KOLOSE 2:2 - Susula Malalaok Hehelu Palak Ma Hehelu Beuk

² Au tao basa sila la, fo ela sila dale nala latea-lahele ma lasue-lalai ao nalosa tututi-nanato nala latea-lahele. No enok ndia, sila lalelak te'e-te'e ma lamahele boema ala bubuluk Manetualain dede'a nafufuni na, fo nde Kristus.

KOLOSE 2:2 Σταυροειδείς Αναφορές

1RAJA-RAJA 3:28

Lelek leoina Israel-la lamanene la'eneu Salomo nakeketun nai dede'ak ndia dalek, boema lasamanan ma ala fe ha'da-holomatak neun. Nana, nananitak nae Manetualain fe basan manatee-tenok soaneu tao ndoos ma matetuk.

MAZMUR 133:1

Dauk nakamee dodonge-dadaman. Tete'ek-ka, malole ma namahokok nanseli, metema Manetualain anan-nala laso'da no mole-dame!

YESAYA 32:17

Basa hataholi-la, neukose tao hata fo la'en, nalosa hapu so'da-molek ma tetu-temak losa dodoon-na.

YESAYA 40:1

O Manetualaim-ma, nafa'da nae leo ia, “Kokoe-nanasi, kokoe-nanasi, au leoinang-nga leona!

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YEREMIA 9:24

Se nau namatutua-namadema aon-na la'eneu hata esa, soona muse dalen-na namatua nae ana nalelak ma bubuluk Au; nae ana bubuluk Au manasue-laik losa dodoon-na ma Au tao atetu huhukuk-ka ma ndoos ma matetuk-ka nai daebafak. Basa sila-la tao namahoko Au daleng-nga. Au, Manetualain, fo manakokolak-ka.”

MATEOS 11:25

Lelek ndia, Yesus hule-haladoi nae, “Amak, fo Lamatuak mana koasa lalai a ma daebafa ka! Au oke makasi neu O, nanahu basa dede'ak sila la, O bibila babaas soaneu hataholi malela kala ma hataholi malela ina la, tehu O matu'dun neu hataholi mana sakola ta kala.

MATEOS 11:27

Boema Yesus kokolak seluk nae, “Basa hata lala'ena, Ama fe basan neu Au so. Ta hapu hataholi esa boen hapu nalelak Ana ka, ta'da fe'e Ama ka. Ma ta hapu hataholi esa boen, hapu nalelak Ama ka, ta'da fe'e Ana ka, ma hataholi-hataholi fo lalelak Ama ka tunga Ana ka.

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

LUKAS 1:1

Ama Teofilus, Hataholi ba'u ka sanga basa enok fo ala sulak latalolole la'eneu basa manda'dik fo ala da'di nai ita tala'da so.

YOHANIS 10:30

Au ma Ama ka nde bee na, esa.”

YOHANIS 10:38

Te hu ka nde Au tao-no'in de, mamahele hata fo Au tao-no'ik ndia leona, leomae emi ta nau mamahele Au fa. No enok ndia, emi bubuluk ma malelak mae, Ama ka da'di esa nahele no Au, ma Au da'di esa ahele o Ama ka.”

YOHANIS 16:15

Ama ka nuun bee soona, Au nuung ndia. Hu ndia de, Au afa'da ae, hata fo Dula Dale ka nafa'dan neu emi soona, Ana sipon neme Au a mai.”

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 5:17

Tehu Yesus nafa'das nae, “Au Ama nga naue-nale'di nakandoo losa besak ia, de Au boeo aue-ale'di boe.”

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

YOHANIS 6:69

hu ndia de ami mamahele so, boema ami mamahele Lamatua ka nde hataholi malalaok fo Manetualain nadenun mai leo daebafa ka mai a.”

HATAHOLI 4:32

Basa hataholi kamahehelek sila la teikesa-dalekesa ma dudu'a-aafik esa. Ta hapu hataholi esa boen nafa'da nae, ndia hata-heton sila la ndia nuu mesan fa. La'a-pake hata-heto nala leu esa.

ROMA 15:13

Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

ROMA 16:25

Kokoa-kikiok neu Manetualain! Nanuu koasa fo natetea-nahehele emi namahehele ma, nandaa no Manetualain Hala Malolen fo au tui-bengan la'eneu Yesus Kristus. Au tui-benga halak ndia nandaa no hata fo Manetualain nafa'da ka: fo nde la'eneu Manetualain dale tutu'un fo teu netek eli la, hataholi a beita bubulu kana fa.

ROMA 2:4

Do emi ka'da makadadaek Manetualain dale malole na ma nggange loa na boema dudu'a manalu matuaina na ta nde ndia fa do? Tao leo beeo emi bubuluk basa, Manetualain natu'du susue-lalain nana Ana nau fo ela emi tukatei-saledale meme emi sala-singo mala mai.

1 KORINTUS 14:31

No enok leondia ka, emi basa-basa mala, hapu mangganggati aok fo tui-benga Manetualain dede'a-kokolan, fo ela basa-basas hapu sipo nanolik ndia fo ala boetai lamahele.

1 KORINTUS 2:12

Ma dula dale daebafak ndia, ta nanafek neu ita fa, te Dula Dalek fo maneme Manetualain mai a dei, fo ela ita bubuluk hata fo Manetualain ba'e-pala basan neu ita.

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

EFESUS 3:3

Manetualain soi heni dale tutu'u nafuni na de nafa'dan neu au so. (La'eneu dede'ak ndia, au sulak basan nai lain no keke'uk de,

EFESUS 6:22

Hu ndia de au adenun ne'i leo emi neu fo, ana tui au so'da nga neu emi basa-basa mala, fo daenga namatutua emi dale ma.

FILIPI 2:1

Emi hataholi balakaik, nanahu emi da'di esa mo Kristus. Ma emi mamahoko nanahu Kristus sue-lai emi! Manetualain Dula Dale na hela-nole emi de, emi masue-malai ao ma matulu-mafali ao.

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

KOLOSE 1:26

halak fo neme teu netek eli mai a, Manetualain nafunin soaneu hataholi daebafa ka lala'ena, tehu besak ia nanatui-bengak neu Manetualain salani nala so.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

KOLOSE 2:19

nalosa ana ta ho'u nahele Kristus da'di ndia malanga na fa. No Kristus hehela-nonolen de, ao paa ka nananakaboboik ma nanatao nakabubuak da'di esa, hu ka nde ua kakaluk ma bu'u mole kala, boema ala moli da'di tunga Manetualain hihii-nanaun.

KOLOSE 3:14

Tehu nanapaluuk nanseli a, nde: Emi muse masue-malai ao, nana susue-lalaik ndia nde pa'a nakabubua emi basa-basa mala, nalosa emi da'di matetu-mandaak.

KOLOSE 4:3

Hule-haladoi fe ami boe, fo ela Manetualain fe ami fai loak malole, soaneu ami tao mamaloloa halak la'eneu Kristus dede'a nafufuni na. Nana hu ka nde dede'ak ndia de, au masok bui.

KOLOSE 4:8

Au adenun ne'i leo emi neu, fo daenga emi bubuluk ami so'da ma, fo emi mamahoko.

1 TESALONIKA 1:5

Nana ami tui-benga Hala Malole neu emi, ta ninik ka'da hala-kokolak mesa kana fa, te ninik koasa, ma Manetualain Dula Dale na. Ma ami mamahele te'e-te'e neu Hala Malole ndia ndo na. Emi bubuluk, tao leo beek de, ami maso'da soaneu emi paluu ma, nai lelek fo ami bei makabubua mo emi a.

1 TESALONIKA 3:2

ami madenu ita tolanon Timotius ne'i. Timotius ia, Manetualain malalau-maoonon esa, fo nalalau-naoono sama-sama no ami, soaneu ami tui-benga Hala Malole la'eneu Kristus. Ami madenu Timotius ne'i fo natetea-nahehele emi, fo ela emi boetai mamahele seluk neu Kristus.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

IBRANI 6:11

Ami hii manseli fo ela emi esa-esak manggate makandoo losa mate'e na, nalosa emi sipo hata fo emi mamahenak ndia.

2 PETRUS 1:10

Hu ndia, tolano-tolanoo ngala lemin! Boetai sanga enok seluk, fo ela Manetualain nalo ma Ana hele nahele emi ndia, boetai natea-nahele. Metema emi tao tungan leondiak soona, neukose emi ta fali deak so'on.

2 PETRUS 1:3

Manetualain pake koasa na, de Ana fe ita, basa hata fo ita paluun soaneu maso'da ndo sa. Ana tao dede'ak ndia, nanahu ita talelak Yesus fo nalo basa ita, soaneu ita tame'da tita matua-mademan ma dale malole na.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus

1 YOHANIS 3:19

No enok ndia, besa ka ita bubuluk, Manetualai nana ndoon ita, de ita dale na tesa-tama nai Manetualain matan.

1 YOHANIS 5:7

Hapu sakasii telu: