IMAMAT 4:19 - Susula Malalaok Hehelu Palak Ma Hehelu Beuk

¹⁹ Muse ana ho'in-na la'iesak bana ndia minan-na, fo tunun nai mei tunu-hotuk lain.

IMAMAT 4:19 Σταυροειδείς Αναφορές

MAZMUR 22:14

Lasasale matak loo au no bafan-nala beepoo, sama leo singa nanggao fo ana kaa.

IMAMAT 12:8

Metema, inak ndia ta hapu sadia bi'ilopoana esa fa soona, muse neni manupui kaluaana dua, do manupui kateuana dua; fo esa soaneu tutunu-hohotu nanatunuk, ma esa seluk soaneu tutunu-hohotuk fo sala-singok hapu do'o do ampon. Imam-ma muse tao feta soaneu lose heni inak ndia manggenggeon-na, soona ana da'di balisi.

IMAMAT 14:18

Muse ana po'a mina lenak-ka neu hataholi ndia langan lain. No enok ndia, imam-ma tao feta nalalao-nalalafuk ba'eneu hataholi ndia, nai Manetualain matan.

IMAMAT 4:26

Basa soona, muse tunu la'iesak bana ndia minan-na nai mei tunu-hotuk lain, sama leo tutunu-hohotu mole-dame-a boe. Imam-ma tataon-na leondiak, soaneu ana fe tutunu-hohotuk ba'eneu hataholi manakoasa esa, soona neukose, Manetualain fe do'o do ampon neu hataholi ndia sala-singon.

IMAMAT 4:31

Muse, ana ho'in-na la'iesak bana ndia minan-na, sama leo tutunu-hohotu mole-dame-a boe. Imam-ma, muse tunu bana ndia minan-na nai mei tunu-hotuk lain, fo daenga boon-na nandaa no Manetualain dalen-na. Imam-ma tataon-na leondiak, soaneu ana fe tutunu-hohotuk ba'eneu hataholi lauingu esa sala-singon, soona neukose Manetualain fe do'o do ampon neu hataholi ndia.

IMAMAT 4:35

Basa soona, muse ana ho'i-na la'iesak bana ndia minan-na, sama leo tutunu-hohotu mole-dame-a boe. Muse tunu bana ndia minan-na nai mei tutunuk-hohotuk lain, sama-sama no tutunu-hohotu nana'ak fo nanatunu-hotuk neu Manetualain. Imam-ma tataon-na leondiak, soaneu ana fe tutunu-hohotuk ba'eneu hataholi ndia sala-singon, soona neukose, Manetualain fe do'o do ampon neu hataholi ndia.

IMAMAT 5:6

Ma soaneu sala-singon nanasoi-tefak, muse neni bi'ilopo esa, do bi'ihiiina esa, soaneu Manetualain. Imam-ma muse tunu-hotu tutunu-hohotuk ndia, fo ela hataholi ndia sala-singon, hapu do'o do ampon.

IMAMAT 6:7

Imam-ma tunu-hotun soaneu hataholi ndia, soona neukose, Manetualain fe do'o do ampon neu hataholi ndia.

BILANGAN 15:25

Boema imam-ma muse tao feta sala-singok hapu do'o do ampon soaneu hataholi Israel-la. Soona neukose, ala hapu do'o do ampon, hu kande ta lame'da fa te, ala tao salak so, ma hu kande leni basa tutunu-hohotu sala-singok hapu do'o do ampon, boema tutunu-hohotu nanatunuk neu Manetualain so.

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

IBRANI 9:14

Naa, metema bi'i daa no sapi daa, ala hapu tao balisi hataholi a neme sala-singon mai soona, muda hata no Kristus daa na bai! Tunga Dula Dale mana ketu basa ta ka, de Kristus tunu-hotu aoina na da'dileo tutunu-hohotu matetu-mandaak soaneu Manetualain. Kristus daa na, ana tao nalalao ita dale na, neme agama ito ato mana da'di taan ndia mai, fo ita hapu talalau-taoono Manetualain fo maso'dak dia.