KELUARAN 13:5 - Susula Malalaok Hehelu Palak Ma Hehelu Beuk

⁵ No soo-supak, Manetualain helu emi bei-ba'i kaim-mala, fo Ana fe emi leoina Kanaan, Het, Amori, Hewi ma Yebus nusan-na. Manetualain no basa emi leo nusak fo kamasu'i-makabetek, ma maoe-maisik ndia neu so, de tunga teuk, nai hataholi Yahudi-la bula Abib-pa dalek, emi muse tao feta ia.

KELUARAN 13:5 Σταυροειδείς Αναφορές

KEJADIAN 26:3

Neukose Au asulu-ahapa ma ba'e-pala o. Neukose Au fe basa nusak ia lala'en-na neu o, ma neu o tititi-nonosim. Neukose Au tao atetu hehelu-balataak fo Au fe basan neu o amam Abraham so.

KEJADIAN 50:24

Nafa'da tolanoon-nala nae, “Au mamateng-nga deka so, tehu tao leo bee o, neukose Manetualain nakaboboi emi ma hela-nole emi kalua meme nusak ia mai, leo nusak fo Ana helu basan pake soo-supak neu Abraham, Isak ma Yakob.”

1 TAWARIKH 1:15

Hewi, Arki, Sini,

KELUARAN 12:24

Emi ma emi anam-mala, muse tunga paleta ia losa dodoon-na.

KELUARAN 13:10

Tao feta ia tunga teuk, nai faik fo nananaketuk-ka.”

KELUARAN 13:11

Musa nafa'da leoina Israel-la nae, “Neukose, Manetualain noo emi leo nusa Kanaan fo Ana helu fen neu emi, ma emi bei-ba'i kaim-mala nenik soo-supak. Metema dae ndia, ana da'di emi nuum soona,

KELUARAN 3:17

Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

KELUARAN 32:13

Mafandendelek O atam Abraham, Isak ma Yakob. Mafandendelek mae O maheluk pake sosoo-susupak soaneu O fe sila tititi-nonosin de'u nduuk manai lalai, boeo mafandendelek mae O fe la'iesak dae fo O heluk ndia, fo neukose ana da'di sila tititi-nonosin pusakan losa dodoon-na.”

KELUARAN 33:1

Boema Manetualain nafa'da Musa nae, “La'oela mamanak ia fo la'o sama-sama moo leoina fo o moos leme Masir leo nusak fo Au helu basan neu Abraham, Isak ma Yakob boema tititi-nonosin-nala.

KELUARAN 34:11

Emi muse tunga hoholo-lalanek fo faik ia Au fen neu emi. Neukose Au usiheni leoina Amori, Kanaan, Het, Feris, Hewi ma Yebus nai lelek emi tutulumatak.

KELUARAN 6:4

Au amanene basa hataholi Israel-la hoo-ngu'un, fo leoina Masir-ra taos da'di ata, boema Au afandele neu Au hehelu-balataang ndia.

KELUARAN 6:8

Musa nanduku-nalosak basa Manetualain hala hehelun ndia neu leoina Israel-la, tehu ala ta taoafik neu Musa fa, nanahu tuni-ndenik fo ta nanuu susue-lalaik ndia, taon-nalas ketu namahehenan-nala so.

YEREMIA 11:5

Metema sila tao-no'i basa sila-la soona, neukose Au tao atetu Au hala-hehelung-nga neu sila bei ba'i-kain-nala ae, nusak fo maisi-mamina ma tetu-temak fo besak ia ala langatu lak ndia, neukose Au fen neu sila.” Au ataa ae, “Malole, Manetualain.”

YEREMIA 32:22

Nusak fo neulauk-ka ma malole-manapuk ia, O fen neu sila, sama leo hata fo O helu basak-ka neu sila be'i-balakai manamaten-nala.

YESKIAL 20:6

Nai lelek ndia, Au soo ae, neukose Au oos kalua leme Masir mai, fo leu leo Au hele fes nusak-ka leu. Nusak ndia kamasu'ik, ma maoe-maisik, dae fo malole nanseli, nai basa daebafak-ka lala'en-na.

IMAMAT 20:24

Au helu basa, Au fe emi dae fo kamasu'i-makabetek, ma maoe-maisik ndia, fo da'di emi pusakam. Au nde emi Manetualain, fo manata'da fe'e emi neme leoina fe'ek-kala mai.

BILANGAN 11:12

Ade au nde ailu do bongi sila do? Tao le'e de, O madenu au da'di sama leo hataholi manako'o-ifa esa, fo ko'o ni'iana me'doana, nalosa au muse anea aheles, nai leleo-lala'o manalu dalek, leo dae fo O helu fen neu sila bei-ba'i kain-nala do?

BILANGAN 13:27

Lafa'da Musa lae, “Ami palisak matalolole nusak ndia so, de ami mita daen-na kamasu'ik, ma maoe-maisik, ma ami seu meni ai boak lumanak nde ia, neme naa mai.

BILANGAN 14:16

O taomisa O anam-mala neme moo solokaek-ka, nanahu O ta mapalani moos leo nusak fo O helu basak-ka leu fa.

BILANGAN 14:30

Nai emi dalek, ta hapu hataholi esa boen, fo teun duahulu leo lain neu, neukose ana masok leo nusak fo Au helu fen neu emi ndia fa, te ka'da Kaleb ma Yosua nde masok leo dalek leu.

ULANGAN 12:29

“Emi Manetualaim-ma, neukose Ana tao namate-namopo leoina fo, manaleo manai nusak ndia, nalosa emi hapu mangatuu-man, fo emi leo-ma nusak ndia.

ULANGAN 19:1

“Emi Manetualaim-ma, Ana tao namate-namopo basa leoina sila-la, fo Ana fe nusan-na leo emi neu, boema emi ho'i-ma kotan-nala, ma uman-nala, fo emi leo nai ndia soona,

ULANGAN 26:1

“Metema, emi masok mala emi Manetualaim-ma, fe emi nusak-ka fo, emi leo nai dalek,

ULANGAN 7:1

“Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.

YOSUA 24:11

Basa boema, emi lena Lee Yarden-na, de emi losa Yerikho. Hataholi Yerikho-la lata'ti loo emi, leondiak boe, hataholi Amori, hataholi Feris, Kanaan, Het, Girgasi, Hewi ma hataholi Yebus-sala. Tehu Au fe emi sengi la'iesak-kasa.