IMAMAT 10:6 - Susula Malalaok Hehelu Palak Ma Hehelu Beuk

⁶ Boema Musa nafa'da Harun no ana fe'en-nala, fo nde Eleazar ma Itamar nae, “Boso po'ilotak emi langa doom-ma nanggangganu, ma boso sisii-lulu'i emi bua papakem-ma, fo matu'du mae emi susa, ma emi falu. Metema emi tao leondiak soona, neukose mate emi, ma Manetualain namanasa la'iesak hataholi Israel-la. Tehu hataholi Israel fe'ek-kala, bole falu soaneu hataholi manamatek ka duak-kala, nanahu ha'i-a neme Manetualain mai.

IMAMAT 10:6 Σταυροειδείς Αναφορές

2 SEMUEL 24:1

Manetualain namanasa seluk Israel, boema Ana fufu'di-oodok Dauk no dudu'ak, fo ela neni toto'a-sosotak fe leoina ndia. Manetualain nafa'dan nae, “Leke hataholi Israel-la ma hataholi Yehuda-la dede'un-nala.”

EZRA 7:5

Abisua, Pinehas, Eleazar, Imam Matuaina Harum-ma.

KELUARAN 6:23

Korah anatoun telu, fo nde: Asir, Elkana ma Abiasaf. Fo leo-ingu Korah bei-ba'i kain nde hataholi sila.

YEREMIA 7:29

Manetualain nafa'da nae, “Wahai, laun Yerusalem-mala lemin, susa leona! Nggute-ma, emi langadoom-ma, fo tu'u henin leona! Makamee nakamee kii-makaleleuk nai letelepak-kala poin-na, nana Au, fo Manetualain, amanasa de Au tipa basa emi basa-basam-mala so.

IMAMAT 13:45

Hataholi esa hapu he'di lou mangalauk soona, muse ana pake bua-lo'a saik, ma ana po'ilotak langadoon-na nanggangganu. Muse ana ko'oketu mata-panan, ma ana nggasi-nggasi mesan nae, “Manggenggeok! Manggenggeok!”

MIKHA 1:16

Hai hataholi Yehuda-la lemin, nggute heni emi langadoom-ma, fo da'dileo ta'du-tana manafaluk, ba'eneu emi anam fo emi sue-laik-kala. Nggeu heni emi langadoom-ma losa dilak, sama leo manupui mana'a popolak-ka, nana neukose emi anam-mala, nanafook leo mamana tu'u-tapak neu.

BILANGAN 1:53

Tehu hataholi Lewi-la, muse ofu okofeo-la Au Lalaa Temang-nga. Sila muse lanean, fo ela ta bole hataholi deka fan, nalosa ala tao-la Au amanasa, fo Au huku hataholi Israel-la.”

BILANGAN 14:6

Yosua, fo Nun anan-na, ma Kaleb, fo Yefune anan-na, fo hataholi ka duak ia-la, lai manamakuk sila-la dalek boe, ala sisii-lulu'i bua papaken-nala, fo da'di neu ta'du-tana manasusak.

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

BILANGAN 18:5

Ka'da o, Harun ma o anam-mala, nde muse makalala'ok bela-ba'uk manai Kama Malalao-malalafuk-ka, ma mei tunu-hotuk-ka, fo ela Au boso boe amanasa, leoina Israel bai.

BILANGAN 20:25

Moo Harun no anan Eleazar, leo Letek Hor-ra neu.

BILANGAN 5:18

Basa soona, ana muse lofa heni inak ndia langadoon-na, ma ana tao ha'desopuk fo tunu-hotu neneok-ka leo liman dale neu, te imam-ma, ana ho'u oe makahe'duk fo maneni soo-supak-ka.

ULANGAN 33:9

Ala lilineka neu O, lena heni basa hata lala'en-na, lena heni ina-amak, ma tolano ka'a-fa'di-a. Ala tunga O paletam-mala, ma ala tao latetu, O hehelu-balataam.

YOSUA 22:18

Ma besak ia, emi nau masadea seluk Manetualain do? Metema, faik ia emi la'ban Manetualain soona balahaa te, neukose namanasa hataholi Israel-la lala'en-na.

YOSUA 22:20

Mafandele, Akhan fo Zerah anan-na, ana ta nau tunga Manetualain paletan la'eneu bua-lo'as fo muse tao nakalulutuk-kasa, de mate'en-na beek da'di? Hataholi Israel-la lala'en-na nanahukuk. Fo masala-masingok-ka ka'da Akhan dei, tehu manamatek-ka, ta ka'da ndia mesak-kana fa!”

YOSUA 7:1

Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

YOSUA 7:11

Hataholi Israel-la, tao sala-singok so. Au fe basa paleta, fo ela ala tunga hehelu-balataak nai sila loo Au, tehu ala la'olenan! Ala ho'i-la bua-lo'as, fo muse tao nalutus-sala so. Lamanako-la, bua-lo'as sila, de lafunis nai bua-lo'an-nala dalek, fo ela hataholi boso bubuluk.