IBRANI 12:2 - Susula Malalaok Hehelu Palak Ma Hehelu Beuk

² Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

IBRANI 12:2 Σταυροειδείς Αναφορές

MAZMUR 110:1

Dauk Kokoa-kikiok. Manetualain nafa'da, au tuang-nga nae, “Mangatuuk mai Au boboa konang-nga, losa Au tao-ala o musum-mala, lakatele neu o.”

MAZMUR 138:8

Neukose, O tao matetu, O hehelum neu au-a; boso hahae tao hata esa, ba'eneu O anam-mala.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

YESAYA 8:17

Manetualain nafuni aoinan-na neme Yakob tititi-nonosin, fo anan-nala mai so, tehu au amahele ma amahena neun.

MIKHA 7:7

Tehu ita tamahena neu Manetualain; ita tahani ita Manetualain, no namahehele henuk. Neukose namanene ita huhule-haladoin fo Ana soi-tefa-na ita.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

BILANGAN 21:9

Menge kaa hataholi see soona, neukose ana lea-hai, metema ana mete menge fo, taon neme liti ndia mai.

MATEOS 16:21

Mulai neme hatematak ndia mai boe, Yesus kokolak no mangale'dok no ana mana tunga nala nae, Au muse u leo Yerusalem u, fo Au la'ola'di doidosok ba'u ka neme mauli-malanga nala ma malanga imam ala, boema mese agama la. Neukose ala taolisa Au, tehu neu fai katelu na soona, neukose Au aso'da falik.

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

MARKUS 14:36

Ana hule-haladoi nae, “Ama, ou Ama, ta hapu hata esa boen fo Ama ta hapu tao nala fan. So'u ma doidosok ia neme Au a mai. Tehu boso tunga Au hihii-nanaung, te tunga ka'da Ama ka, hihii-nanaun.”

MARKUS 15:28

Dede'ak ndia ana da'di, fo ela nandaa no hata fo nanasulak nai Susula Malalaok dale nae, “Ala taon da'dileo hataholi mangalauk.”

MARKUS 16:19

Lamatuak Yesus kokolak basa nos boema, Yesus nanaso'uk leo nusa so'da ka neu. Nai naa, Ana paleta sama-sama no Manetualain.

MARKUS 9:12

Yesus nae, “Memak Elia mai nakahuluk fo ana tao matalolole basa hata lala'ena. Tehu dede'a na tao leo beek no Ana Hataholi ka? Hu beek de, nai Susula Malalaok dale nanasulak nae, neukose Ana Hataholi ka doidoso nanseli, ma hataholi la lakadadae kana?

MARKUS 9:24

Tutika ni'iana ndia aman ana nggasi ma nae, “Lamatuak, au amahele tehu au namahehele nga ta dai fa. Tulu-fali au leona, fo ela au amahele lena seluk bai!”

LUKAS 17:5

Basa ana manatunga nala lafa'da Lamatuak Yesus lae, “Lamatuak, matetea-mahehele ami namahehele ma leona.”

LUKAS 23:11

Boema Herodes ma solda'du nala, ala mulai hakinonoli ma lakamumulu-lakamamaek Yesus, boema ala papaken papake matua-madema, basa boema Herodes haitua falik-kana leo Pilatus neu.

LUKAS 24:26

Ade Mane Mana Fe So'da ka muse Ana la'ola'di nakahuluk basa doidosok sila la, fo besa ka nanatao nandela-nasa'ak do ta?”

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

YOHANIS 12:24

Au dede'ang ia, tete'e ka la'en: Makanaema ha'de de'ek esa, ta selen leo dae dale neu, fo ha'de de'ek ndia po'o fan, soona neukose ana da'di de'ek esa nahele. Tehu makanaema ha'de de'ek ndia po'on nai dae dale, soona besa ka ana moli, fo nabuna-naboa ha'de de'e ba'u.

YOHANIS 12:32

Tehu Au ia, metema Au nananamatutua-namadedema basak nai daebafa ka soona, neukose Au hela uni basa hataholi la leo Au mai.”

YOHANIS 13:3

Yesus bubuluk basa, Ama ka fe basan koasa lala'ena so. Boeo Ana bubuluk basa, Ana mai neme Manetualain mai, ma neukose Ana fali seluk leo Manetualain neu.

YOHANIS 6:40

Fo memak dede'ak ndia nde nandaa no Au Amang hihii-nanau na. Au Amang hihii-nanaun nde, metema see nita Ana ka fo namahelen soona, ana hapu maso'da matetu ka, ma manaketu basa ta ka, boema Au tao aso'da fali kasa nai Fai Mate'e ka.”

YOHANIS 8:56

Emi amam Abraham, nita Au fai nga de namahoko nanseli!”

HATAHOLI 2:36

Hu ndia de basa hataholi Israe la muse ala bubuluk te'e-te'e, te Yesus fo emi lona nggangek ndia, Manetualain taon da'di Lamatuak, ma Mane Mana Fe So'dak!”

HATAHOLI 3:15

Boema tolanoo kala taomisan, te see ko na Ndia nde maso'da ka huu na, ba'eneu basa hataholi lala'ena. Tehu Manetualain tao naso'da fali kana neme mamate sa mai so. Ami nde sakasii matam dede'ak ndia.

HATAHOLI 5:31

Boema Manetualain fen nangatutuu madema ma koasa matuaina da'dileo Mauli-Malangan ma Mana Soi-Tefa, fo ela hataholi Israe la hapu loak soaneu ala tukatei-saledale leme sala-singo nala mai, fo ala hapu do'o do ampon.

HATAHOLI 5:41

Hataholi nadedenun sila la la'oela Mana Maketu-Mala'di Agama Matua Ina sila la no namahokok, nana Manetualain nafa'da basa nae, sila landaa hapu nakamumulu-nakamamaek, hu ka nde Yesus.

1 KORINTUS 1:18

Nana ba'eneu hataholi fo ana la'ok nasale leo mamate-momopo ka neu a, halak la'eneu Kristus mamaten nai ai nggangek lai na, nalupa tutui masapepekok basa sila la. Tehu ba'eneu ita fo Manetualain soi tefa basa ka, tutui-bebengak ndia, nalupa eno-dalak soaneu Manetualain natu'du koasa na.

1 KORINTUS 1:23

Tehu ita ia ka'da tui-benga Kristus, fo manamatek nai ai nggangek lai na. Tutuik ndia, ana tao na hataholi Yahudi la lamanasa, ma hataholi ta Yahudi la lafa'da lae, tutui bafa louk basa sila la.

EFESUS 2:16

No Kristus mamaten nai ai nggangek lai na de, Ana tao nakabubua leoina ka duak sila la da'di esa, ma Ana fes ala mole-dame lo Manetualain, boema musu ndia mopo kana.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

FILIPI 1:6

Manetualain nde mulai tatao-nono'i malole ndia, neu emi a, de au amahele, neukose Ana tao-no'i nakandoo tatao-nono'ik ndia, losa nakababasa kana nai Kristus Yesus Fai fafali ma'i na.

FILIPI 3:20

Tehu ita nde bee na, nusa so'da ka hataholin ita. Lamatuak Yesus Kristus fo ita Mane Mana Fe So'da na, Ana mai neme mamanak ndia mai boe. Ndia nde ita tahani ninga-ninga too nana.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

IBRANI 1:13

Manetualain beita nafa'da nita ata nusa so'dak esa boen nae, “Mangatuuk leon mai Au boboa kona nga, losa O musu noo mala, Au fes lakaluku-lakatele leu O.”

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

IBRANI 10:14

Da'di, no tutunu-hohotuk esa, de Kristus tao natetu-nandaa hataholi fo sala-singo nala nanatao balisik.

IBRANI 10:33

Hapu fai na emi nananakamumulu-nakamamaek, ma nanataok no ta malole nai lea matan. Boeo hapu fai na emi doidoso mo sila fo nanatao leondia ka.

IBRANI 11:36

Hapu nggelok nananakamumulu-nakamamaek, nanafiluk, nanapa'ak ninik namosina, ma nanataok leo bui dale leu.

IBRANI 12:3

So'ba dodoo su'dik, Yesus doidoso na leo beek nai lelek nasasale matak no hataholi masala-masingok fo ala la'ba no lakakaa timi! Hu ndia de dale mala boso ba'ihana, ma boso ketu namahehena mala.

IBRANI 13:13

Hu ndia de mai leona, fo ata teu takaninin nai Pandopo manai sila la dae too na deak, fo tunga nananakamumulu-nakamamaek sama-sama ton.

IBRANI 5:9

Hu ndia de, nananakadada'di basak da'di mana soi-tefa fo matetu-mandaak, boema Ana da'di oe mata so'da molek fo mana ketu basa ta ka, ba'eneu hataholi fo mana makatele neun nana,

IBRANI 7:19

Agama Yahudi hoholo-lalanen, ta hapu tao na basa hata esa boen, da'di matetu-mandaak fa. Hu ndia de besak ia, namahenak esa nanafek neu ita, fo malole na lena; no enok ndia, fo ita hapu deka to Manetualain.

IBRANI 8:1

Basa hala kokolak ia la lala'e na, huu na nde ia: Ita tanuu Imam Matua Ina fo leondia ka nangatuuk paleta sama-sama no Manetualain, fo Mana Koasa matua ina nai nusa so'da ka.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

YAKOBIS 2:1

Tolano-tolanoo ngala lemin! Da'dileo hataholi fo namahele Lamatuak Yesus Kristus, Lamatuak fo Mandela masa'ak ndia, emi boso bibinga-baba'e hataholi a, tunga ao paa ka.

1 PETRUS 1:11

Nabi sila la, ala palisak matalolole tao leo beek, ma faihi'da fo dede'ak sila la ala da'di, fo tetee-tutu'dan nde, Kristus Dula Dalen manai sila dalen dale a. Nai lelek ndia Kristus Dula Dale na nafa'da elas, la'eneu doidosok fo Kristus muse la'oladin, ma la'eneu basa doidosok sila la seli soona, besa ka nananamatutua-namadedemak.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

1 PETRUS 3:22

Ana kae falik leo nusa so'da ka neu so. Besak ia, Ana koasa sama-sama no Manetualain, ma Ana paleta basa ata nusa so'da kala, basa mana koasa lala'ena, boema basa be'i balakaik lala'ena.

YUDAS 1:21

ma maso'da nai Manetualain susue-lalain dalek tataas esa, bei dai emi bei mahani ita Lamatuan Yesus Kristus susue-lalain, fo neukose ana fe emi so'da matetu ka, ma mana ketu basa ta ka.

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

NINITAK 1:17

Lelek au itan boema, au bala u mata na nono'kabai hataholi manamate ka. Tehu Ana fua lima kona na neu au lain boema nae, “Boso bii! Au nde makasososak ma mate'ek.

NINITAK 1:8

Manetualain nae, “Au nde Alfa ma Omega, fo makasososak ma fo mate'ek”. Au nde Manetualain fo manakoasa, fo nai ia, ma nai ia so, boema nai ia nakandondoo henin.

NINITAK 2:8

“Neu ata nusa so'da salanik manai Smirna la, sulakman leoiak: Ia nde hala heheluk neme Ndia fo makasososak ma mate'ek – fo manamate basak ma naso'da falik.