IMAMAT 27:29 - Susula Malalaok Hehelu Palak Ma Hehelu Beuk

²⁹ Nakalenak, hataholi fo nanafe hehelik neu Manetualain soaneu tao namopo-namaten soona, ta bole soi falik-kana fa; muse taonisan.

IMAMAT 27:29 Σταυροειδείς Αναφορές

1RAJA-RAJA 20:42

Boema nabi ndia nafa'da manek-ka nae, “Manetualain nafa'da ka nde ia nae: ‘Hataholi fo Au fe paleta fo ela taonisan te o po'ilota kanan-naladeak so. Hu ndia de, o muse mate nggatin. Neukose o solda'du mala lakalulutuk, nanahu ala po'ilotak solda'du musu a nalai.’ ”

IMAMAT 27:28

Ta hapu hataholi esa boen, hapu nase'o do soi falik hata fo ana fe basan da'di leo fe-fe hehelik, soaneu Manetualain so, nau hata ndia hataholi, bana-manu do dae boe. Sila-la da'di Manetualain nuun losa dodoon-na.

IMAMAT 27:30

Baba'ek esa neme baba'ek sanahulu, neme basa dae buna-boan lala'en-na mai, nau gandum do ai boak boe, nde been-na soaneu Manetualain.

SEMUEL SUSULAK-KA ESAN-NA 15:3

Da'di, muu leona, fo sapu-ma hataholi Amalek-kala, fo tao makalulutuk hata-heton-nala lala'en-na. Boso ela hata esa boen; taomisa la'iesak touk-kala, inak-kala, ni'iana-la ma ni'iana bongi beuk-kala; boeo sapi, bi'ilopo, onta ma keledei.”

SEMUEL SUSULAK-KA ESAN-NA 15:8

Saul taonisa la'iesak Amalek laun-nala ma solda'dun-nala. Tehu Saul no solda'dun-nala ho'u-la Agag, fo hataholi Amalek-kala manen-na, tehu ala ta taolisa fan, leondiak boe, bi'ilopon-nala ma sapi ao neulaun-nala, sapianan-nala ma bi'ilopoana maaon-nala, ma hata-heto mabelin lala'en-na; ala taolisa ka'da bana-manu nggo'dadui ma beli taak-kala.