IBRANI 5:1 - Susula Malalaok Hehelu Palak Ma Hehelu Beuk

¹ Imam matua ina, nanahelek neme hataholi kamahehele kala tala'da mai, ma nanaso'uk soaneu nalalalau-naoono Manetualain da'dileo hataholi kamahehele kala lima boa kona na. Bela-ba'un nde, ana tunu-hotu fe Manetualain, fee-feek ma tutunu-hohotuk soaneu sala-singo kala nanafe do'o do ampon.

IBRANI 5:1 Σταυροειδείς Αναφορές

IMAMAT 8:2

“Maloo Harun no anan-nala, ma ho'i meni bua papake imam-ma, mina feta, sapi maneanak esa, soaneu tutunu-hohotuk sala-singok hapu ampon, bi'ilopo mane dua, ma loti ta pake laluteik, lepeneu esa.

IMAMAT 9:7

Basa ndia boema, nafa'da Harun nae, “Muu leo mei tunu-hotuk-ka muu, fo sadia tutunu-hohotuk sala-singok hapu do'o do ampon, ma tutunu-hohotuk nanatunuk-ka, fo ela Manetualain fe do'o do ampon neu o sala-singom ma salanik-ka sala-singon. Taon sama leo hata fo Manetualain paletan.”

ROMA 15:17

Da'di, hu ka nde au da'di o Kristus Yesus, de au amahoko neu au ue-le'din ba'eneu Manetualain.

1 KORINTUS 15:3

Hata fo au anduku-alosa kana neu emi ndia, nde bee na hata fo au sipon boe. Fo nanapaluuk nanseli a, sama leo nanasulak nai Susula Malalaok dale, au anduku-alosa kana neu emi ae, hu ka nde ita sala-singon de Kristus mate;

IBRANI 10:11

Imam Yahudi la, lakalala'ok bela-ba'un tunga faik, ma ala fe tutunu-hohotuk matak esa nakandondoo henin. Tehu tutunu-hohotuk sila la ta hapu loseheni hataholi a sala-singok makandondook fa.

IBRANI 10:12

Nasafali na nae, Kristus fe ka'da tutunu-hohotuk la'iesa, fo nde aoina na mesa kana, sala-singo ka hapu do'o do ampon, ma tutunu-hohotuk ndia nanapakek soaneu losa dodoo na. Kristus fe basa tutunu-hohotuk ndia, boema neu nangatuuk neu Manetualain boboa kona na, de Ana paleta sama-sama no Manetualain.

IBRANI 11:4

Hu ka nde namahehele ka, de Habel fe Manetualain, tutunu-hohotuk fo malole lenaheni Kain tutunu-hohotun. Nanahu namahehelen ndia, de Manetualain sipok Habel da'dileo hataholi fo malole, nana nananitak nae, Manetualain sipok tutunu-hohotun. Habel maten so, tehu hu ka nde namahehele na, de ana bei kola-kola losa besak ia.

IBRANI 2:17

Ia sosoa na, nae Ana muse da'di sama no tolanoo nala nai basa dede'ak lala'ena dalek. Ma no enok ndia, Ana hapu da'di Imam matua ina fo mana lilinekak ma madale susue-lalaik. No lau-onon ndia, de hataholi daebafa ka sala-singo nala, hapu do'o do ampon.

IBRANI 7:27

Ana ta sama leo imam matua ina fe'e kala fa, fo tunga faik, muse ala fe tutunu-hohotuk nakahuluk nana sila sala-singo nala, fo besa ka soaneu hataholi kamahehele kala sala-singon. Tehu Yesus fe tutunu-hohotuk ka'da la'iesa mesa kana, soaneu losa dodoo na, nai lelek Ana tunu-hotu ao ina na mesa kana, da'dileo tutunu-hohotuk.

IBRANI 8:3

Basa Imam Matua Ina la, nanaso'uk soaneu ana fe tutunu-hohotuk neu Manetualain. Leondiak boe, ita Imam Matua Ina; ana muse nanuu hata esa, soaneu Ana tunu-hotu.

IBRANI 8:4

Leo uni ka, nai daebafak ia soona, neukose Ana ta da'di imam fa, nana hapu imam, soaneu ana fe tutunu-hohotuk, fo nananoke nakasetik nai agama Yahudi a hoholo-lalanen dale.

IBRANI 9:9

Dede'ak ia, ana da'di nakasasamak esa, soaneu ita nai besak ia; sosoa na nae, tutunu-hohotuk fo hataholi a fen neu Manetualain ndia, ta hapu tao natetu-nandaa hataholi mana fe tutunu-hohotuk ndia dale bobongoana na fa.