IMAMAT 18:5 - Susula Malalaok Hehelu Palak Ma Hehelu Beuk

⁵ Tunga Au fe emi nakanenetek ma hoholo-lalanek-kala. Metema, emi tao leondiak soona, emi maso'da. Au nde Manetualain-na.”

IMAMAT 18:5 Σταυροειδείς Αναφορές

NEHEMIA 9:29

O fes nasanene'dak, fo ela ala tunga O nanolim-ma, Tehu no koao-ndaeaok, ala ta sipok O hoholo-lalanem fa. Te se'kona, metema ala tao tunga O hoholo-lalanem soona, tao leo bee-o, neukose so'dan-nala da'di malole. Sila langa batuk ma dale matea, ta nau lamanene, ta nau tunga fa.

KELUARAN 6:2

Au atu'du Au aoinang-nga neu Abraham, Isak ma Yakob da'di leo Manetualain Fo Manakoasa, tehu Au ta fes lalelak Au nenik na'dek ‘Manetualain fa’.

KELUARAN 6:29

Tehu, Musa nataa nae, “Manetualain, O bubuluk, mae au ta kokolak alelak fa. Masa bole, manek-ka nau namanene au?”

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESKIAL 18:9

Ana tunga Au paletang-ngala, ma ana tao tunga Au hoholo-lalaneng-ngala. Hataholi leondiak-ka, nde hataholi fo manatao tunga ndoon-na, de neukose naso'da nahele. Au, Manetualain Fo Mademaina, nde manakokolak-ka.

YESKIAL 20:11

Nai naa, Au fes Au paletang-ngala, ma Au anolis, Au hoholo-lalaneng fo, ala muse tungan, nana hataholi manatao tungan-na, neukose naso'da nahele.

YESKIAL 20:13

Tehu, ala la'ban Au neme moo solokaek-ka boe. Ala la'olena Au paletang-ngala, ma ala ta sipok Au hoholo-lalaneng fo, metema hataholi-a tao tungan soona, naso'da nahele. Ala tao langgenggeo fai Sabat-ta, nanseli. Hu ndia de, bei leme moo solokaek-ka ndia, Au sadia basa, sanga kalua Au nasa-melung soaneus, fo Au tao amate-amopos.

YESKIAL 20:21

Tehu, bobongi makabuik sila-la boeo, ala la'ban Au. Ala la'olena Au hoholo-lalaneng, ma ala ta taoafik neu Au paletang-ngala fa, fo metema hataholi-a, ana tao tungan soona, naso'da nahele. Ala tao langgenggeo fai Sabat-ta. Hu ndia de, Au sadia basa, sanga kalua Au nasa-melung soaneus nai moo solokaek, fo Au taoisa la'iesak-kasa.

IMAMAT 18:6

Manetualain fe nakanenetek-kala nde ia: Boso sungu moo hataholi esa neme emi tolanoo ka'a-fa'dim mai.

MALEAKHI 3:6

“Au nde Manetualain, ma Au ta da'di asafali fa. Hu ndia de, ta mopo-mate emi, fo Yakob tititi-nonosin-nala fa.

MATEOS 19:17

Boema Yesus nataa nae, “Tao le'e de o matane Au la'eneu hata bee ka nde malole a? Hapu ka'da Esa mesa kana nde malole a. Metema o hii maso'da soona, o muse tao tunga Manetualain paleta nala.”

LUKAS 10:28

Yesus nae, “O natataam ndia la'en. Tao-no'in leona, soona neukose o maso'da.”

ROMA 10:5

Musa sulak nae, hataholi a malole falik no Manetualain tunga agama hoholo-lalanen soona, neukose hataholi ndia naso'da nanahu ana tao tunga agama hoholo-lalanen ndia.

ROMA 7:10

boema au mate. Tunga au dudu'a makasososa nga soona, agama hoholo-lalanen ndia nini so'dak, te se'kona nini mamates fe au.

GALATIA 3:12

Tehu agama hoholo-lalanen, ta nangatuuk nai namahehele ka fa. Nai Susula Malalaok dale nanasulak nae, hataholi mana tunga agama hoholo-lalane na, neukose naso'da, hu ka nde hoholo-lalanek ndia.

ULANGAN 30:20

Sue-lai emi Manetualaim-ma, ma tungan leona, ma lilineka neun. Soona, emi ma emi tititi-nonosim, neukose laso'da ma teu naluk nai nusak fo, Manetualain helu basan neu emi bei-ba'i kaim Abraham, Isak ma Yakob.”

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.