IMAMAT 7:12 - Susula Malalaok Hehelu Palak Ma Hehelu Beuk

¹² Metema, tutunu-hohotuk ndia, nanatunu-hotuk soaneu noke makasi, soona muse tunu-hotu bana ndia, no loti fo ta pake laluteik fa. Loti ndia bole makate, taon neme ha'desopu nanakamek no mina setun, bole loti tuuk ni'ianak boe, fo nanalosek nenik mina, do kokis fo taon neme ha'desopuk-ka no mina setun.

IMAMAT 7:12 Σταυροειδείς Αναφορές

2TAWARIKH 29:31

Basa ndia boema, Hizkia nafa'da nae, “Hu kande emi nanafe hehelik soaneu Manetualain so, de da'dileo emi tutunu-hohotu makasim-ma, emi muse meni tutunu-hohotuk leo Manetualain Uman mai.” Boema basa hataholi manai sila-la leni tutunu-hohotuk sila-la, nakalena hapu nggelok no dale hihii-nanau mesan-na, neni bana soaneu ana tunu-hotun da'dileo tutunu-hohotu nanatunuk.

2TAWARIKH 33:16

Basa boema ana tao nahii mei tunu-hotuk fo mamana makaluku-makatele neu Manetualain-na, boema ana fe tutunu-hohotu mole-dame ma tutunu-hohotu makasi neu ndia. Nadenu basa hataholi Yehuda-la sene-do'ok neu Israel Manetualain.

NEHEMIA 12:43

Nai faik ndia, tutunu-hohotuk makadotok nanatunu-hotuk soaneu Manetualain. Laun-na lamahoko-setelee nanahu Manetualain fes laua-lanale. Basa inak-kala ma ni'iana-la boeo tunga feta, de sila hala hika-natadalen-nala, lamanenen losa dook-ka.

MAZMUR 107:8

Nandaa, ala loke makasi neu Manetualain nanahu susue-lalain-na, nanahu tatao-nono'in fo, hataholi daebafak-ka dodoo doak-kana.

MAZMUR 116:17

Neukose au ini fe O, tutunu-hohotu makasi, boema au atu'du huhule-haladoik neu O.

MAZMUR 50:23

Hataholi fo, ana tunu-hotu tutunu-hohotu makasi da'di leo ndia tutunu-hohotun soona, ndia nde fe ha'da-holomata neu Au; ma ba'eneu hataholi fo manasadia enok-ka neukose Au atu'dun so'da-molek-ka neme Au mai.”

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

HOSEA 14:2

Hai leoina Israel-la lemin, fali me'um-ma leo emi Manetualaim-ma meu leona! Emi sala-singom tao-na emi kosik, de emi tu'u meu.

IMAMAT 2:4

Metema, nanatunu-hotuk ndia loti nanatunuk nai mamana tutunuk-ka soona, loti ndia muse ta pake laluteik fa. Loti ndia bole makate, fo taon neme ha'desopu sopuanak mai, fo kamen no mina setun, bole kokis boe, fo lose ka'da mina setun neu.

IMAMAT 2:5

Metema, nanatunu-hotuk ndia loti nanatunuk, fo tunun nai mamanak tutunuk lain soona, muse tao loti ndia neme ha'desopu sopuanak-ka mai, no mina setun, tehu ta pake laluteik fa.

IMAMAT 22:29

Metema emi tunu-hotu tutunu-hohotu makasi neu Manetualain soona, tunu-hotun tunga nakanenetek-ka, fo ela emi tutunu-hohotum nanasipok.

IMAMAT 6:16

Muse ana tao ha'desopu lenak-ka da'di loti fo ta pake laluteik fa, fo imam-mala la'an nai mamanak fo nanahele hehelik, fo nde: nai Manetualain Lalaa Teman-na so'dan-na. Fo Manetualain fe basa imam-mala baba'en neme tutunu-hohotu nana'ak-ka mai-a, nde ndia. Nana'ak ndia malalao-malalafuk nanseli, sama leo tutunu-hohotuk fo sala-singok hapu do'o do ampon, ma tutunu-hohotuk bae hutak-ka.

IMAMAT 7:15

Muse na'a bana ndia paan-na, nai faik fo bana ndia nanatunu-hotuk, ma ta bole ela faaanak boen, losa balahaa fafaik.

AMOS 4:5

Bole tunu-hotu loti fo da'dileo emi moke makasi neu Au, ma bole kokolak dede'a me'i-afek mae emi fe basa tutunu-hohotuk tataman-na so! Tao leo bee o, emi mahiik taok-ka nde ndia!

BILANGAN 6:15

Boeo, muse ana tunu-hotu loti ta pake laluteik lepeneu esa, fo nde loti bobongok, fo taon neme ha'desopu nanasese'dok mina setun, ma koki ni'ianak, fo nanalosek nenik mina setun. Fe'ek neme ndia mai, muse ana tunu-hotu tutunu-hohotu nana'ak ma tutunu-hohotu nininuk boe.

LUKAS 17:16

Boema nai Yesus matan, ana sene-do'ok ma noke makasi neun. Hataholi ndia hataholi Samaria.

LUKAS 17:18

Tao le'e de ka'da hataholi manamai ia, ana fali ma'in fo noke makasi neu Manetualain?”

ROMA 1:21

Hataholi daebafa ka nalelak Manetualain, tehu hataholi daebafa ka ta nau fe ha'da-holomata neu fan, da'dileo Manetualain, ma ala ta nau loke makasi neu fan. Te hataholi daebafa ka dudu'a-dodoo ka'da dede'a manda'di ta kala; nana dale nala makahatuk so.

EFESUS 5:20

La'eneu hata beek boe, ela leo bee na emi moke makasi tataas esa neu Amak Manetualain, ninik ita Lamatuan Yesus Kristus na'de na.

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.