IMAMAT 4:21 - Susula Malalaok Hehelu Palak Ma Hehelu Beuk

²¹ Basa soona, muse neni sapi mane ndia paan-na seli leo deak neu, fo tunun nai mamana ofu-a deak, sama leo tunu-hotu sapi mane nanata'tik soaneu tutunu-hohotuk fo Imam Matuaina ndia sala-singon hapu do'o do ampon. Tunu-hotu tutunu-hohotuk fo salanik-ka sala-singon hapu do'o do ampon-na, tataon-na leondiak.

IMAMAT 4:21 Σταυροειδείς Αναφορές

EZRA 8:35

Nai faik ndia boe, basa hataholi fo manafali ma'is leme mamana tu'u-tapak mai ndia, ala fe tutunu-hohotu nanatunuk neu Israel Manetualain-na. Ala tunu-hotu sapi mane sanahulu dua, soaneu basa Israel-lala'en-na, bi'ilopo mane siohulu nee, ma bi'ilopoana hituhulu hitu; fe'ek neme ndia mai boe, ala tunu-hotu bi'ihiik sanahulu dua, soaneu tutunu-hohotu do'o do ampon ba'eneu sila boe. Ala tunu basa bana sila-la, da'di leo tutunu-hohotuk soaneu Manetualain.

KELUARAN 29:14

Sapi mane ndia paan-na, loun-na ma ganggaen-na, muse tunus nai mamana oofuk-ka deak. Ndia nde da'di tutunu-hohotuk soaneu basa imam-mala sala-singon hapu do'o do ampon.

YESKIAL 45:22

Nai fai makasososan-na, manapaleta, muse tunu-hotu sapi mane esa, soaneu tutunu-hohotuk fo, sala-singok hapu do'o do ampon, ba'eneu ndia, ma ba'eneu basa laun-na lala'en-na.

IMAMAT 16:15

Basa ndia soona, Harun muse do'do bi'ihiik soaneu tutunu-hohotuk, fo hataholi Israel-la sala-singon hapu do'o do ampon. Muse neni bi'ihiik ndia daan-na leo Kama Malalao-malalafuk nanseli-a dalek neu, fo ana pisin neu Peti Hehelu-balataak-ka tatanan-na uluk, ma neu Peti uluk, sama leo ana tao basan nenik sapi mane-a, daan-na so.

IMAMAT 16:21

Muse ana lalaa liman duas neu bi'ihiik ndia langan lain, no ana manaku la'iesak leoina Israel-la salan-na, sala-singon ma lala'olenan-nala. No enok ndia, basa leoina Israel-la salan-nala, nanalali henik leo bi'ihiik ndia langan lain neu. Boema, muse nadenu hataholi esa, fo ana usi heni bi'ihiik ndia leo moo solokaek-ka neu.

IMAMAT 16:27

Sapi mane ma bi'ihiik, soaneu tutunu-hohotuk fo sala-singok hapu do'o do ampon, fo neni daan-na leo Kama Malalao-malalafuk nanseli-a dalek, soaneu tutunu-hohotuk fo sala-singok hapu do'o do ampon-na, muse tunun nai mamana ofu-a deak. Muse tunu la'iesak bana ka duak-kala loun-nala, paan-nala, ma tei-aten-nala.

IMAMAT 4:13

Metema manamasala-masingok ndia, basa hataholi Israel-la lala'en-na, nana ta lame'da fa te ala la'olena Manetualain paletan esa,

IMAMAT 4:20

Tataon-na sama leo tunu-hotu sapi mane soaneu tutunu-hohotuk fo sala-singok hapu do'o do ampon. Tataon-na leondiak, ba'eneu Imam Matuaina tunu-hotu tutunu-hohotuk soaneu salanik-ka sala-singon-nala, soona neukose, Manetualain fe do'o do ampon neu sala-singok sila-la.

IMAMAT 6:11

Basa ndia soona, muse ana nggati heni bua papaken-na, fo neni afu ndia leo mamana ofu-a deak neu, leo mamanak fo nanahele hehelik soaneu afu ndia so.

IMAMAT 6:23

Basa tutunu-hohotu nana'ak, fo imam-ma tunu-hotun, muse tunu la'iesak-kana, ta bole na'a faaanak boen.

IMAMAT 8:17

Tehu, sapi ndia paan-na, loun-na ma tei-ate lenan-nala, ma tei lutun-na boe, da'di sapi ndia paan-na lala'en-na, ta'da fe'ek bibiak nanatao kofe'ek-kala, ana tunun nai mamana ofu-a deak, sama leo Manetualain paletan-na.

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

IBRANI 13:11

Bana daa fo nanatunu-hotuk da'dileo tutunu-hohotuk soaneu sala-singo kala hapu do'o do ampo na, imam matua ina ninin leo Kama Malalao-Malalafu ka neu, tehu bana ndia ao na nai pandopo manai sila la dae too na deak.