KELUARAN 20:2 - Susula Malalaok Hehelu Palak Ma Hehelu Beuk

² nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

KELUARAN 20:2 Σταυροειδείς Αναφορές

1RAJA-RAJA 18:39

Nai lelek laun-na lita manada'dik ndia boema, ala lakatele leo dae a neu ma lafa'da lae, “Amak ndia Manetualain! Tete'e ka Amak ndia Manetualain!”

2RAJA-RAJA 17:7

Samaria tu'da, nanahu hataholi Israel-la, lasala-lasingo neu sila Manetualain, fo manasoi-tefa-nalas leme mane Masir-ra mai, de nos kalua leme nusak ndia mai. Ala sene-do'ok neu lamatua daebafak fe'ek-kala,

2TAWARIKH 28:5

Hu kande Manek Ahas-sa nasala-nasingo, de Manetualain po'ilotak manek Siria sengin, de ana foo neni hataholi Yehuda makadotok nanseli da'di leo hataholi nanafook leo Damsyik neu boe. Manetualain boeo po'ilotak Manek Pekah fo Remalya neme Israel anan-na segin, de nai faik esa dalen-na ana taonisa Yehuda solda'du palanin lifun natun esa duahulu. Sila bei-ba'i kain Manetualain po'ilotak basa sila-la da'di, nanahu Yehuda laun-nala ta taoafik neu Manetualain so'on.

MAZMUR 50:7

“Mamanene leon anang-ngala lemin, te Au nau kokolak, Israel, Au nau tui-benga soaneu emi; Au ia Manetualain, fo emi Manetualaim-ma.

MAZMUR 81:10

Nai emi dalek, boso hapu lamatua daebafa fe'ek boso sene-do'ok neu hataholi nusa dea-la lamatua daebafan-na.

MAZMUR 81:11

Au nde, emi Amam Manetualain fo manahela-nole emi kalua meme Masir mai. Lelek emi mamala'a, Au fe emi nana'ak.

MAZMUR 81:7

“Au so'uheni lelepa mabela neme emi alum lain mai so, ma se'iheni olik-ka neme emi limam-ma mai.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 15:13

O hela-nole leoina fo O soi-tefa-malak ia-la, nanahu O liineka neu O hala hehelum-ma. O masulu-mahapas, no be'i-balakai manituk, ma O hela-noles leo O dae-oem fo malalao-malalafuk-ka.

KELUARAN 15:16

Ala bii-lamata'u lanseli, nai lelek lita matan Manetualain be'i-balakain. Lelek O anam-mala la'ok tunga ndia, tehu musu-a ta napalani kena-ka'i fas; Fe leoina fo O soi-po'i basak-kala lala tasi selik.

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

KELUARAN 20:1

Boema Manetualain kokolak, de dede'a-kokolan nde ia,

KELUARAN 29:46

Neukose ala bubuluk lae Au nde Manetualain fo sila Manetualain-na fo mana no sila kalua leme Masir mai, fo ela Au hapu leo nai sila tala'daheon. Au nde sila Manetualain-na.”

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

YESAYA 43:3

Nana Au nde Amak, fo o Manetualaim-ma, Israel Manetualain malalao-malalafun, fo o manasoi-manatefam. Au soi-ala o, nenik Masir Sudan ma Seba, da'di leo o ngganggatim-ma.

YEREMIA 16:14

Manetualain nafa'da nae, “Neukose fain-na losa soaneu hataholi ta soo-supa seluk nenik a Au, Manetualain fo maso'dak, fo maneni falik hataholi Israel-la kalua leme Masir mai,

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YEREMIA 31:1

Manetualain nafa'da nae, “Neukose losa fain-na te, Au da'di leon Israel-la Manetualain-na, ma sila da'di Au anang-ngala.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

YESKIAL 20:19

Au nde Manetualain, fo emi Manetualain-na. Tunga Au hoholo-lalaneng, ma Au paletang-ngala.

YESKIAL 20:5

Manduku-malosak hata fo Au afa'dan ia. Au hele basa Israel, de Au soo fes so. Au atu'du Au aoinang-nga neus, neme Masir, de Au afa'da ae, ‘Au nde Manetualain fo emi Manetualain-na.’

YESKIAL 20:7

Au adenus fo, ala tu'u-tapaheni, sila hii lanuu dodoki-dudulak fo nanamaluak sila-la, ma Au kena-ka'is, fo ala boso tao langgenggeo aoinan-nala nenik, ala sene-do'ok neu sosongo-tatangok maneme Masir sila mai, nana Au nde, sila Aman Manetualain-na.

HOSEA 12:10

Tehu Au, fo emi Manetualain fo no emi kalua neme Masir mai-a, neukose Ana fe emi leo seluk nai lalaa temak-kala dalek, sama leo makahulun-na, fo nai lelek Au mai leo emi mai, nai moo solokaek-ka.

HOSEA 13:4

Manetualain nafa'da nae, “Au nde Manetualain, fo emi Manetualaim-ma, nde noo emi kalua meme Masir mai. Emi ta manuu Manetualain fe'ek neme Au mai fa. Au nde emi manasoi-manatefam fo kisak.

IMAMAT 11:45

Au nde Manetualain, fo noo emi kalua meme Masir mai, fo daenga Au da'di emi Manetualaim. Ela leo been-na, emi malalao-malalafuk, nanahu Au malalao-malalafuk.

IMAMAT 19:36

Pake metel, tatais, ma susu'di matetuk. Au nde emi Amam Manetualaim-ma, ma Au nde o emi kalua meme Masir mai.

IMAMAT 23:43

fo ela emi tititi-nonosim bubuluk lae Manetualain nadenu leoina Israel-la, leo lai lalaa ta kandaak-kala dalek, nai lelek Manetualain nos kalua leme Masir mai. Ndia nde emi Amam Manetualaim-ma.

IMAMAT 25:38

Emi Manetualaim-ma fo no emi kalua meme Masir mai, soaneu Ana fe nusa Kanaan-na neu emi, fo ela Ana da'di emi Manetualaim-ma, paletan-na nde ndia.

IMAMAT 25:42

Hataholi Israel-la nde been-na Manetualain atan-nala; Ndia nde nos kalua leme Masir mai, hu ndia de ta bole mase'os da'di leo ata fa.

IMAMAT 25:55

Hataholi Israel esa, ta bole da'di ata losa mate fa, nanahu leoina Israel-la nde been-na, Manetualain atan-nala. Manetualain nde nos kalua leme Masir mai. Ndia nde Amak, fo sila Manetualain-na.

IMAMAT 26:1

Manetualain nafa'da nae, “Boso tao sosongo-tatangok do mapadedeik dodoki-dudulak, do dii batu nanadoki-dulak fo sene-do'ok neun. Au nde emi Manetualaim-ma.

IMAMAT 26:13

Au, emi Manetualain, fo no emi kalua meme Masir mai, fo ela emi boso boe da'di ata bai. Au tao akalulutuk koasa manatuni-ndeni emi-a so, de Au tao emi da'di hataholi ao loak.”

AMOS 2:10

Au o falik emi kalua meme dae Masir-ra mai so, ma Au hela-nole emi teuk haahulu dalen-na neme moo solokaek-ka. Au fe hataholi Amori-la daen-na neu emi fo da'di emi nusam-ma.

ROMA 10:12

Dede'ak ndia la'e basa hataholi lala'ena, nana hataholi Yahudi no hataholi leoina fe'e kala matak esa. Manetualain fo kisak ndia, nde bee na Lamatuak soaneu hataholi lala'ena. Ana fe baba'e-papala manasasi kao-kao ka neu basa hataholi fo mananoke tutulu-fafalik neu nana.

ROMA 3:29

Do ka'da hataholi Yahudi la mesa kasa Manetualain ndia do? Ade leoina fe'e kala Manetualain ta ndia fa do? Hei, memak tete'e ka leoina fe'e kala Manetualain ndia boe!

ULANGAN 15:15

Mafandendelek te, makahulun-na emi da'di ata neme Masir boe, boema emi Manetualaim-ma, Ana soi-po'i emi; hu ndia de, au fe emi paleta ndia.

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

ULANGAN 5:15

Mafandendelek te, makahulun-na emi da'di ata neme Masir, boema emi Manetualaim-ma soi-po'i emi, nenik be'i-balakai matuainan-na. Hu ndia de, au paleta emi fo tao malalao-malalafu fai Sabat-ta.

ULANGAN 5:6

‘Au nde emi Manetualaim-ma, fo mananoo emi kalua meme Masir, fo mamanak emi da'di ata.

ULANGAN 7:8

Tehu, Manetualain hele emi, nanahu Ana sue-lai emi, ma nahiik tao natetu, Ana tao hehelu-balataak no emi bei-ba'i kaim-mala. Hu no ndia de, Ana soi-tefa-nala emi, nenik koasa matuainan-na, ma Ana soi-po'i emi neme emi da'di ata neu mane Masir-ra.

HAKIM-HAKIM 2:1

Manetualain ata nusa so'dan-na, neu leo Bokhim neu, de nafa'da hataholi Israel-la nae, “Au kalua basa emi neme Masir mai so, de Au o emi leo nusak fo Au helu basan neu emi bei-ba'i kaim-mala so. Au boeo afa'da ae, ‘Hehelu-balataak, fo manapa'a Au o emi-a, neukose Au ta tao ketu fan.

HAKIM-HAKIM 6:10

Au afa'da basa emi, ae Au nde Manetualain fo emi Manetualaim-ma, ma ae emi ta bole sene-do'ok neu leoina Amori, fo besak ia, emi leo nusan-na so, lamatua daebafan-na. Tehu, emi ta nau tunga Au paletang-ngala fa.’ ”