IBRANI 11:29 - Susula Malalaok Hehelu Palak Ma Hehelu Beuk

²⁹ Hu ka nde namahehele ka, de hataholi Israe la, ala hapu lena lala Tasi Pila sa selik, nono'ka bai ala la'ok nai dae ma'dak lai na, tehu hataholi Masir ala, tasi ndia ko'do henis nai lelek ala so'ba lena boe.

IBRANI 11:29 Σταυροειδείς Αναφορές

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

MAZMUR 66:6

Ana tao nasafali tasi da'di dae ma'dak, de ami bei-ba'i kaim-mala la'o eik leo selik leu. Hu ndia de, ami mamahoko-setelee, nanahu tatao-nono'in.

MAZMUR 78:13

Ana fa'a ba'e tasi-a, boema nakalelenak-kasa; oe-a nanabakatetek sama leo te'te-a.

KELUARAN 14:13

Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

KELUARAN 14:22

Oe-a ba'eneu dua, de nai lelek hataholi Israel-la lena tasi-a, ala la'ok nai dae ma'dak lain, de oe manai boboa kii-konan, nalupa leo papala nanadamak-ka.

KELUARAN 14:27

Boema Musa leleuk liman-na leo tasi lai neu, de nai lelek dulufula boema, oe-a nakabubua falik leo makasososan-na. Hataholi Masir-ra sanga enok fo laso'da, tehu Manetualain tao-nalas ala bolo nai tasi dale.

YOSUA 2:10

Ami mamanene basa halak la'eneu, da'di tao leo beek de, Manetualain tao nama'da Tasi Gelagah nai emi matam, lelek emi la'oela Masir. Ami boeo mamanene basa, tao leo beek de, emi taomisa Sihon ma Og, fo leoina Amori mane ka duan sila-la, neme Lee Yarden-na boboan dulu.