IBRANI 2:2 - Susula Malalaok Hehelu Palak Ma Hehelu Beuk

² Ata nusa so'da kala lafa'da ita bei-ba'i kai nala hala hehelu ka, memak tete'e ka la'en, ma hataholi fo ana ta tunga do nakalala'o kana fa soona, neukose ana sipo huhukuk nandaa no tatao-nono'in.

IBRANI 2:2 Σταυροειδείς Αναφορές

MAZMUR 68:17

Tao le'e de, neme o leteana makadotom manai o poim-ma ndia, o mete no nape'da dalek neu Pupuku Sion fo Manetualain helen, da'di mamana leleon-na? Neukose Manetualain leo nai naa losa dodoon-na.

BILANGAN 11:33

Lelek bei hapu paa makadotok fo la'a, Manetualain namanasa leoina ndia nanseli, de Ana fe he'di-laus esa la'es.

BILANGAN 16:49

Lelek ndia, hataholi manamatek-kala, hataholi 14.700, ta nanalekek no hataholi manamatek nai lelek Korah la'ban Musa paletan-na fa.

BILANGAN 21:6

Boema Manetualain menge malasok-kala, leu leo leoina ndia tala'da heon leu. Menge sila-la, kaa lisa hataholi Israel makadotok.

BILANGAN 25:9

Tehu ndia te, hataholi manamate basak-kala, hataholi lifun duahulu haa so.

HATAHOLI 7:53

Ata nusa so'da kala landuku-lalosak Manetualain paleta nala neu emi so, tehu emi ta tunga fas!”

GALATIA 3:19

Metema leondiak soona, sosoak hata de, agama hoholo-lalanen nanafek mai? Natataa na nae, hoholo-lalanek ndia nanatamak, soaneu nafa'da hataholi daebafa ka la'olena na. Agama hoholo-lalanen ndia, nanapakek losa ka'da Abraham tititi-nonosin esa ana mai, fo nanaseseik nai Manetualain hala hehelun no Abraham ma, dalek. Agama hoholo-lalanen ndia, ata nusa so'da kala nde landuku-lalosa kana, fo hataholi esa da'di mana makalala'ok.

ULANGAN 17:12

Su'di see fo, ana napalani la'ban manakee-manafula ma imam-mala nakeketun-na soona, muse hukunisa hataholi ndia; no enok ndia, emi hapu tao mamopo tatao-nono'i mangalauk ndia, nai Israel.

ULANGAN 17:2

Metema, emi mamanene, lae nai emi kotam esa, hapu hataholi tao sala-singok neu emi Manetualaim-ma, nanahu ana la'olena hehelu-balataak-ka,

ULANGAN 17:5

soona muse tapa hataholi masalak ndia, nenik batu losa maten.

ULANGAN 27:26

‘Nanasoo-supak ba'eneu hataholi fo, ana ta tao natetu Manetualain hoholo-lalanen, ma nanolin-nala, nai tatao-nono'in-na dalek.’ Hataholi Israel-la lataa lae, ‘tete'ek-ka!’ ‘Amin!’ ”

ULANGAN 32:2

Ela leo been-na, au nanoling-nga, ana kona samaleo u'dan-na, ma au hala-kokolang ana ti'ti sama leo dinis-sa, sama leo u'da ngginggitik-ka nai na'u lain, ma u'da matuaina nai bubu'u-palusa lain.

IBRANI 1:1

Nai lelek makahulu eli, la'i ba'u ka Manetualain kokolak no ita bei ba'i kai nala tunga nabi la ninik Ana pake eno mata-mata kala.

IBRANI 10:28

Hataholi fo ana ta tunga hoholo-lalanek fo Musa fe ka fa soona, neukose nanahuku nisak ta no ampon fa, metema no sakasii dua do telu sakasii na tete'e ka hataholi ndia tao salak.

IBRANI 10:35

Hu ka nde ndia, de boso ketu namahehena ma, nana metema emi mamahele mahele, soona hapu ngga'di matua ina soaneu ndia!

IBRANI 11:26

Musa name'da, nae beli na ba'u na seli soaneu hapu nakamumulu-nakamamaek hu ka nde Mane Mana Fe So'dak fo Manetualain heluk ndia, neme hapu basa nusa Masi ra hata-haton lala'ena mai, nana Musa namahena ngga'di fai makabui ka.

IBRANI 11:6

Tehu ta no namahehele ka fa soona, ta hapu hataholi esa boen hapu tao namahoko Manetualain dale na. Nana hataholi fo manamai neu Manetualai na muse namahele nae, tete'e ka hapu Manetualain, ma nae Manetualain ana fe babalak neu hataholi fo mana sanga nana.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

2 PETRUS 1:19

Hu ndia de, ami boetai mamahele Manetualain hala hehelun fo, basa nabi la tui-benga kala. Malole lenak, emi taoafik neu hala heheluk ndia, nana hala heheluk ndia, sama leo banu manapilak esa, nasalaa nai mamana makahatu ka, fo ana pila nahele losa dulu fula, boema sama leo nduu timu a, fo nasalaa nai emi dalem dale.

YUDAS 1:5

Basa sila la, emi bubulu kasa so. Tehu au nau fe seluk emi nasa nene'dak la'eneu, tao leo beek de Amak Manetualain soi-tefa na hataholi Israe la leme dae Masir a mai, tehu makabui na, hataholi Israel bee, ta namahele fa soona, Ana huku nisas.