IMAMAT 2:4 - Susula Malalaok Hehelu Palak Ma Hehelu Beuk

⁴ Metema, nanatunu-hotuk ndia loti nanatunuk nai mamana tutunuk-ka soona, loti ndia muse ta pake laluteik fa. Loti ndia bole makate, fo taon neme ha'desopu sopuanak mai, fo kamen no mina setun, bole kokis boe, fo lose ka'da mina setun neu.

IMAMAT 2:4 Σταυροειδείς Αναφορές

MAZMUR 22:14

Lasasale matak loo au no bafan-nala beepoo, sama leo singa nanggao fo ana kaa.

KELUARAN 12:8

Le'odaek ndia boe, muse dala paan-na, fo la'an no aidoo makaheduk ma loti fo kamen ta pake laluteik fa.

KELUARAN 16:31

Hataholi Israel-la loke nana'ak ndia soona lae, manna Lupan-na, sama leo aide'e lutuanak dula fula, ma la'dan-na, sama leo kokis nanasese'dok fanioe.

KELUARAN 29:2

Ho'i ha'desopu neulauk fo kamen, tehu boso kamen no laluteik. Ho'i-ma ha'desopuk nanakamek ndia seli, fo tao loti nenik mina setun, ma seli boso pake mina, ma ha'desopu ela-ka, taon neu kokis fo lose mina neu.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YESKIAL 46:20

de nafa'da nae, “Nai mamanak ia, basa imam-mala muse nasu tutunu-hohotuk fo, sala-singok hapu do'o do ampon, ma tutunu-hohotuk fo bae huta-bu'uk-ka, boema ala dala tutunu-hohotu gandum-mala, fo ela boso leni tutunu-hohotuk fo, malalao-malalafuk ndia, faa anak boen, leo uma so'dan manai deak-ka neu, fo boso neni soe fe laun-na.”

IMAMAT 1:11

Hataholi ndia, muse do'do bana ndia nai mei tunu-hotuk-ka boboan kii, boema imam-mala muse po'a daan-na neu mei tunu-hotuk-ka boboan haas.

IMAMAT 10:12

Musa nafa'da Harun ma anan duas, fo Eleazar ma Itamar nae, “Ho'i-ma gandum lenak-ka, neme nana'ak fo nanatunu-hotuk soaneu Manetualain. Tao loti, fo ta pake laluteik, neme ha'desopuk ndia mai, fo mi'an nai mei tunu-hotuk-ka boboan-na, nanahu, tutunu-hohotuk ndia malalao-malalafuk nanseli.

IMAMAT 7:12

Metema, tutunu-hohotuk ndia, nanatunu-hotuk soaneu noke makasi, soona muse tunu-hotu bana ndia, no loti fo ta pake laluteik fa. Loti ndia bole makate, taon neme ha'desopu nanakamek no mina setun, bole loti tuuk ni'ianak boe, fo nanalosek nenik mina, do kokis fo taon neme ha'desopuk-ka no mina setun.

BILANGAN 6:15

Boeo, muse ana tunu-hotu loti ta pake laluteik lepeneu esa, fo nde loti bobongok, fo taon neme ha'desopu nanasese'dok mina setun, ma koki ni'ianak, fo nanalosek nenik mina setun. Fe'ek neme ndia mai, muse ana tunu-hotu tutunu-hohotu nana'ak ma tutunu-hohotu nininuk boe.

MATEOS 26:38

Boema nafa'da ana mana tunga nala nae, “Au dale nga he'di nanseli. Au ame'dan sama leo sanga mate. Ela emi meme ia fo manea sama-sama mo Au.”

YOHANIS 12:27

“Au dale nga to'a-sota. Besak ia Au muse ae le'e bai? Ade Au muse afa'da ae, ‘Ama, fali ma Au neme hatematak ia mai leona do’? Te hu ka nde doidosok ia de Au mai.

YOHANIS 3:34

Hu ka nde hataholi fo Manetualain nadenun fo ana tui-benga Manetualain dede'a-kokola na, Manetualain fe la'iesak Dula Dale na neu hataholi ndia so.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

1 PETRUS 2:1

Hu ndia de, tu'u-tapaheni basa emi dudu'a-aafi mangalaum lala'ena; fo boso masapepeko-masandandali, boso dea-dalek, boso mape'da dalek, ma boso makamumulu-makamamaek hataholi fe'ek.

1 PETRUS 2:22

Ana beita tao nita salak, ma beita hapu hataholi namanenen, nasapepeko-nasandandali fa.