IMAMAT 2:2 - Susula Malalaok Hehelu Palak Ma Hehelu Beuk

² Muse nenin leo imam-imam fo Harun tititi-nonosin-nala neu. Imam malalau-maoonok-ka muse ho'in-na ha'desopuk ndia nafanggetek esa, no mina setun-na, ma boomenin-na lala'en-na, fo tunun nai mei tunu-hotuk lain, fo da'di leo ta'du-tana, nae basa-basan lala'en-na, nanatunu-hotuk basak soaneu Manetualain so. Tutunu-hohotu nana'ak ndia boon-na, nandaa no Manetualain dalen-na.

IMAMAT 2:2 Σταυροειδείς Αναφορές

NEHEMIA 13:14

Ou au Manetualaing-nga, mafandendelek basa hata lala'en fo au taon soaneu O Umam-ma no malalau-maoonon.

NEHEMIA 13:22

Boema au adenu hataholi Lewi-la tao feta tao balisi aok-ka, ma lanea lelesuina-la fo ela hataholi-la fe ha'da-holomata neu fai Sabat-ta. Au hule-haladoi ae, “Ou Manetualain, mafandele neu au, nanahu dede'ak ndia boe, ma sue-lai au, nandaa no O susue-lalai matuainam-ma.”

KELUARAN 30:16

Moke doik sila-la neme leoina Israel-la mai, fo paken soaneu makaluku-makatele nai Au Lalaa Temang dale. Basa sila-la nde been-na, doi soi-tefak soaneu sila aoinan-na, de neukose Au afandendelek-kasa tataas esa fo Au asulu-ahapas.”

YESAYA 66:3

Tehu leoina ndia, tao tunga sila dale hihii-nanau mesan-na; ala lamahoko, ala maso-kasasi no enok fo nanamaluak. Ba'eneu sila soona, tatao-nono'ik lala'en-na, matak esa fo nde: tunu-hotu sapi mane, ma tunu-hotu hataholi daebafak, tunu-hotu bi'ilopoana, ma helula'di busa lesuha'in-na; tunu-hotu gandum, ma tunu-hotu bafi daan-na, tunu boomenik, ma sene-do'ok neu dodoki-dudulak.

IMAMAT 1:13

Boema hataholi ndia muse safe bana ndia tei-aten ma sakibolon-na. Basa soona, imam-ma muse tunu-hotu la'iesak paa ndia nai mei tunu-hotuk lain soaneu Manetualain. Tutunu-hohotuk ndia boon-na, nandaa no Manetualain dalen-na.

IMAMAT 1:17

Basa soona, muse siin neu manupui ndia li'da huun-na, tehu ta bole ketu heni li'dan-na fa. Soona, muse tunu manupui ndia, nai mei tunu-hotuk lain. Tutunu-hohotuk nanatunuk ndia boon-na, nandaa no Manetualain dalen-na.

IMAMAT 1:9

Boema, hataholi ndia muse safe sapi ndia tei-aten, ma sakibolon-na, fo imam malalau-maoono-la, muse tunu la'iesak-kana. Tutunu-hohotuk ndia boon-na, nandaa no Manetualain dalen-na.

IMAMAT 2:16

Imam-ma muse tunu gandum ma mina ndia seli ma boomenin-na lala'en-na, fo da'di leo ta'du-tana, nae basa-basan lala'en-na, nanatunu-hotu basak soaneu Manetualain so.

IMAMAT 2:9

Imam-ma ho'in-na nana'ak ndia seli, fo ana tunun nai mei tunu-hotuk lain, da'di leo ta'du-tana, nae basa-basan lala'en-na nanatunu-hotuk basak soaneu Manetualain so. Boon-na nandaa no Manetualain dalen-na.

IMAMAT 24:7

Tao boomeni isik neu loti tata'dak-kala esa-esak lain, fo ana da'di ta'du-tana, nae loti ndia nde been-na, tutunu-hohotu nana'ak ba'eneu Manetualain.

IMAMAT 4:31

Muse, ana ho'in-na la'iesak bana ndia minan-na, sama leo tutunu-hohotu mole-dame-a boe. Imam-ma, muse tunu bana ndia minan-na nai mei tunu-hotuk lain, fo daenga boon-na nandaa no Manetualain dalen-na. Imam-ma tataon-na leondiak, soaneu ana fe tutunu-hohotuk ba'eneu hataholi lauingu esa sala-singon, soona neukose Manetualain fe do'o do ampon neu hataholi ndia.

IMAMAT 5:11

Metema, hataholi masalak-ka ta nalak sadia manupui kateu dua, do manupui kalua dua, soaneu tutunu-hohotuk sala-singok hapu do'o do ampon fa soona, muse neni ha'desopuk kilo esa. Ha'desopuk ndia, ta bole nanasese'dok mina setun, do tao boomenik neu fa, nana tutunu-hohotuk ndia nde been-na, tutunu-hohotuk sala-singok hapu do'o do ampon, te ta tutunu-hohotuk nana'ak fa.

IMAMAT 5:12

Muse neni ha'desopuk ndia leo imam-ma neu. Fo imam-ma, muse ho'in-na ha'desopuk ndia nafanggetek esa da'di leo ta'du-tana, nae basa-basan lala'en-na, nanatunu-hotu basak neu Manetualain so. Muse tunu ha'desopu nafanggetek kisak ndia, nai mei tunu-hotuk lain, fo da'di leo tutunu-hohotu nana'ak. Ndia tutunu-hohotun nde ndia, soaneu tutunu-hohotuk sala-singok hapu do'o do ampon.

IMAMAT 6:15

Muse ana ho'in-na ha'desopuk sopuanak nafanggetek esa, no mina ma boomenin-na lala'en-na, fo ana tunun nai mei tunu-hotuk lain, fo da'di leo ta'du-tana, nae ana fe la'iesak tutunu-hohotuk ndia leo Manetualain neu so. Tutunu-hohotuk ndia, boon-na nandaa no Manetualain dalen-na.

BILANGAN 5:18

Basa soona, ana muse lofa heni inak ndia langadoon-na, ma ana tao ha'desopuk fo tunu-hotu neneok-ka leo liman dale neu, te imam-ma, ana ho'u oe makahe'duk fo maneni soo-supak-ka.

BILANGAN 5:26

Boema muse ana ho'i-na ha'desopuk nafanggetek esa, fo da'di leo ta'du-tana nae tunu-hotu basa ha'desopuk ndia lala'en-na so, soona ana tunun nai mei tunu-hotuk lain. Mate'en-na, ana fe inak ndia ninu oe ndia.

HATAHOLI 10:4

Kornalius mete ata nusa so'dak ndia no bibiik, boema nae, “Bee ka Tuan?” Boema ata nusa so'dak ndia nae, “O huhule-haladoim ma o dale malole ma, Manetualain sipo kana so, ma nafandele o.