HOSEA 4:3 - Susula Malalaok Hehelu Palak Ma Hehelu Beuk

³ Hu ndia de, nusak ia neukose ana da'di dae ma'dak, ma neukose, mate la'iesak basa hata fo laso'da lai ndia. Neukose mopo-mate la'iesak bana-manu mata-matak manai lalai, dae ma'dak-ka, ma manai tasi dale-la.”

HOSEA 4:3 Σταυροειδείς Αναφορές

YESAYA 33:9

Nusak-ka nanala'o elak, de ana da'di nusa nee-nee lino-linok. Libanon nulan-nala male-tale, ma bafak Saron fo, maoe-maisik-ka, ana da'di sama leo moo solokaek-ka. Akidook-kala, kono bepoko, nai Basan ma lete Karmel-la.

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

YEREMIA 23:10

Ita nusa-namon-na henuk no hataholi fo ta manalilineka neu Manetualain fa. Sila so'dan-na mangalauk, ma ala tao sala sila ha'da palin-na. Nanahu Manetualain supa-soo de, na'u manai mook-ka ana da'di tuk, ma basa nusak lala'en-na kii-lamatani.

YEREMIA 4:25

Au ta ita hataholi daebafak fa, manupui-la boeo, basa-basas ala laa so

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YEREMIA 9:9

Tao le'e de, Au ta fe huhukuk fo nandaa, neu leoina matak leo ia-ka fa? Neukose Au balas sila tatao-nono'in; Au, fo Manetualain nde manakokolak-ka!”

YESKIAL 38:20

Basa I'ak ma manupui-la, basa bana ana-matua, ma basa hataholi manai daebafak-ka, neukose ala dele bengge'be no bibii-namata'uk, lasasalematak loo Au. Neukose letek-kala ndefa, felak-kala, ala fela, ma basa papala nanadamak-kala, balahenis.

YOEL 1:18

Bana-manu lakadii-lakau ma hela hae, nana ta hapu moo mana'uk fo la'a so'on. Bi'ilopo-la boeo, bendole-bendaku.

AMOS 1:2

Dede'ak fo Amos nafa'dak-ka nde ia, “Manetualain nangao sama leo singa neme Pupukuk Sion-na mai, Halan-na nadodolo sama leo ta'tas-sa neme Yerusalem mai. Moo mana'uk-kala da'di na'u tak, na'u manai Lete Karmel-la lamatu tongo.”

AMOS 5:16

Manetualain Fo Manakoasa nafa'da nae, “Nai kota enon-nala lain, neukose hataholi-la kii-makaleleu ma ala haladoi, nanahu dalen-nala he'dis-sa. Lena-lenak, neukose laloo hataholi manatao tina-osi-la, fo ala kii sama-sama loo ala bae hataholi manakii-makaleleu mamates-sa.

AMOS 8:8

Neukose daebafak-ka dele, ma basa hataholi-la dalen-nala susa. Basa nusak-ka lala'en-na nanggengo ma ko'ba-ka'bo sama leo Lee Nil-la.

NAHUM 1:4

Nasapala tasi-a, de Ana tao nama'dan Ana tao-na lee lalae'na da'di lee ma'dak. Lete Karmel-la, ma mook manai Basan-nala na'u-aiana ta moli fan ma na'u manai Libanon lala'en-na, male-tale.

ZEFANYA 1:3

basa hataholi daebafak-kala, ma bana-manu, ma manupui-la ma i'ak-kala boe. Neukose Au taoisa hataholi mangalauk-ka. Neukose Au tao amopo-amate basa hataholi daebafak-ka lala'en-na, neukose Au ta po'ilotak maso'dak esa boen, Au fo Manetualain dede'a-kokolang leondiak.

ZAKHARIA 5:4

Manetualain Fo Manakoasa, nafa'da nae, soo-supak ndia, neukose Ana fen sa'e-na basa nakodaa-la, ma hataholi manasoo-supa pepekok-kala uman-na. Soo-supak ndia, neukose la'e nakandoo uma sila-la, losa ala da'di ai-batu madodouk.”