HATAHOLI 2:4 - Susula Malalaok Hehelu Palak Ma Hehelu Beuk

⁴ Tutika Manetualain Dula Dale na koasa nalas de ala mulai kokolak linik dede'a fe'ek mata-mata kala. Ala kokolak tunga hata fo Dula Dale ka, ana fes ala kokola kana.

HATAHOLI 2:4 Σταυροειδείς Αναφορές

2 SEMUEL 23:2

Manetualain Duladalen-na nafa'da basa tunga au; hala hehelun ma paletan-na nai au difadoong-nga.

YESAYA 28:11

Metema, emi ta nau mamanene au fa, soona neukose Manetualain nadenu hataholi nusa dea esa mai, fo nanoli emi dede'a nusa dea.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

YEREMIA 6:11

O nasa-melum neu sila, ana pila lo'a-lo'a nai au aoinang dale boe, Manetualain! Ta hapu nakatatakak nala fan.” Boema Manetualain nafa'da nae, “Kalua nasa-meluk ndia, neu ni'iana manai okofoo-la lain, ma neu hataholi muli-soluk fo manamakabubuak-kala. Neukose ina-touk nanaho'un-na k, ma hataholi lasik-kala boeo, ta hapu laladeak fa.

YESKIAL 3:11

Muu leo o leoina, fo manai mamana okak ndia, fo manduku-malosak hata fo Au, Manetualain Fo Mademaina, nafa'dan neu sila, su'di ala nau lamanene do ta.”

MIKHA 3:8

Tehu la'eneu au aoinang ia soona, Manetualain tao duladalen ma koasan-na nai dalek. Ana fe au malelak la'eneu ndoos ma matetuk, ma napalanik boe, fo au afa'da hataholi Israel-la tao basa sala-singok-kala so.

MATEOS 10:19

Tehu meteme lo emi, fo ala palisak emi soona, boso bii la'eneu hata fo emi muse kokola kana. Nana hata fo emi muse kokola kana ndia, neukose nananafa'dak neu emi, la'e fai na.

MARKUS 16:17

Fo ana da'di buti esa nae, sila lamahele soona neukose ala usiheni dula dale mangalau kala ninik Au na'de nga. Neukose ala kokolak lalelak dede'ak fo ala ta lalela kana fa.

LUKAS 1:15

Neukose ana da'di hataholi matua, nai Manetualain mata memete na, ma neukose ta ninu angol do nininuk fo nini mamafuk fa. Neukose Manetualain Dula Dale na koasa nan, neme bongin nana mai.

LUKAS 1:41

Ma leondiak Elisabet namanene Maria nate'an ndia, tutika ni'iana manai Elisabet ilun dalen ndia nakababale. Boema Manetualain Dula Dale na koasa na Elisabet,

LUKAS 1:67

Manetualain Dula Dale na koasa na Zakharia fo ni'iana ndia aman, de nalosa nanduku-nalosak hala heheluk maneme Manetualain mai nae,

LUKAS 12:12

Nana hata fo emi muse kokola kana ndia, neu fai na te neukose Manetualain Dula Dale na nanolin neu emi.”

LUKAS 21:15

Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.

LUKAS 4:1

Nai lelek Yesus la'oela Lee Yarden-na, boema Manetualain Dula Dale na koasa na Yesus de non leo mo maloa neu.

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

YOHANIS 20:22

Tutika Ana fuu ani hahae na neus, boema nafa'das nae, “Sipo ma Manetualain Dula Dalen-na leona.

HATAHOLI 1:5

Nana Yohanis salani ninik oe, tehu bei faik de'ubee bai soona, neukose emi nanasalanik ninik Manetualain Dula Dale na.”

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

HATAHOLI 10:46

Nana lamanene hataholi sila la kokolak linik dede'a mata-mata kala, ma ala koa-kio Manetualain matua-mademan. Boema Petrus nae,

HATAHOLI 10:47

“So'ba mete su'dik hataholi ia la hapu Manetualain Dula Dale na, sama leo ita so. Da'di hapu hataholi napanggengges, fo boso salanis ninik oe do?”

HATAHOLI 11:15

Petrus kokolak nakandoo nae, nai lelek fo au mulai kokolak ae leondia, boema Manetualain Dula Dale na kona neu hataholi sila la, sama leo makahulu na ana da'di neu ita.

HATAHOLI 11:24

Barnabas ia, hataholi dale malole ma Manetualain Dula Dale na koasa nan, boema namahele nanseli neu Lamatua ka, de nalosa hataholi makadotok tunga Lamatua ka.

HATAHOLI 13:52

Hataholi mana tunga Lamatuak manai Antiokia la, lamahoko lanseli, ma Manetualain Dula Dale na koasa nalas.

HATAHOLI 13:9

Tehu Saulus, fo loken soona lae, Paulus boe, Manetualain Dula Dale na koasa nan, de nalosa nanganalo tou mana suangik ndia,

HATAHOLI 15:8

Boema Manetualain fo mana bubuluk basa hataholi daebafa ka dale na, nafa'da basa nae, Ana sipok hataholi sila la. Nafa'da dede'ak ndia ninik Ana fe Dula Dale na neu hataholi sila la sama leo Ana fe basan neu ita so.

HATAHOLI 19:6

Nai lelek fo Paulus lalaa lima na neu hataholi sila la langan lain boema, Manetualain Dula Dale na koasa na hataholi sila la, de ala kokolak lalelak dede'a mata beuk, ma ala tui-benga Manetualain dede'a-kokolan.

HATAHOLI 2:11

Hapu hataholi Yahudi, ma hataholi leo fe'e kala boe, tehu ala masok agama Yahudi so. Boeo hapu nggelok leme Kreta ma Arab mai. Ita basa-basa tala tamanenen nde ndia, hataholi sila la kokolak lalelak ita esa-esak dede'an boema ala kokolak dede'a mata beuk fo Manetualain tao kala!”

HATAHOLI 2:3

Boema lita masalolo'de kala lasalolo'de sama leo ha'i pila ka nasalolo'de, nai basa uma ndia dalek lala'ena, de basa boema ana sa'e neu esa-esak langan lain.

HATAHOLI 4:31

Ala hule-haladoi basa boema lakabubua lai mamana ka, nanggengo. Boema Manetualain Dula Dale na koasa na basa-basas de ala mulai kokolak no napalanik nanseli la'eneu halak maneme Manetualai na mai a.

HATAHOLI 4:8

Boema Petrus fo Manetualain Dula Dale na koasa nan ndia nataa nae, “Tua nasa mauli-malangan nai leoina la, ma Tua nasa mana maketu-mala'di kala!

HATAHOLI 6:3

Da'di malole lenak, tolanoo kala hele ma emi hataholim hitu, tehu hataholi kahituk sila la na'de nala ta langgenggeo faa anak boen, ma Manetualain Dula Dale na, ana koasa na hataholi sila la, boema hataholi sila la, hataholi manatee teno kala, fo ami fes ala ito-ato tutulu-fafalik ia la;

HATAHOLI 6:5

Basa hataholi sila la lakaheik tunga hataholi nadedenu kala hahapun ndia. Boema ala hele Stefanus, fo hataholi esa namahele nanseli neu Yesus, ma Manetualain Dula Dale na koasa nan. Boema ala hele Felipus, Prokhorus, Nikanor, Timon, Parmenas, ma Nikolaus, fo neme Antiokia mai; hataholi Yahudi ta ndia fa, tehu ana masok agama Yahudi so.

HATAHOLI 6:8

Manetualain ba'e-pala Stefanus ba'u na seli, de nalosa ana tao manda'di beuk makadotok, ma dede'a matua ina la nai lau nala tala'da.

HATAHOLI 7:55

Tehu Stefanus fo Manetualain Dula Dale na koasa nan ndia, nanganalo leo lalai neu. Nita Manetualain ndela-sa'an ma nita Yesus napadeik nai Manetualain boboa kona na.

HATAHOLI 8:17

Boema Petrus no Yohanis lalaa lima nala neu hataholi Samaria sila la langan lain; boema ala hapu Manetualain Dula Dale na.

HATAHOLI 9:17

Boema Ananias neu leo uma ndia neu de ana lalaa lima na neu Saulus langan lain. Nafa'dan nae, “Tolanoo Saulus, Lamatuak Yesus fo tolanoo ka mitan neme eno tala'dak nai lelek fo tolano ka leo ia mai a, Ndia nde nadenu au mai fo daenga o mita falik, ma Manetualain Dula Dale na koasa na tolanoo ka.”

ROMA 15:13

Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

1 KORINTUS 12:10

Dula Dalek ndia ana fe koasa neu hataholi esa fo ana tao manda'di beuk, ma neu nggelok soona, ana fes baba'e-babatik fo lafa'da Manetualain dale tutu'u nala. Neu nggelok seluk bai soona, Dula Dalek ndia fes be'ibalakaik fo lafa'da lalelak baba'e-babati bee ka nde neme Manetualain Dula Dale na mai, ma bee ka nde ta. Ana fe nggelok be'ibalakaik fo ala kokolak linik dede'a matabeu mata-mata kala, ma ana fe nggelok be'ibalakaik fo lafa'da mangalele'do dede'ak sila la sosoa-ndandaan.

1 KORINTUS 13:1

Leomae au kokolak alelak hataholi daebafak mata-mata kala dede'a na, lena-lenak au kokolak alelak ata nusa so'da kala dede'a na boe, tehu metema au ta sue-lai hataholi fe'ek fa soona, au sama na leo tong lou ka fo lii na ba'u na seli.

1 KORINTUS 13:8

Susue-lalaik ndia manaketu basa tak. Besak ia, hapu hataholi tui-benga nalelak Manetualain dede'a-kokolan, tehu mahani te neukose ana hahae tui-benga dede'a-kokolak ndia. Besak ia, hapu nggelok kokolak lalelak dede'a matabeu mata-mata kala, tehu mahani te neukose ana hahae kokolak dede'a matabeuk sila la. Besak ia, hapu hataholi bubuluk basa dede'ak lala'ena, tehu mahani te hata fo sila bubulu kana ndia, neukose lafandelehenin.

1 KORINTUS 14:18

Au oke makasi neu Manetualain, nana au mesa nga hapu kokolak nai dede'a matabeuk mata-mata kala dalek, lenaheni neme emi basa-basa mala.

1 KORINTUS 14:5

Malole na seli, metema emi basa-basa mala hapu kokolak malelak dede'a matabeu mata-mata kala. Tehu malole ba'u ka nde metema emi hapu tui-benga Manetualain dale tutu'u na. Nana hataholi manatui-benga Manetualain dede'a-kokola na, hataholi ndia ba'ulena hataholi manakokolak nalelak dede'a matabeu mata-mata kala; dede'a na fe'ek bai, metema hataholi manakokolak nalelak dede'a matabeu mata-matak ndia, hapu nafa'da mangalele'do hata fo ana kokola kana ndia, fo ela basa hataholi kamahehele kala lalelak sosoa-ndandaan.

EFESUS 3:19

fo ta hapu nalelak matalololen ninik hataholi daebafa ka dudu'a-aafin fa. Ela leo bee na emi malelak Kristus susue-lalain ndia, fo no enok ndia, neukose emi te'e-te'e da'di sama leo Manetualain.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

EFESUS 6:18

Tao-no'i basa dede'ak sila la no huhule-haladoik, soaneu moke tutulu-fafalik neme Manetualain mai. Nai basa fai loak lala'ena, hule-haladoi sama na leo Manetualain Dula Dale na, hela-nole emi. Ela leo bee na, emi manea tataas esa, ma boso makadede'ak. Hule-haladoi tataas esa soaneu Manetualain hataholi kamahehelen lala'ena.

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.

2 PETRUS 1:21

Nana beita la'iesa fo Manetualain hala hehelu na, nanatui-bengak tunga ka'da hataholi daebafa ka hihii-nanaun fa. Te hu ka nde, Manetualain Dula Dale na koasa na basa nabi la, de besa ka ala tui-benga hala heheluk fo maneme Manetualai na mai.

SEMUEL SUSULAK-KA ESAN-NA 1:14

Boema Eli nafa'dan nae, “Masa bole o mafuk nai ia! Boso boe minu angol bai!”

SEMUEL SUSULAK-KA ESAN-NA 10:10

Lelek Saul no malalau-maoonon losa Gibea boema, latongo loo nabi bubuak esa. Nai hatematak ndia boe, Manetualain Duladalen-na koasa Saul, de ana tunga nabi sila-la fofoti-lolongen ma eekin-nala.