IBRANI 11:7 - Susula Malalaok Hehelu Palak Ma Hehelu Beuk

⁷ Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

IBRANI 11:7 Σταυροειδείς Αναφορές

KEJADIAN 19:14

Boema, Lot neu leo anan duas faren-nala neu, de nafa'das nae, “Lai-lai kalua meme mamanak ia mai leona, nana neukose Manetualain tao nakalulutuk kota ia.” Tehu, laedaenga, Lot ka'da nakasoe ndia.

KEJADIAN 6:13

Boema, Manetualain nafa'da Noh nae, “Au aketu basa, soaneu tao ate'e basa mahahae maso'dak lala'en-na, so'dan-nala. Neukose, Au tao amopo-amates, sama-sama loo daebafak-ka, nanahu daebafak-ka henuk no sila tatao-nono'i ha'da hataholi taan-nala.

KEJADIAN 6:22

Noh tao basa hata lala'en, fo Manetualain paleta neun.

KEJADIAN 6:9

Noh tutuin-na nde ia. Ana toun telu, fo nde Sem, Ham ma Yafet. Noh ta tao salak fa, ma ndia ka'da hataholi esa mesa-mesak-kana, malole nai tepo-lelen-na. Naso'da teik esa-dalek esa no Manetualain.

KEJADIAN 7:5

Boema Noh tao tunga basa hata lala'en fo, Manetualain paleta neun.

KEJADIAN 8:16

“O moo o saoinam-ma, o anam-mala loo saoinan-nala, kalua meme ofak ndia dalek mai leona.

2RAJA-RAJA 4:5

Boema inak ndia fali ne'un leo uman neu. Lelek, no anan-nala lala uma dale boema, ana kena lelesu-a neu. Boema, ana ho'i-na boto anak fo mina setun-na nai dalek ndia, de ana po'a mina ndia, leo anan-nala ho'i fen boto-la dalek neu.

AYUB 35:8

O sala-singom, ka'da tao nakatutu'dak o nonoo hataholim-ma. Ndia boeo, nde hapu nanalak neme o malolem-ma mai.

AMSAL 22:3

Hataholi manatee-tenok-ka, metema nita soe-a soona, nakadedeak; tehu hataholi nggoak-ka, la'ok nakandoo, fo soe-a tuni la'en.

AMSAL 27:12

Hataholi manatee-tenok-ka, nita soe-a soona, nakadedeak; tehu hataholi nggoak-ka, la'ok nakandoo, fo susa-soe tuni-lan.

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 14:20

Ma leomae Noh, Danial ma Ayub, ala leo leme ndia, tehu no Au, Manetualain fo maso'dak-ka, na'den-na, neukose ala ta hapu soi-tefa-la, su'di see boen, nakalenak sila anan-nala boeo, ta. Ka'da sila mesak-kasa, nde laso'da, nanahu sila tatao-nono'i malolen-na.”

MATEOS 2:12

Manetualain fes nasanene'dak nai me'is esa dalek, fo daenga ala boso fali leo Herodes leu bai. Da'di, ala fali tunga enok fe'ek.

MATEOS 24:15

“Neukose emi mita ‘Mangalauk fo mana tao makalulutu ka’, nangatuuk nai mamana malalao ka, sama leo nabi Danial-la nafa'da ka. Basa hataholi fo mana lee ia, so'ba malela kana leona.

MATEOS 24:25

Da'di mafandendelek! Te dede'ak sila la ala beita da'di fa, te Au afa'da akahuluk emi so.

MATEOS 24:38

Nai fai-faik fo faa tua ka beita da'di fa te, hataholi a na'a-ninu ma saoana. Leondiak nakandoo losa faik fo Noh masok leo ofak dale neu.

MATEOS 3:7

Hataholi Farisi la ma hataholi Saduki la boeo makadotoknan mai fo loke Yohanis salanis. Tehu Yohanis mete nitas ala mai boema nafa'das nae, “Hei, hataholi mangalau kala lemin! See ka nde nafa'da emi nae, emi ta hapu malai meme Manetualain huhuku mana mai na fa?

LUKAS 17:26

Nai faik fo mahani te Ana Hataholi ka nananatu'duk soona, heheo-hihilun sama leo nai makahulu na Noh tepo-lele na.

ROMA 1:17

Hu ka nde Hala Malole ndia de, Manetualain natu'du eno na tao leo beek, fo hataholi daebafa ka tututin no Manetualai na, ana da'di malole falik; eno na nde, tamahele Manetualain neme makasososa na losa mate'e na. Dede'ak ndia nandaa no Susula Mala lao ka isi liin nae, “Hataholi fo namahele Manetualain, ma tututi-nanaton no Manetualain malole falik soona, neukose hataholi ndia hapu maso'da ka!”

ROMA 10:6

Tehu enok fo hataholi a malole falik no Manetualai na, nde ka'da tunga namahehelek neu Manetualai na. Susula Malalao ka nae leo ia, “O boso dodoo nai o dalem dale mae, ‘Neukose see ka nde neukose kae leo nusa so'da ka neu?’ (sosoa na nae, neu fo no Kristus kona leo daebafa ka mai),

ROMA 3:22

metema hataholi daebafa ka nau malole falik lo Manetualain soona, muse lamahele Yesus Kristus. Manetualain tao leondiak fo hataholi daebafa ka lamahele Yesus Kristus, nana basa-basas matak esa:

ROMA 4:11

Neu makabui na besa ka suna tana, tehu sunat ndia ana da'di ka'da ta'du esa nae, hu ka nde namahehele na de, Manetualain sipo kana da'dileo hataholi fo nandaa no dale na. Manetualain sipo kana ndek ana beita tunga suna ta nakanenete na fa. Boema ana da'di ama salanik neu basa hataholi kamahehele kala, ma hu ndia de Manetualain sipo kana da'dileo hataholi fo nandaa no dale na, leomae ana ta tunga suna ta nakanenete na fa.

ROMA 4:13

Manetualain helu Abraham no tititi-nonosi nala nae, daebafak ia neukose ana Abraham nuun. Manetualain helu nae leondia nana, ta hu ka nde Abraham tunga agama Yahudi hoholo-lalanen fa, te hu ka nde namahele Manetualain nalosa Manetualain sipo kana da'dileo hataholi fo nandaa no dale na.

ROMA 9:30

Da'di, dede'a ka isi na nde ia: Leoina fe'ek fo hataholi ta Yahudi la, ala ta sanga enok fo ela tututi-nanaton lo Manetualai na malole falik fa. Tehu hu ka nde lamahele de, Manetualai tao na sila tututi-nanaton lo nana, ana da'di malole falik.

GALATIA 5:5

Tehu ba'eneu ami soona, ami mamahena neu Manetualain Dula Dale na tutulu-fafalin, tunga ami namahehelem neu Kristu sa, de Manetualain soi fe ami enok, soaneu ami malole moon.

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

IBRANI 11:1

Namahehele ka sosoa na nae, tamahele te'e-te'e neu dede'ak fo nananamahena ka, ma tanuu nakeketuk neu dede'ak fo ta nananita ka fa.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.

IBRANI 8:5

Tatao-nono'ik fo ala tao-no'in da'dileo imam ndia, tunga ndo na ka'da dulak esa ma salaok esa neme hata fo manai nusa so'da ka mai. Ndia nananafa'da basak nakahuluk neme Manetualain neu Musa, nai lelek fo Musa nau napadedeik Manetualain Uma Lopo na. Manetualain nafa'da nae leo ia neu Musa, “Mafandendelek! Te basa sila la, muse o taon tunga natutu'duk fo nananatu'duk neu o neme letek lai na.”

1 PETRUS 3:20

fo nde Noh tepo-lele na, hataholi fo ta mana tunga Manetualai na, samane nala. Nai lelek ndia, Manetualain nahani no ta haelai namanasa, losa Noh tao na ofa ka. Hataholi manai ofak lai na basa-basas ka'da hataholi falu laso'da leme faa tua ka mai.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

2 PETRUS 2:5

Leondiak boe, no daebafa ka, nai lelek makahulu na. Manetualain ta po'ilota kasa latapo'i leme huhuku ka mai fa. Lelek ndia, Manetualain fe faa tua ka luu na daebafa hataholi masala-masingo ka de, ka'da Noh no hataholi hitu laso'da. Nana Noh tui-benga halak la'eneu maso'dak fo nandaa no Manetualain dale na.

2 PETRUS 3:6

ma ninik oe boe fo nde, neme faa tuak matua ina mai de daebafak makahulun eli, Manetualain tao namopon.