IBRANI 9:15 - Susula Malalaok Hehelu Palak Ma Hehelu Beuk

¹⁵ Hu ndia de, Kristus da'di lelete neu hehelu beuk esa, fo ela ita fo Manetualain nalo basa ka, hapu baba'e-papala mana ketu basa tak, fo Manetualain helu ka. Basa sila la ala da'di, hu ka nde hataholi esa mamate na, fo nde Kristus. Fo no Kristus mamaten ndia, de Ana soi-tefa na hataholi a neme sala-singon, fo ala tao-no'in nai lelek fo ala bei pake hehelu-balataa makasososak ndia.

IBRANI 9:15 Σταυροειδείς Αναφορές

MAZMUR 37:18

Manetualain nanea, hataholi manatao malole-a, so'dan-na, sila pusakan-na, nahele losa dodoon-na.

DANIAL 9:26

Nai tepo-lelek ndia mate'en-na, mauli-malangan fo Manetualain helek sila-la, neukose nanataonisak, te se'kona salan ta. Soona mane mabe'i-balakaik esa solda'dun-nala mai, boema ala tao lakalulutuk kota Yerusalem-ma ma Manetualain Uman-na. Neukose tepo-lelek ndia mate'en-na, ana mai sama leo faa matuaina, fo neni natee-natatik, ma nakalulutuk, sama leo Manetualain naketu basan so.

MATEOS 19:29

Ma see la'oela uma-loon do tolanoo tou tolanoo inan, do ina aman, do upu-anan, do tina-osin nanahu Au soona, neukose hataholi ndia, ana sipo fali kana didikuk la'i natun esa. Ma neukose, ana sipo so'da matetu ka, ma mana ketu basa ta ka boe.

MATEOS 22:3

Manek ndia, nadenu malalau-maoono nala, leu lala hataholi nanaka'i kala leo feta ndia leu. Tehu hataholi nanaka'i sila la ta nau mai fa.

MATEOS 25:34

Basa ndia soona, Manek ndia nafa'da basa hataholi manai boboa kona na nae, ‘Mai leon emi fo Au Amang ba'e-pala kala lemin! Masok leo nusak fo nanasadiak soaneu emi, ndek daebafa ka da'di makasososa na.

MATEOS 25:36

Au papake-ngganggaong ta, boema emi fe Au papake-ngganggaok. Au amahe'di, boema emi puli mamo'do Au. Au nanahukuk, boema emi tulu-fali au.’

MARKUS 10:17

Lelek fo Yesus la'ok nakandoo seluk boema, hataholi esa nalai-nalai mesan leo Yesus mai de ana sene neu Yesus mata na, de natanen nae, “Mesen, fo malole, au muse tao leo beek fo au hapu so'da matetu ka ma mana ketu basa ta ka?”

LUKAS 18:18

Mauli-malanga Yahudi esa natane Yesus nae, “Ama Mesen fo malole, au muse tao beek fo daenga au hapu sipo so'da matetu ka ma mana ketu basa ta ka?”

LUKAS 22:20

Leondiak boe, la'a basa boema Ana fe nggala angol ndia neu ana manatunga nala ma nae, “Nggalas ia nde bee na Manetualain hehelu beu na, fo nanapaku nisak ninik Au daa nga, daak fo nanapo'ahenik soaneu emi.”

YOHANIS 10:28

Au fes maso'da matetu ka, ma manaketu basa ta ka, fo ala ta mopo-mate losa dodoo na. Ta hapu hataholi esa boen, hapu loso ninis leme Au limang dale mai fa.

HATAHOLI 20:32

Besak ia au fe emi leo Manetualain neu, fo ela nakaboboi ma fo ela emi ho'u mahele neu halak la'eneu Manetualai susue-lalain. Manetualain nanuu koasa soaneu natetea-nahehele emi, ma Ana fe emi baba'e-papalak fo Ana sadia basan soaneu hataholi kamahehele nala.

ROMA 5:10

Nai lelek fo ita musu to Manetualai na, Kristus mamate na nini mole-dame fe ita to Manetualain, nakalenak bai, besak ia ita to Manetualain da'di esa so, de tao leo beeo Ana fe ita so'dak tunga Kristus so'da na boe.

ROMA 5:6

Nai lelek fo ita nai tapandoe sa dalek, Kristus mate soaneu ita, nandaa no Manetualain naketu basa fai na so, te se'kona ita ta deka to Manetualain fa.

ROMA 5:8

Tehu Manetualain natu'du susue-lalain neu ita, nai lelek fo ita bei hataholi masala-masingo ka, nai leek ndia, Kristus mate soaneu ita.

ROMA 6:23

Nana sala-singo ka ngga'di na nde mamate sa; tehu Manetualain baba'e-babatin nde so'da manaketu basa ta ka nai Yesus Kristus dalek.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

ROMA 8:30

Manetualain hala nalolon neu hataholi fo naketu basan neme makahulu na mai a, leondiak; boema hataholi nananalok sila la, ala hapu loak soaneu ala malole falik lo Manetualain. Ma ala hapu loak soaneu laso'da nai Manetualain so'da-mole na dalek.

ROMA 9:24

Ita nde nalo basa ka, ta ka'da neme leoina Yahudi la mai fa, te nalo neme hataholi fe'e kala boe.

2 KORINTUS 3:6

Ndia nde tao na ami mapalani da'di malalau-maoono soaneu hehelu beuk esa, fo nde Heheluk fo namahena neu Manetualain Dula Dale na, ta neu hoholo-lalane nanasula ka fa. Nana nanasulak ndia nini mamates, tehu Manetualain Dula Dalen ndia ana fe maso'dak.

GALATIA 3:20

Na, muse hapu hataholi dua laheluk, fo besa ka paluu hataholi mana makalala'ok esa. Tehu Manetualain ta paluu hataholi mana makalala'ok fa, nanahu Ndia mesa kana nde naketu.

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

2 TESALONIKA 2:14

Hu no dede'a ka nde ndia de, Manetualain nalo emi tunga Hala Malole fo ami tui-bengan neu emi a. Manetualain nalo emi nanahu, Ana nau fo ela emi hapu mame'da mita ita Lamatuan Yesus Kristus matua-mademan.

1 TIMOTIUS 2:5

Nana, hapu ka'da Manetualain esa mesa kana, ma hapu ka'da hataholi esa mesa kana nde da'di hataholi tala'dak, soaneu Manetualain no hataholi daebafa ka, fo nde Kristus Yesus.

2 TIMOTIUS 2:10

Hu ndia de au akatatakak, fo au lu'a-lepa basa sila la, soaneu Manetualain hele basa hataholi la paluu na, fo ela hataholi sila la boeo, hapu so'dak fo Manetualain fen tunga Kristus Yesus, ma no matua-mademan fo mana ketu basa ta ka.

TITUS 1:2

Nanolik ndia nae, hu no namahehena ka de, neukose ita hapu so'da matetu ka, ma mana ketu basa ta ka. Manetualain helu basa so'dak ndia ndek daebafa ka beita da'di fa Manetualain ta nasapepeko-nasandandali fa.

TITUS 3:7

fo ela no Yesus susue-lalain ndia de, ita malole falik too Manetualain ma ita hapu so'da matetu ka ma mana ketu basa tak fo ita tamahehena ka.

IBRANI 10:34

Leondiak boeo emi tunga mame'da dale he'dik soaneu hataholi fo nanahuku ka. Ma nai lelek basa hata fo emi manuu kala nanaloso nak, emi sipok ndia no dale namahokok nana emi bubuluk mae emi bei manuu hata esa fo malole na lena, fo neukose nakatatakak losa dodoo na.

IBRANI 10:36

Paluu emi boso haelai mamanasa, fo ela emi hapu tao-no'i Manetualain hihii-nanaun, ma no enok ndia, emi sipo hata fo Ana helu ka.

IBRANI 11:13

Basa hataholi sila la lamahehele lahele losa mate. Ala ta sipo dede'ak fo nanaheluk neme Manetualain mai fa, tehu ka'da lita ma ala sipo kana neme doo ka mai. Ma no enok ndia de lafa'da lae, sila ka'da hataholi manamai, ma manasepo-danga nai daebafak ia.

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

IBRANI 2:14

Hu ndia de, basa hataholi fo noken nae anak ndia, nde bee na mahahae hataholi daebafak fo hapu maten, soona Yesus mesa kana sama hataholi sila, ma leo naso'da nai ha'da-tatao hataholi daebafa ka dalek. Ana tao leondiak, fo ela no mamate na, Ana hapu tao nakalulutuk Nitu fo mana koasa mamate sa.

IBRANI 3:1

Tolano-tolanoo kamahehelek esa fo Manetualain nalo basa kala lemin! So'ba dodoo matalolole la'eneu Yesus ia dei! Manetualain nadenu hehelin Ana da'di Imam Matua ina nai ita agama na dalek.

IBRANI 6:13

Lelek fo Manetualain helu neu Abraham, Ana soo-supa, nae neukose Ana tao natetu hata fo Ana helu ka. Ma hu ka nde ta hapu hata fo dema lena neme Ndia mai, soona Manetualain soo-supa ninik na'de na mesa kana.

IBRANI 6:15

Abraham nahani no ta haelai namanasa fa, de ana sipo hata fo Manetualain helu ka.

IBRANI 7:22

No enok ia boe, de Yesus da'di bua nape'dak soaneu hehelu-balataak esa, malole na lena bai.

IBRANI 8:13

No hehelu-balataa beuk esa nananafa'dak de Manetualain tao hehelu-balataak fo makasososak ndia, namalasi ma ana palaa so, ma hata beek fo namalasi soona, neukose no lai-laik ana sapu-lalo.

IBRANI 9:12

Kristus masok leo Kama Malalao Malalafuk manai uma lopo ndia dalek, ka'da la'iesa mesa kana, soaneu losa dodoo na. Nai lelek ndia, Ana ta nini bi'i mane daa, do sapi ana daa soaneu tutunu-hohotuk fa, tehu nini daa na mesa kana, ma no enok ndia, Ana soi-po'i ita losa dodoo na.

IBRANI 9:16

Metema hataholi mana tao susula pusaka esa, maten soona, besa ka ala pake susula pusaka ndia.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

1 YOHANIS 2:25

Kristus helu basa, Ana fe ita so'da matetu ka ma mana ketu basa taa ka so.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.