KOLOSE 2:14 - Susula Malalaok Hehelu Palak Ma Hehelu Beuk

¹⁴ ma Ana sii heni ita susula hutan fo nakaseti ita tao hata esa no eno-dalak fo nini susa-soe fe ita. Hu no susula hutak ndia nanalona nggangek nai ai nggange ka de, Manetualain lose heni basa kalaak soaneu ita.

KOLOSE 2:14 Σταυροειδείς Αναφορές

NEHEMIA 4:5

Boso fe do'o do ampon neu tatao-nono'i mangalaun-nala, ma boso mafandeleheni sala-singon-nala, nana lakamumulu-lakamamaek basa ami, fo besak ia ami mafofo'a O umam-ma ia.”

ESTER 3:12

Boema, neu hataholi Yahudi-la bula ka esan-na, fain 13 boema, Haman naloo manek-ka hataholi manasulak susulan-nala. Nadenus, fo ala sulak susulak nandaa no basa hata fo ana paletak-ka, boema ala salin susulak sila lii na leo basa susula liik, fo ala paken nai nusak ndia. Ala sulak susulak ndia, nenik ala pake Mane Ahasyweros-sa na'den-na, ma ala cap-pana nenik ndelin-na, boema ala haituan no lai-laik leo basa manakoasa, gobelnol, ma hataholi matua-madema-la nai basa propensi-la. Isin-na nde paleta, fo nae neu hataholi Yahudi-la bula Adar-ra, fain 13 soona, basa leoina Yahudi-a, nau lasik do mulik, nau inak do ni'iana lala'en-na, muse taonisas, fo boso fe do'o do ampon neus, ma loso-ma, hata-heton-nala.

ESTER 8:8

Tehu susulak fo, nanasulak pake manek-ka na'den-na, ma nanacap nenik cap manek-ka, ta bisa hela falik-kana fa. Tehu au po'i emi, bole sulak susulak, la'eneu leoina Yahudi-a, su'di beek fo emi meten malole. Sulak susulak ndia pake au na'deng-nga, ma cap-pana menik nusak-ka cap-pa.”

MAZMUR 51:1

Soaneu mauli-malanga nakameek. Kokoa-kikiok fo Dauk taon

MAZMUR 51:9

Malalao-malalafu au, soona neukose au balisi; Safe-saa au, soona neukose au fulak lena heni a'bas-sa.

YESAYA 43:25

Tehu Au, Manetualain, fo manalose heni o sala-singom, manafe do'o do ampon neu o, nanahu Au ha'da-paliing leondiak; Au ta afandele o sala-singom fa.

YESAYA 44:22

Au usiheni o salam-ma, sama leo ko'as-sa, Au usi heni o sala-singom, sama leo ko'dendenuk-ka. Fali ma'im-ma, leo Au mai leona, nana Au soi-po'i o so!”

YESAYA 57:14

Nggelok lafa'da lae, “Tao, ma sadia enok ba'eneu Au anang-ngala, soliheok basa mana mapanggenggek lala'en-na.”

BILANGAN 5:23

Boema imam-ma muse sulak soo-supak ndia neu susula doo nanalunuk esa, fo basa soona, ana lose henin nenik oe makahe'duk ndia

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

KOLOSE 2:20

Emi mate sama-sama mo Kristus so, ma emi nanase'i po'i basak neme dula dalek fo mana koasa daebafa ka no lalai a. Na, tao le'e de, emi maso'da sama leo hataholi fo daebafak ia bei koasa nala sala? Tao le'e de emi bei tunga nakanenetek fo nae,

2 TESALONIKA 2:7

Emi bubuluk mae, Hataholi Mangalauk fo mana tao tatao-nono'i mangalauk ndia, ana mulai tao-no'i no nafufunik, nana hapu hata esa napangge nan. Tehu mahani te, metema fai na losa fo Manetualain tipa heni mana mapanggenggek ndia soona,

IBRANI 7:18

Da'di besak ia, nakanenete palaa ka nanatao basak leo boboak neu so, nanahu ta matea ma sosoa-ndandaan ta.

IBRANI 8:13

No hehelu-balataa beuk esa nananafa'dak de Manetualain tao hehelu-balataak fo makasososak ndia, namalasi ma ana palaa so, ma hata beek fo namalasi soona, neukose no lai-laik ana sapu-lalo.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.