tunga nakanenetek sila la, ala ta hapu sosoa-ndandaan fa.

IBRANI 3:12

Tolano-tolanoo ngala lemin! Masanene'dak, fo boso nalosak nai emi dalek, hapu hataholi esa dale na mangalauk ma namahehelen ta, nalosa ana fali deak ma nadook ao ina na neme Manetualain fo maso'da ka!

1 PETRUS 1:18

Emi bubuluk hata fo nanabae basak soaneu se'i po'i emi neme so'da manda'di tak fo emi bei ba'i mala ue ela kala. Baba'e na ta nanabaek ninik hata fo hapu nalutu fan sama leo lilo fulak do lilo pilas a,

2 PETRUS 3:17

Tehu ba'eneu emi fo, au tolanoo susue ngala lemin! Emi bubuluk basa dede'ak sila la so. Hu ndia de, manea matalolole, fo boso nalosak ala hela lini emi leo hataholi mangalauk sila dalek meu, fo emi tu'da meme emi mamana napadedei matea-mahele ma mai.

2 YOHANIS 1:8

Hu ndia de manea matalolole, fo boso nalosak emi mamopo hata fo, ami tao-no'i basan neu emi ndia. Sanga enok, fo ela emi hapu sipo la'iesak emi ngga'di ma neme Manetualain mai.