IBRANI 6:17 - Susula Malalaok Hehelu Palak Ma Hehelu Beuk

¹⁷ Manetualain kokolak no mahelek neu hataholi-hataholi mana sipo hala hehelu na, nae neukose Ana ta nasafali dale tutu'u na fa. Hu ndia de, Ana tama seluk soo-supak neu hehelun ndia.

IBRANI 6:17 Σταυροειδείς Αναφορές

KEJADIAN 26:28

Boema lataa lae, “Besak ia ami bubuluk mae Manetualain nasulu-nahapa o, de tunga ami hahapu ma, malole lenak ata tao hehelu-balataak. Soo-supa leon,

MAZMUR 110:4

Manetualain soo basa so, de neukose, “Ana ta hela falik hehelu-balataan fo nae, O nde imam losa dodoon-na, sama leo Melkisedek.”

MAZMUR 33:11

Tehu Manetualain dale tutu'un-na nakatatakak nahele, dale tutu'un-na, matea-mahelek losa dodo-na.

MAZMUR 36:8

Ou Manetualain, O susue-lalaim ba'un-na seli, hataholi daebafak-ka nasulu-nahapa nai O li'da susuem-ma dalek.

KELUARAN 22:11

Soona ana muse neu leo mamanak makaluku-makatele neu fo ana soo pake Manetualain na'den-na, nae ndia ta namanako bana fo ala fen ana ho'un ndia fa. Metema memak ta namanako-na fan soona, manonuuk-ka, muse lu'a-lepa hutak ndia, ma hataholi mana makaboboi-a, ta paluu bae hutak fa.

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

YESAYA 14:24

Manetualain Fo Manakoasa, soo nae, “Fo Au tutu'u basan ndia, neukose ana da'di.

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

YESAYA 55:11

Leondiak boe, dede'a-kokolak fo, Au kokolak-ka, ana ta fali ma'in leo Au mai, no palsuma fa, tehu ana hapu tao hata fo, Au ahiik-kana, ma ana hapu basa hata lalaen fo, Au dudu'ak-ka.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

MALEAKHI 3:6

“Au nde Manetualain, ma Au ta da'di asafali fa. Hu ndia de, ta mopo-mate emi, fo Yakob tititi-nonosin-nala fa.

YOHANIS 10:10

Nakodaa ka'da ana mai namanako, nanisa, ma ana tao nakalulutuk basa hata lala'ena. Tehu Au mai, fo ela hataholi daebafa ka hapu so'dak, maso'da manaketu basa ta ka.

ROMA 11:29

Nana metema Manetualain hele hataholi esa fo Ana fen baba'e-papalak soona, Ana ta hela falik hata fo Ana taon ndia fa.

ROMA 8:17

Naa, metema ita ia Manetualain anan soona, ita nde hapu hata-heto nala, boema ita nde sipo baba'e-papalak fo Ana sadia basan soaneu ana nala. Neukose Kristus ba'e fe ita Ndia hata-heton boe; nana metema ita doidoso to Kristus soona, neukose ita tandela-tasa'a ton boe.

GALATIA 3:29

Metema emi manuu Kristus soona, emi nde bee na, Abraham tititi-nonosin. De neukose, emi sipo hata fo Manetualain helu ka.

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.

IBRANI 11:7

Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

IBRANI 11:9

No namahehele ka, de Abraham leo da'dileo hataholi manama nai nusak fo Manetualain helu basak ndia. Abraham leo nai ndia, nai uma lopo dale. Leondiak boe, Isak ma Yakob, ala sipo heheluk fo sama neme Manetualain mai.

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

IBRANI 6:16

Metema hataholi a soo-supa soona, ana soo-supa ninik hataholi fe'ek fo dema lena neme ndia mai, soona soo-supak ndia, ana tao nakamate basa nale'a-napilik lala'ena.

IBRANI 6:18

Dede'ak dua ta hapu lasafali fa: Tao leo bee o Manetualain ta nasapepeko la'eneu hala hehelu na, ma soo-supan fa. Hu ndia de, ita fo tasulu-tahapa basa neu Manetualai na, nanafe manggate balakaik soaneu ho'u tahehele neu namahenak, fo nanabetubalak nai ita mata na.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.

1 PETRUS 3:7

Ma ba'eneu emi, fo saotou kala lemin! Ela leo bee na, maso'da no dudu'a-aafi neuk mo emi saoina mala, ma emi muse bubuluk, sila be'i-balakain ta ba'u emi be'i-balakaim fa. Taos no ha'da-holomata, nanahu emi mo sila hapu maso'da matetu ka neme Manetualain mai. Tao tungan leondiak, fo ela boso hapu hata napanggengge emi huhule-haladoim.