IMAMAT 7:18 - Susula Malalaok Hehelu Palak Ma Hehelu Beuk

¹⁸ Tehu metema, neu fai ka telun-na, te bei la'a paa ndia boe, soona neukose tutunu-hohotuk ndia ta nanasipok fa, ma ta neni baba'e-papalak ba'eneu hataholi ndia fa, nakalenak, ana da'di nana'a nalulik. Hataholi mana'ak-ka nasala, de muse ana lu'a-lepa tatao-nono'in buna-boan.

IMAMAT 7:18 Σταυροειδείς Αναφορές

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

YESAYA 65:4

Nai fai le'odaen-na, leu leo leak-kala ma lates-sala, fo loke nanoli-nafa'dak neme samanek-kala mai. Ala la'a paa bafi, ma linu paaoe nananalulik.

YESAYA 66:3

Tehu leoina ndia, tao tunga sila dale hihii-nanau mesan-na; ala lamahoko, ala maso-kasasi no enok fo nanamaluak. Ba'eneu sila soona, tatao-nono'ik lala'en-na, matak esa fo nde: tunu-hotu sapi mane, ma tunu-hotu hataholi daebafak, tunu-hotu bi'ilopoana, ma helula'di busa lesuha'in-na; tunu-hotu gandum, ma tunu-hotu bafi daan-na, tunu boomenik, ma sene-do'ok neu dodoki-dudulak.

YEREMIA 14:10

La'eneu leoina ndia Manetualain nafa'da nae, “Au ta amahoko neu hataholi-hataholi sila-la fo ala hii ka'da lalai heni aoinan-nala leme au-a mai. Neukose au ta asanggango heni sila salan-nala fa, ma neukose Au huku-doki sila, nanahu sila sala-singon-nala.”

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

IMAMAT 10:17

Tao le'e de, emi ta mi'a paa tutunu-hohotuk fo sala-singok hapu do'o do ampon ndia, nai mamanak malalao-malalafuk fa? Tutunu-hohotuk ndia malalao-malalafuk nanseli; Manetualain fen neu emi, fo ela hataholi Israel-la sala-singon hapu do'o do ampon.

IMAMAT 10:19

Boema Harun nataa nae, “Memak faik ia, hataholi Israel-la fe basa tutunu-hohotuk fo sala-singok hapu do'o do ampon, ma tutunu-hohotu nanatunuk soaneu Manetualain so. Leomae leondiak boe, soe ia tuni la'e au. Sa'di leo been-na, faik ia, au u'a paa tutunu-hohotuk fo sala-singok hapu do'o do ampon ndia boe, soona, ade, neukose Manetualain ta namahoko fa do?”

IMAMAT 11:41

Basa bana manalo'do-laek manai dae lain-na, nau manalo'do-laek-ka, ei 4-ka do ein makadotok boe, nde been-na bana nalulik, de ta bole na'a paan-na fa.

IMAMAT 17:16

Metema, ana ta tao tunga nakanenetek sila-la fa soona, muse ana lu'a-lepa tatao-nono'in buna-boan.

IMAMAT 19:5

Metema, emi tunu-hotu bana soaneu tutunu-hohotu mole-dame soona, tunga Au fe nakanenetek-kala, fo ela Au sipok tutunu-hohotuk ndia.

IMAMAT 20:17

Metema touk esa, ana sungu no feton-na, do tolanoo inan fo duas ama esa, tehu esak inan, do ina esa, tehu esak aman soona, sila ta da'di Au anang so'on. Ala tao tatao-nono'i ta kandaak fa, de muse ala lu'a-lepa aon buna-boan.

IMAMAT 20:19

Metema touk esa, ana sungu no te'on soona, duas muse lu'a-lepa la'olenak ndia buna-boan.

IMAMAT 22:16

nenik ala po'ilotak hataholi esa ta nanuu haak soaneu na'a fan. Tataos ndia taon-na hataholi ndia da'di nasala, ma neni huhukuk soaneun. Au nde Manetualain, ma Au nde tao alalao-alalafu tunu-hotuk ndia.”

IMAMAT 22:23

Soaneu tutunu-hohotuk fo hataholi fe no dale hihii-nanau mesan-na, emi bole tunu-hotu bana fo ein seli manalu do ein seli keke'uk-ka; tehu soaneu bae nasar soona, bana leondiak-ka ta nanasipok fa.

IMAMAT 22:25

Bana-manu fo hapun neme hataholi nusa dea mai, ta bole tunu-hotun soaneu tutunu-hohotu nana'ak-ka fa. Bole tafa'da tae bana ndia, bana lu'u-la'ak, de ta nanasipok fa.

IMAMAT 5:17

Metema, hataholi esa ta name'da fa te ana tao sala-singok, nanahu ana la'olena Manetualain paletan esa soona, hataholi ndia nasala so, de muse ana lu'a-lepa tatao-nono'in ndia buna-boan.

IMAMAT 7:19

Metema, hata manggenggeok esa, la'e paa soona, muse hotuhenin, ma ta bole na'a fan. Ka'da hataholi fo ta nanggenggeo fa, nde bole na'a tutunu-hohotuk mole-dame-a, paan-na.

AMOS 5:22

Metema emi meni tutunu-hohotu bana ma tutunu-hohotu gandum soona, neukose Au ta sipo fa. Au ta nau sipo emi bana-manu maaom, fo emi fen neu Au da'dileo tunu-hotu mole-dame fa.

MALEAKHI 1:10

Manetualain Fo Manakoasa, nafa'da nae, “Malole lenak, Au Umang-nga lelesun-na nanakenak, nana sosoa-ndandaan ta la'iesak-kana, emi mapila ha'i nai Au mei tunu-hotung lain. Au ta hii emi, ma Au ta nau sipok emi tutunu-hohotum fa.

MALEAKHI 1:13

Emi mafa'da mae, ‘Ita malua basa sila-la so’, ma emi heheta-aa'i Au. Emi meni banan-nakok, bana lu'u eik, do kamahe'dik, fo tunu-hotu fe Au. Emi maedaenga, Au nau sipo emi tutunu-hohotum sila-la do?

BILANGAN 18:27

Bole tafa'da tae, tunu-hotuk hehelik ndia, sama no tunu-hotu gandum beuk ma oe angol beuk-ka.

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

ROMA 4:11

Neu makabui na besa ka suna tana, tehu sunat ndia ana da'di ka'da ta'du esa nae, hu ka nde namahehele na de, Manetualain sipo kana da'dileo hataholi fo nandaa no dale na. Manetualain sipo kana ndek ana beita tunga suna ta nakanenete na fa. Boema ana da'di ama salanik neu basa hataholi kamahehele kala, ma hu ndia de Manetualain sipo kana da'dileo hataholi fo nandaa no dale na, leomae ana ta tunga suna ta nakanenete na fa.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.