HAGAI 2:6 - Susula Malalaok Hehelu Palak Ma Hehelu Beuk

⁶ Ta dook-ka so'on, te neukose Au anggenggengok lalai-a, ma daebafak-ka, daema'dak-ka ma tasi-a.

HAGAI 2:6 Σταυροειδείς Αναφορές

AYUB 9:6

Manetualain tao dae manggengok-ka, losa daebafak-ka naleulilok, ma dii manato'ba daebafak-ka laleuk.

MAZMUR 18:7

Lelek au nai toto'a-tataak-ka dalek, au aloo bou-bou neu Manetualain, au aloo neu au Manetualaing-nga, fo au oke tutulu-fafalik. Ana namanene au halang-nga, neme Uman dale mai, ma ana tao afik neu au dokodoeng-nga.

MAZMUR 37:10

Hataholi mangalauk-ka, neukose mopok-kana no lai-laik metema sangan soona, ta kana so.

YESAYA 10:25

Nai fai keke'uanak esa mesan, Au nasa-melung neu emi-a nate'e, boema neukose Au tao amopo-amates.

YESAYA 13:13

Neukose, Au tao-a lalai-a dele, ma daebafak-ka keko neme mamanan-na, nai faik fo Au, Manetualain Fo Manakoasa, atu'du Au nasa-melung.

YESAYA 2:19

Nai hatematak fo Manetualain fo'a, fo nanggenggengok daebafak-ka soona, neukose hataholi-la masok leo lea-luak manai pupuku mabatu piak-kala dalek leu, do ala kali bolok nai dae dale, fo ela ala boso hapu Manetualain nasa-melun, ma neme koasan fo mandela-masa'an-na mai. Metema faik ndia losa soona, ala tao-la sosongo-tatango lilofulak ma lilopilas fo ala sene-do'ok-ka, neukose nanala'oelak leondiak mesak-kana, soaneu fo lafo-la lo bauk-kala soan.

YESAYA 29:17

Hapu dede'a bini nae leo ia, “Ta dook-ka so'on te, lasi-a ana da'di dae bubu'u-palusa, ma dae bubu'u-palusa, nasafali da'di lasi.”

YESAYA 34:4

Le'do-a, bulak-ka, ma nduuk-kala, neukose lakalulutuk. Neukose nduuk-kala tu'da, sama leo akidook-kala tu'da bepoko leme ai lain mai.

YEREMIA 33:14

Manetualain nafa'da nae, “Losa fain-na te, neukose Au tao atetu hala heheluk fo Au tao basan neu Israel ma Yehuda.

YEREMIA 51:33

Ta dook-ka so'on te ala sengi heni sila, ma ala heheta-aa'is sama leo gandum nai manai popo'den-na. Au, Manetualain fo Manakoasa, Israel Aman Manetualain de manakokolak-ka.”

YESKIAL 38:19

Ma no nasa manalua ponu-ponuk-ka, neukose Au fe nasanene'da mahelek, ae nai faik ia, neukose hapu dae manggengo matuaina, nai nusa Israel-la.

YESKIAL 38:20

Basa I'ak ma manupui-la, basa bana ana-matua, ma basa hataholi manai daebafak-ka, neukose ala dele bengge'be no bibii-namata'uk, lasasalematak loo Au. Neukose letek-kala ndefa, felak-kala, ala fela, ma basa papala nanadamak-kala, balahenis.

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

HATAHOLI 2:19

Neukose Au tao manda'di beu kala nai lalai, ma dede'a matua ina la nai daebafa ka; neukose hapu daak, ha'i, boema masuk.

IBRANI 10:37

Nanahu nai Susula Malalaok dale nanasulak nae, “Ka'da ba'ihanak seluk mesa kana, soona Ndia fo neukose mana maik ndia, neukose no lai-laik ana mai. Neukose, Ana ta nakamama'ak mamai na fa;

NINITAK 11:9

Hataholi la leme basa nusaina, leoanak, ma dede'ak, ma leoina la neukose ala mai mete popola nala faik telu seselik, ma ala ta po'i latoi popolak sila la fa.