IBRANI 7:2 - Susula Malalaok Hehelu Palak Ma Hehelu Beuk

² Boema Abraham fe Melkisedek baba'ek esa neme baba'ek sanahulu neu Melkisedek neme basa hata lala'en fo ana loso ninis neme musu dale mai. (Melkisedek na'de na, sosoa-ndandaa makasososa ka nae, “Mane Ndoos Matetuk”; ma hu ka nde Melkisedek ia manek neme Salem mai, soona na'dek ndia boeo sosoa-ndandaan nae, “Mane Mole-Dame”.)

IBRANI 7:2 Σταυροειδείς Αναφορές

KEJADIAN 28:22

Ma neukose, au fe Amak-ka baba'ek esa neme baba'ek sanahulu mai, neme basa hata lala'en fo Amak-ka fen neu au. Batu nasanene'dak fo au apadedeik-kana ia, neukose ana da'di mamana sene-do'ok ba'eneu Amak-ka.”

2 SEMUEL 23:3

Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

2 SEMUEL 8:15

Enon-na leondiak, Dauk paleta basa Israel-lala'en-na, ma nanea, fo ela ana tao laun-na no matetun-na, ma no malole.

1 TAWARIKH 22:9

Leomae leondiak boe, Ana fe basa au hehelu-balataak ka nde ia nae, ‘Neukose o bongi ma anatouk esa fo neukose ana paleta no tetu-temak, nana neukose Au tulu-falin, nalosa ta hapu musu natee-natati no fan. Neukose foin na'de Salomo nana nai lelek ana paleta, neukose Au fen tetu-temak ma nee nee-lino linok nai Israel-lala'en-na.

MAZMUR 72:7

Ela leo been-na, ndoos ma matetuk-ka nakapela nai tepo lelen-na, ma tetu-temak-ka sasi kao-kao nai lelek bulak-ka bei nai lalai.

IMAMAT 27:32

Bana esa neme bana sanahulu mai nde been-na, Manetualain nuun. Metema leke bana-manu sila-la soona, bana ka sanahuluk-ka, ana da'di Manetualain nuun.

BILANGAN 18:21

Boema, Manetualain nafa'da Harun nae, “Hataholi Israel-la fe hataholi Lewi-la sila hahapu dadain baba'ek esa neme ba'en neu sanahuluh. Sila baba'en-na nde ndia, soaneu sila ue-le'din manai Au Lalaa Temang-nga.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

LUKAS 2:14

“Koa-kio Manetualain, fo manai lalai mademaina! Ma nai daebafa ka poi na, mole-dame ba'eneu hataholi daebafak, fo mana tao lamahoko Manetualain dale na!”

ROMA 3:26

Tehu besak ia, Ana ta tao mangana'uk neu sala-singo ka fo natu'du ndo matetu na. No enok ndia, natu'du ndo matetu na; ma hataholi fo namahele neu Yesu sa nananafa'dak da'dileo hataholi fo ana malole falik no Manetualain so.

IBRANI 7:1

Melkisedek ia, nde bee na manek neme Salem mai, neu Manetualain Imam Matua Inan nanseli. Lelek fo Abraham fali neme musu fo ana sengi basa mane-mane kala, Melkisedek mai solu kana, de ana fen baba'e-papalak.

IBRANI 7:3

La'eneu Melkisedek ia, ta hapu tutui mangale'dok nai bee a boen, nae nanuu ina amak, do bei-ba'ik; ta hapu tutui mangale'dok boen la'eneu, bobongi na do mamate na fa. Melkisedek ia, sama leo Manetualain Anan, fo nde ana da'di imam losa dodoo na.

SEMUEL SUSULAK-KA ESAN-NA 8:15

Neukose ana puku fe emi tinam, ma emi osi angom-mala bea-nala baba'un-na neme buna-boan mai, fo susu'dik sanahulu soona, fe susu'dik esa, fo ana fes leo ndia malanga solda'du matuainan-nala, ma basa ndia hataholi mana'a ngga'din-nala.

SEMUEL SUSULAK-KA ESAN-NA 8:17

Ma metema, emi bi'ihii bi'ilopom sanahulu soona, neukose ana ho'i-na esa. Ma neukose ana tao emi da'di ndia atan.”