IBRANI 4:8 - Susula Malalaok Hehelu Palak Ma Hehelu Beuk

⁸ Metema leo uni ka Yosua fe basa hataholi sila la mamana hahae aok, fo Manetualain helu ka, soona neukose Manetualain ta kokolak seluk la'eneu fai fe'ek esa seluk so'on.

IBRANI 4:8 Σταυροειδείς Αναφορές

1 TAWARIKH 7:27

Nun, Yosua.

MAZMUR 105:44

Ana fe leoina-la daen-na neu anan-nala, ma Ana fe tinan-nala, leo anan-nala neu, fo da'di anan-nala pusakan,

MAZMUR 78:55

Ana usi heni laun manai sila-la, nai anan-nala matan, boema Ana baba'e dae ndia, neu basa anan-nala, fo leo Israel-la, nalosa ala leo musu-a lalaa teman-nala.

HATAHOLI 7:45

Basa boema ita bei ba'ikai nala lini seluk Uma Lopo ndia, nai lelek lo Yosua leu loso la ita nusan ia neme leoina la koasa na, fo Manetualain usihenis leme mata na mai. Uma Lopo ndia nahele neme ndia losa Dauk tepo na.

ULANGAN 12:9

nanahu emi beita masok leo, emi Manetualaim-ma, fe emi nusak-ka meu fa, mamanak fo emi hapu leo mahele, no nee-nee lina-linok.

ULANGAN 25:19

Hu ndia de, metema emi Manetualaim-ma fe nusak ndia neu emi, fo emi leo no nee-nee-lino-linok, nanahu emi musum manai emi titia-tataim-mala, ala ta latee-latati loo emi so'on soona, emi muse taomisa la'iesak hataholi Amalek sila-la, boso ela esa boen, fo ela mopo na'den-nala, nai daebafak-ka ia poin-na. Boso mafandele henin!”

IBRANI 1:1

Nai lelek makahulu eli, la'i ba'u ka Manetualain kokolak no ita bei ba'i kai nala tunga nabi la ninik Ana pake eno mata-mata kala.

IBRANI 4:9

Da'di ba'eneu Manetualain hataholi kamahehele nala soona, bei hapu hala-heheluk soaneu ala hahae ao nala, sama leo Manetualain hahae ao na, nai faik kahitu ndia.

YOSUA 1:15

Emi muse tulu-falis, losa langatuu-la dae manai Lee Yarden-na boboan muli ia, dae fo emi Manetualaim-ma, fen neu sila. Metema Manetualain fe basa leoina Israel-la lala'en-na laso'da no nee-nee lino-linok soona, besak-ka emi bole fali me'um-ma leo emi daem manai Lee Yarden-na boboan dulu ia, fo Musa Manetualain atan ndia ana fen neu emi.”

YOSUA 11:23

Yosua nangatuun-na nusak ndia lala'en-na, nandaa no Manetualain paletan neu Musa, boema Ana fen neu leoina Israel-la, fo da'di sila pusakan. Ala baba'e nusak ndia, de leo esa-na, ana hapu baba'ek esa. Leoina Israel-la hahae natee-natatik-ka, boema nusan-na nee-nee lino-lino ma so'da-molek.

YOSUA 22:4

Hu ndia de, nandaa no hehelu-balataan, de Manetualain fo emi Manetualaim-ma, fe basa nee-nee lino-linok-ka neu emi tolanoom-mala, ma hataholi Israel fe'ek-kala so. Da'di, besak ia, fali me'um-ma leo makahulun-na Musa fe emi nusak manai Lee Yarden-na boboan dulu ndia meu.

YOSUA 23:1

Doon-na seli, nai lelek Manetualain fe hataholi Israel-la nee-nee lino linok; boema musu-a ta fes nasanene'dak mahelek so'on. Nai lelek ndia Yosua namalasi nanseli so.