KOLOSE 2:3 - Susula Malalaok Hehelu Palak Ma Hehelu Beuk

³ Kristus nde soi nabe'i Manetualain manatee tenon ma malelan lala'ena, fo makahulu na, nananafunik ndia.

KOLOSE 2:3 Σταυροειδείς Αναφορές

1RAJA-RAJA 3:28

Lelek leoina Israel-la lamanene la'eneu Salomo nakeketun nai dede'ak ndia dalek, boema lasamanan ma ala fe ha'da-holomatak neun. Nana, nananitak nae Manetualain fe basan manatee-tenok soaneu tao ndoos ma matetuk.

AYUB 28:21

Ta hapu mahahae maso'dak, fo nita hain so, nakalenak, manupui manai lalai-a boeo, ta nita fan.

AMSAL 2:4

Sanga basa sila-la, sama leo sanga lilopilas, ma usi basa sila-la, sama leo usi hata-heto nananafunik.

YESAYA 11:2

Neukose Manetualain koasan-na hela-nolen, fo Ana taon da'di hataholi dale malole, ma manatee-tenok, malelaina nai ho'i nakeketuk-ka dalek, fo nakalala'ok-kana; nalelak Manetualain hihii-nanaun, ma namahele neun.

YESAYA 40:14

Manetualain natane neu see fo ela Ana hapu malelak? See kande fen natutu'duk, fo Ana tao no malelak?

MATEOS 10:26

“Boso bii hataholi daebafa ka. Ta hapu hata nananafunik, fo nananita tak, ma ta hapu hata nanabibila-babaa ka ta nana ofe henik fa.

LUKAS 11:49

Hu ndia de hapu nanasulak nai Manetualain susula Manatee Tenon dale nae, ‘Neukose Au haitua fes nabi-nabi, ma Au hataholi nadedenu ngala. Neukose ala taolisa nggelok, ma fepa-li'u nggelok!’

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

1 KORINTUS 1:24

Tehu ba'eneu Manetualain nalo basa hataholi la – nau hataholi Yahudi do hataholi ta Yahudi boe – tutuik ndia nalupa Manetualain eno-dalan soaneu natu'du koasa na, ma manatee teno na.

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

EFESUS 1:8

Ana tao leondiak, nanahu Ana sue-lai na ita ba'u na seli, ma Ana po'a ngganga fe ita susuek ndia, henuk no manatee tenok ma malelak.

KOLOSE 1:19

Manetualain fe la'i esak koasa paletan neu Kristus,

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

KOLOSE 3:3

Nanahu emi mate basa so de, emi so'da ma nananafunik sama-sama no Kristus, nai Manetualain dalek.

2 PETRUS 1:5

Hu ndia de, sanga enok te'e-te'e, fo ela emi mamahele mahele Kristus, ma emi namahehelem ndia, tia-saka selu kana no so'da malolea. Fe'ek neme so'da malole ndia mai, emi muse da'di hataholi malelak,

NINITAK 2:17

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala! Sila fo manasengi kala, neukose Au po'i fes la'a loti manna fo nananafuni ka, ma esa-esak neukose ana sipo batu fulak esa neme Au mai. Nai batu ndia, nanasulak na'de beuk esa fo esa boeo ta bubulu kana fa, ka'da hataholi mana sipo nana.”