HOSEA 13:2 - Susula Malalaok Hehelu Palak Ma Hehelu Beuk

² Losa besak ia, hataholi Efraim sila-la, bei tao sala-singok lahele. Ala tao dodoki-dudula lilofulak, fo ala sene-do'ok neun – dodoki-dudulak fo tunga hataholi daebafak-ka malelan-na, ma dale tutu'un-na, ma nanalulumu-eesek neme hataholi daebafak-ka liman-na mai. Lafa'da lae, “Tunu-hotu tutunu-hohotuk fe dodoki-dudulak ia-la!” Manada'di beuk, metema hataholi daebafak-ka de'i sapi ana nanadoki-dulak-ka!

HOSEA 13:2 Σταυροειδείς Αναφορές

1RAJA-RAJA 19:18

Tehu neukose Au soi-tefa ala hataholi Israel lifun hitu, fo nde hataholi fo ala lilineka lahele neu Au, ma ala beita sene-do'ok lita Baal-la doki-dulan fa.”

2TAWARIKH 28:13

Lafa'da lae, “Boso moo hataholi nanafook sila-la leo ia mai! Ita tasala-tasingo basa neu Manetualain so, de ita sala-singon dai ma lena soaneu nanahukuk. Besak ia emi nau tao hata esa fo neukose ka'da nakadaik ita sala-singon.”

2TAWARIKH 33:23

Tehu, Amon ta sama leo aman fa, ana ta nakaloe-nakadae aoinan-na ma ana ta fali leo Manetualain mai fa; nakalenak ana nasala-nasingo lena neme aman mai.

MAZMUR 2:12

sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

YESAYA 1:5

Tao le'e de, emi ka'da mase'i makandoo? Ade emi nau huku emi belak-ka seluk bai do? Emi langam-ma bisu-bisu mesan so, emi dalem-ma, ma emi dudu'a-aafim he'dis.

YESAYA 30:1

Manetualain nafa'da nae, “Soe ba'eneu mauli-malangan Yehuda-la, nanahu ala la'ban Au. Ala tunga dale tutu'uk fo, ta neme Au dale tutu'ung-nga mai fa. Ala lima-lee, hehelu-balataak fo, nasei-kosalak no Au dale hihiing-nga. Hu ndia de, sala-singon-nala ladodou.

YESAYA 44:11

Tete'ek-ka, basa hataholi fo manasene-do'ok neu dodoki-dudulak-ka, ala hapu mamaek. Hataholi fo, manatao dodoki-dudulak ndia nde been-na, hataholi daebafak biasa. Madenus leona, fo ala tutulumatak sama-sama; tao leo bee-o, neukose ala bii, ma ala mae.

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YESAYA 46:6

Hataholi-a ana buka tas doin-na, fo ana poli lilopilan-na, boema ana tai lilofulan-na, nenik tatais. Ana se'ba-bae tuka lilopilas-sa, fo ana tao dodoki-dudula sosongo-tatangok, boema, ana sene-do'ok neu, ana taon-na dodoki-dudulak-ka.

YESAYA 46:8

Mafandendelek, ma tai-dodoo leona, hai hataholi malelesik-kala lemin!

YEREMIA 10:4

Basa soona dodoki-dudulak ndia, nanabalias nenik lilopilas ma lilofulak, boema tao latea-lahelen nenik paku fo boso tu'da.

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

YEREMIA 8:5

Tehu tao le'e de emi, fo Au anang-ngala, la'ok sala makandondoo henin, ma la'oela Au? Emi ho'u mahehele neu emi sosongo-tatangom, de emi ta nau fali ma'im-ma leo Au mai fa!

HOSEA 10:1

Israel sama leo ai angol fo boan-na inu-inu. Su'i-beten-nala boetai lamaba'uk-ka boema, ala boetai tao mei tunu-hotuk ba'uk-ka. So'dan-nala boetai da'di malole boema, ala boetai tao matalolole lutu batu sosongo-tatangok fo ala sene-do'ok-kala.

HOSEA 10:5

Neukose, kota Samaria laun-nala bii-lamata'u. Sila ma imam-imam fo lalalau-laoono sapi lilopilas manai Betel ndia, neukose dalen-nala he'dis-sa ma ala kii, nanahu mopo basa sila sosongo-tatangon ndia matua-mademan so.

HOSEA 11:2

Tehu, Au boetai aloo Au anang ndia ana boetai nadook aon-na neme Au mai. Ana ho'i neni tutunu-hohotuk ma ana tunu boomenik, soaneu Baal-la, ma lamatua daebafak fe'ek-kala.

HOSEA 11:6

Natee-nata'tik-ka, neukose lua da'pa-da'pa losa leo sila kotan dale neu, neukose tao lalutu lelesuina-la, ma Au anang-ngala nanatao namopo-namatek. Dede'ak ndia ana da'di, nanahu ala tunga sila hihii-nanau mesan-nala,

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

HOSEA 2:8

Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

HOSEA 4:17

Hataholi Israel-la, dalen-nala latea lahele neu sosongo-tatangok so. Hu ndia de, po'ilotak-kasa.

HOSEA 8:4

Au anang-ngala hele manek, tehu ta latane Au hahapung-nga fa. Ala so'u mauli-malangan, tehu ta latane Au dale hihiing-nga fa. Ala ho'i sila lilopila lilofulan, fo ala tao dodoki-dudula sosongo-tatangok, fo mate'en-na neni nakalulutuk ba'eneu sila seluk.

HOSEA 8:5

Au ta ahiik anseli neu sapi lilopilas fo kota Samaria laun-nala sene-do'ok-ka fa. Au amanasas nanseli. Neukose losa faihi'da, ala tao langgenggeo aoinan-nala tataas esa, nenik ala sene-do'ok neu sosongo-tatangok-ka?

HOSEA 8:6

Sapi lilopilas fo Samaria sene-do'ok ndia nde been-na, Israel tukan-nala nde tao-nana! Manetualain ta nde ndia fa, de muse tao nakalulutu kana!

BILANGAN 32:14

De besak ia, emi lena-la'ban paleta, sama leo emi amam-mala boe! Memak emi hataholi masala-masingok bubuak esa, fo emi taom-ma Manetualain nasa-melun lua ponu-ponu seluk neu leoina Israel-la!

ROMA 11:4

Boema Manetualain nafa'da Elia nae le'e? Manetualain nae, “Au hele basa Au hataholing lifun hitu so. Hataholi sila beita songo-tango lita Nitu Baal la fa.”

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

2 TIMOTIUS 3:13

tehu hataholi mangalau kala, lo hataholi mana ke'dindiu kala, ala boetai mangalauk lakandoo.

SEMUEL SUSULAK-KA ESAN-NA 10:1

Basa boema, Semuel ho'i-na kete mina setun-na, de ana po'a mina ndia neu Saul langan lain, ma ana de'in, boema nafa'da nae, “Manetualain ndo ei basa o da'di manek neu Ndia anan Israel so. Neukose o paleta anan-nala, ma masulu-mahapas leme musun-nala mai. Ta'du-tanan nde ia, nae Manetualain hele basa o da'di manek neu anan-nala: