HAGAI 2:12 - Susula Malalaok Hehelu Palak Ma Hehelu Beuk

¹² Leo uni'ka, hapu hataholi ho'i-na paa biak esa, neme paa tutunu-hohotuk fo nanafe basak neu Manetualain so, boema ana potin neu ba'du manalun dale, de nenin leo uma neu, de basa boema, ba'du manalun ndia, koila'e loti do nana'a tasak, do angol, do mina setun, do nana'a mata beek boe, ade basa sila-la, neukose ala da'di malalaok do ta?” Lelek Hagai fe natatanek ndia boema, basa imam-mala lataa lae, “Ta.”

HAGAI 2:12 Σταυροειδείς Αναφορές

KELUARAN 29:37

Tao leondiak tunga faik, nai faik hitu dalen-na. Soona mei tunu-hotuk-ka aoinan-na lala'en-na da'di malalao-malalafuk; su'di beek fo la'e mei tunu-hotuk ndia soona, muse fen neu Manetualain, ma su'di see fo ana koila'en soona, neukose ana hapu soe, nanahu mei tunu-hotuk ndia malalao-malalafun bei-balakain.”

PENGKHOTBAH 10:1

Pena popon-na tao-na mina kaboomenik boto esa naboo, nggoak faa anak, tao namopo manatee-tenok madema.

YESKIAL 44:19

Metema, leu leo uma so'dan manai deak-ka, fo nai bee, laun-nala lakabubua soona, imam-mala, muse ala la'oela sila bua papake imam-ma, nai kama malalao-malalafuk manai Au Umang dale, fo ala pake bua papake fe'ek, fo ela bua papake hehelik ndia, boso neni soe fe laun-na.

IMAMAT 6:27

Su'di see, do su'di beek boe, fo ana koila'e bana ndia paan-na soona, neukose ana hapu soe, nanahu paa ndia malalao-malalafun be'i-balakain-na. Metema, bana ndia daan-na la'e ba'du esa soona, muse safe ba'du ndia nai mamanak fo nanahele hehelik.

IMAMAT 6:29

Basa touk manai imam-mala teidale-bobongin dalek-ka, bole la'a paa tutunu-hohotu malalao-malalafuk nanseli ndia.

IMAMAT 7:6

Basa touk manai imam-mala teidale-bobongin-na dalek, bole la'a paa tutunu-hohotuk ndia, tehu muse la'an nai mamanak fo nanahele hehelik, nanahu tutunu-hohotuk ndia malalao-malalafuk nanseli.

MATEOS 23:19

Emi poke-pake manseli! Bee ka nde beli na lena? tutunu hohotu ka do mei tutunu hohotu ka nde tao na tutunu-hohotuk ndia malalao-malalafu ka?

ULANGAN 33:10

Ala lanoli O anam-mala, fo ala tunga basa O paletam-mala, ma ala tunu-hotu tutunu-hohotuk nai O mei tunu-hotum lain.