IMAMAT 7:13 - Susula Malalaok Hehelu Palak Ma Hehelu Beuk

¹³ Fe'ek neme ndia mai boe, muse tunu-hotu loti fo ta pake laluteik fa.

IMAMAT 7:13 Σταυροειδείς Αναφορές

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

IMAMAT 2:12

Tunga teuk, emi muse tunu-hotu emi dae-oem buna-boa makasososan-na seli, soaneu Manetualain, tehu ta bole tunun nai mei tunu-hotuk lain fa.

IMAMAT 23:17

Uma loo esan-na, muse tunu-hotu loti dua, soaneu tunu-hotu natutu'duk ba'eneu Manetualain. Muse tao loti esa-na neme ha'desopu sopuanak kilo dua, ma pake laluteik, fo muse fen leo Manetualain neu, da'di leo tunu-hotuk neme dae-a buna-boa makasososan-na mai.

IMAMAT 23:18

Leoina Israel-la muse tunu-hotu bi'ilopoana hitu, teuk beke esak, sapi maneanak esa, ma bi'ihiik dua, sama-sama no loti ndia. Ta bole hapu bana lu'u-la'ak nai basa bana sila dalek fa, ma muse nanatunu-hotuk soaneu tutunu-hohotu nanatunuk, no tutunu-hohotu nana'ak ma tutunu-hohotu angol-la ba'eneu Manetualain. Tutunu-hohotuk sila-la, boon-na nandaa no Manetualain dalen-na.

AMOS 4:5

Bole tunu-hotu loti fo da'dileo emi moke makasi neu Au, ma bole kokolak dede'a me'i-afek mae emi fe basa tutunu-hohotuk tataman-na so! Tao leo bee o, emi mahiik taok-ka nde ndia!

MATEOS 13:33

Yesus tui seluk hataholi makadotok sila la, nakandandaak fe'ek esa seluk nae, “Metema Manetualain paleta soona, heheo-hihilun sama leo inak esa ana ho'i na lalu tei ka fo ana sese'do kana no ha'de sopuk fafa'kama kilo duahulu, tehu ha'de sopuk kilo kaduahuluk ndia, basa-basan sa'e!”

1 TIMOTIUS 4:4

Manetualain nakadada'dik basa hata lala'ena malole. Hu ndia de, metema ita sipon no hule-haladoik ma toke makasi neu Manetualain soona, ta hapu hata nana nalulik esa boen.