IMAMAT 10:3 - Susula Malalaok Hehelu Palak Ma Hehelu Beuk

³ Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

IMAMAT 10:3 Σταυροειδείς Αναφορές

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

AYUB 2:10

Ayub nataa nae, “O kokolak sama leo hataholi nggoak-ka kokolan-na! Masa bole, ita nau sipo ka'da hata, fo malole neme Manetualain mai, te hata fo ta malole-a, ita ta nau sipo fan?” Da'di, leomae Ayub hapu basa susa-soe sila-la lala'en-na, tehu ana ta kokolak dede'a-kokolak fo la'ban Manetualain fa.

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 148:14

Ana tao natetea-nahehele leoinan so, de nalosa, anan susuen Israel koa-kion. Koa-kio Manetualain leona!

MAZMUR 39:10

Au denge-denge, de au ta huka au bafang-nga fa, nana O nde fepa-li'u au.

MAZMUR 39:9

Po'i au neme basa au sala-singong-ngala mai, boso po'ilotak hataholi nggoak-ka, hakinonoli au.

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

MAZMUR 89:7

Nai lalai, ta hapu hata fo, sama leo O fa, ou Manetualain, ta hapu mahahaek nusa so'dak fo, sama leo O fa.

MAZMUR 93:5

Manetualain, O hoholo-lalanem manaketu-basa tak neme doon losa dodo-na, O Umam-ma malalao-malalafuk, losa dodoon-na.

KELUARAN 14:17

Neukose Au tao-a hataholi Masir-ra lalanga batu, nalosa ala usi lahele hataholi Israel-la, fo neukose, Au atu'du Au koasang-nga neu manek Masir-ra, solda'dun-nala, kaleta musun-nala, boema basa hataholi manasa'e ndalan-nala.

KELUARAN 14:4

Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

KELUARAN 19:22

Nakalenak, imam-imam fo ala nau mai deka loo Au-a, muse ala tao lalalao-lalalafu aoinan-nala; metema ta soona, neukose Au hukus.”

KELUARAN 19:24

Manetualain nataa nae, “Kona leona, fo basa soona, fali ma'im-ma leo ia mai, sama-sama moo Harun. Tehu imam-imam-mala, ma laun-na ta bole lena dae too-a, fo ala mai leo Au mai fa. Metema, ala lenan soona, neukose Au hukus.”

KELUARAN 30:30

Lose mina neu Harun no anan-nala boe, fo ela sila nanandoo eik da'di imam soaneu lalalau-laoono Au.

YESAYA 39:8

Boema manek Hizkia nataa nae, “Manetualain hala hehelun fo, o manduku-malosak-kana neu au-a, malole boe.” Ana nataa nae leondia nanahu, ana dodoo nae, “Sa'di au nusang-nga, nee-nee lino-linok nahele, ma mole-dame, nai lelek au bei aso'da.”

YESAYA 49:3

Nafa'da au nae, “O nde, Au atang-nga; Neukose Au nananamatutua-namadedemak, hu kande o.”

YESAYA 52:11

Muu leona! La'oela kota Babel-la, hai emi fo, manaho'i meni Manetualain uman-na, lou-lan! Boso koila'e buas fo, manggenggeok: emi beita la'o fa te, tao malalao-malalafu emi aoinam-ma.

YESKIAL 20:41

Metema, Au o basa emi kalua neme nusa-nusak fo, nai bee emi nanatao tapasasalak-ka soona, neukose Au tao akabubua emi, ma Au sipo la'iesak emi tutunu-hohotu nanatunum lala'en-na. Soona besak-ka, basa leoina-kala bubuluk, lae Au ia, Manetualain Fo Malalao-malalafuk nanseli.

YESKIAL 28:22

Mafa'da laun-nala mae Au, Manetualain Fo Mademaina, nafa'das nae, ‘Hai Sidon, o musum-ma nde Au ia. Neukose hataholi-la, ala koa-kio Au, nanahu Au tatao-nono'ing soaneu o-a. Nai lelek Au huku o laum-mala, neukose ala bubuluk lae Au nde, Manetualain fo malalao-malalafuk-ka.

YESKIAL 38:16

Boema, o sapu-ma Au anang Israel, sama leo ani-sangu-a sa'e-na daebafak-ka. Metema fain-na losa soona, neukose Au adenu o, fo muu mangatuu-ma Au daeng-nga. Hai Gog, no Au tatao-nono'ing tunga o, de neukose leoina-kala bubuluk, see Au, fo nde Manetualain, fo malalao-malalafuk-ka.

YESKIAL 40:46

ma uma ai fo nasale leo kii neu-a, nanasadiak soaneu basa imam fo, manamalalau-maoono nai mei tunu-hotuk-ka. Basa imam sila-la, muse leme Zadok tititi-nonosin-nala mai. Nana neme leo Lewi-a mai, ka'da Zadok tititi-nonosin nde bole deka loo Manetualain fo lalalau-laoonon nai makaluku-makatele-a dalek.

YESKIAL 42:13

Touk ndia, nafa'da au nae, “Uma ka duak sila-la, uma malalao-malalafuk. Imam-mala bole lasasalematak loo Manetualain nai ndia, fo la'a tutunu-hohotu malalao-malalafuk-kala, fonde tutunu-hohotu gandum, tutunu-hohotuk fo, sala-singok hapu do'o do ampon, do tutunu-hohotu bae hutak.

IMAMAT 21:15

Metema, ana la'olena nakanenetek sila-la, soona anan fo tunga ndoon-na malalao-malalafuk-ka, neukose langgenggeo. Au nde Manetualain, de Au hele hehelik basa ndia da'di leo imam matuaina so.”

IMAMAT 21:17

fo nafa'da Harun dede'ak-kala nde ia nae, “O tititi-nonosim esa lu'u-la'ak soona, ana ta bole tunu-hotu tutunu-hohotu nana'ak soaneu Au fa. Pake paleta ndia losa dodoon-na.

IMAMAT 21:21

Imam Harun-na tititi-nonosin fo lu'u la'ak-ka, ana ta bole tunu-hotu tutunu-hohotu nana'ak fe Au fa.

IMAMAT 21:6

Au nuu heheling ndia, de ta bole tao nanggenggeo Au na'deng-nga fa. Ana tunu-hotu tutunu-hohotu nana'ak soaneu Au, da'di ndia muse malalao-malalafuk.

IMAMAT 21:8

Leoina Israel-la, muse manaku, imam-ma da'di leo hataholi fo nanafe hehelik ba'eneu Au, nanahu, ana tunu-hotu tutunu-hohotu nana'ak soaneu Au. Au nde Manetualain; Au ia malalao-malalafuk, de Au tao alalao-alalafu Au anang-ngala.

IMAMAT 22:9

Basa imam-mala muse tunga Au fe nakanenetek-kala. Metema ta soona, lasala de neukose mates, nanahu ala la'olena nakanenetek malalao-malalafuk sila-la. Au nde Manetualain, ma Au nde hele hehelik sila soaneu Au.

IMAMAT 8:35

Nai faik hitu dalen-na, lele'do-le'odaen, emi muse mahele nai Lalaa Temak-ka lelesun-na bafan-na, fo tao hata fo Manetualain paletan. Metema, emi ta tao tunga fan soona, neukose mate emi. Dede'ak ndia, nde Manetualain paletan neu au.”

BILANGAN 16:5

Boema, nafa'da Korah no hataholi manalook-kana nae, “Balahaa fafaik soona, neukose Manetualain natu'du fe ita, see kande Ndia nuun, ma see kande nanafe hehelik soaneun. Hataholi fo Ana helek-ka, neukose Ana fen loak, fo ana deka non.

BILANGAN 20:12

Tehu Manetualain fe Musa no Harun nasanene'dak nae, “Hu kande emi namahehelem neu Au-a, beita dai soaneu matu'du Au koasang fo malalao-malalafung-nga, nai leoina Israel-la matan-na, de neukose emi ta mauli-malangas losa ala masok leo nusak fo, Au helu fen neu sila fa.”

MATEOS 10:37

Hataholi mana sue-lai aman do inan lena heni Au, soona hataholi ndia ta nandaa da'di Au ana mana tungang fa. Leondiak boe, ba'eneu hataholi fo ana sue ana toun do ana inan lena heni Au a.

YOHANIS 12:28

Ama, O na'de ma nananamatutua-namadedemak!” Boema namanene halak esa neme lalai mai de nafa'dan nae, “Au amatutua-amadedema basan so, ma neukose Au amatutua-amadedema selu kana.”

YOHANIS 14:13

Boema metema emi moke hata esa minik Au na'de nga soona, neukose Au fe emi, fo ela Ama ka nananamatutua-namadedemak tunga Ana ka.

ULANGAN 32:51

Nana emi dua, ta lilineka neu Au, ma ta fe ha'da-holomata neu Au nai leoina Israel-la matan, nai lelek emi meme oemata Meriba, fo deka no kota Kades-sa, nai moo solokaek Sin-na.

2 TESALONIKA 1:10

Basa sila la, neukose ala da'di nai faik fo Ana mai, fo basa hataholi kamahehele kala lamatutua-lamadedeman ma ala fe ha'da-holomata neun. Emi boeo, neukose nai Manetualain hataholi kamahehelen sila la dalek, nana emi mamahele halak fo, ami tui-bengan neu emi a.

1 PETRUS 4:17

Fai na losa, soaneu Manetualain naketu-nala'di daebafa ka so. De neukose Manetualain hataholi kamahehele nala nde, nananaketu-nala'di nakahulu ka. Naa, metema Manetualain mulai naketu-nala'di losa ita soona, neukose da'di tao leo beek neu hataholi fo, ala ta lamahele Manetualain Hala Malolen ndia fa?

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.

SEMUEL SUSULAK-KA ESAN-NA 3:18

Boema Semuel nafa'da la'iesak-kana neu Eli. Ta nafuni dede'ak de'ek esa boen. Basa boema Eli nafa'da nae, “Manetualain nde ndia, de nemen-na, fo Ana tao hata fo Ana meten malole.”

SEMUEL SUSULAK-KA ESAN-NA 6:20

Boema Bet-Semes laun-nala lafa'da lae, “See kande bisa nakatatakak nai Amak, Manetualain Fo Malalao-malalafuk ndia matan? Ita muse teni peti ndia leo bee neu, fo ela dook-ka neme ita mai?”