KELUARAN 4:19 - Susula Malalaok Hehelu Palak Ma Hehelu Beuk

¹⁹ Lelek Musa bei nai dae Midian-na, te Manetualain nafa'dan nae, “Fali leo Masir muu leona. Te mate la'iesak hataholi, fo ala nau taolisa o-a so.”

KELUARAN 4:19 Σταυροειδείς Αναφορές

KELUARAN 2:15

Lelek manek-ka namanene la'eneu manada'dik ndia boema, ana sanga enok fo taonisa Musa. Tehu Musa nalai, de neu leo nai nusa Midian-na. Imam esa neme Midian mai, na'de Yitro, anafe'on hitu. Nai faik esa, fo lelek Musa nangatuuk deka no oedolu esa boema, Yitro anafe'o ka hitun-nala, ala mai hela oe, fo di'a leo sila aman bi'ihii bi'ilopon mamana nininun-nala dalek neu.

KELUARAN 2:23

Teuk lamalala boema, mate manek Masir-ra. Tehu leoina Israel-la bei hoo-nggu'u, nanahu ala taos da'di ata, nalosa ala nggasi loke tutulu-fafalik. Sila hoo-nggu'un losa Manetualain.

MATEOS 2:20

“Hataholi fo ana sanga taonisa ni'iana ndia, maten so. Hu ndia de, fo'a leona fo mo ni'iana ndia no inan fali leo Israel meu leona.”