EZRA 3:4 - Susula Malalaok Hehelu Palak Ma Hehelu Beuk

⁴ Sila boeo tao feta Fai Matua Lalaa Akidook-ka, nandaa no nakanenetek-ka; ma tunga faik, ala fe tutunu-hohotuk, fo nananaketu basak soaneu faik ndia.

EZRA 3:4 Σταυροειδείς Αναφορές

1 TAWARIKH 16:37

Basa boema Manek Dauk ka fe bela-ba'uk neu Asaf ma hataholi Lewi fe'ek kala soaneu ala ito-ato lahele basa hata fo natutik no makaluku-makatele a nai mamanak fo nai bee Manetualain Peti Hehelu-balataan nanape'dak. Tunga faik sila muse tao bela-ba'uk lai ndia,

2TAWARIKH 31:16

Basa touk fo teun teluhulu leo lain neu, fo mananggati naneak tunga faik-ka nai Manetualain Uman-na, boeo ala hapu baba'ek tunga esa-esak bela-ba'un ma tunga nonoo manamanea-nala.

KELUARAN 23:16

Tao Feta Ketu-koluk-ka nai lelek, emi mulai ketu-kolu emi tinam-ma buna-boa makasososan-na. Tao feta Lalaak Akidook-ka nai teuk-ka basan, fo nai lelek emi ketu-kolu basa emi osi angol-la ma osi aiboam-mala.

KELUARAN 29:38

“Tunga faik soaneu losa dodoon-na, muse tunu-hotu bi'ilopo dua teuk beke esak nai mei tunu-hotuk ndia lain.

KELUARAN 5:13

Basa manamanea-la lakaseti laheles, fo daenga tunga faik, ala tao-la batu bata-la dede'un-na, sama leo nai lelek ala ba'e fes ha'deaik-ka.

IMAMAT 23:33

Feta Lalaa Akidook-ka dodoon-na faik hitu, fo ana mulai nai hataholi Yahudi-la, bula ka hitun-na, fain 15.

BILANGAN 29:39

Basa sila-la nde da'di nakanenetek la'eneu tutunu-hohotu nanatunuk, tutunu-hohotu nana'ak, tutunu-hohotu angol, boema tutunu-hohotu mole-dame, fo emi muse tunu-hotu fen neu Manetualain nai emi fai malolem-mala, fo nananaketu basak so. Tutunu-hohotuk sila-la, nalupa tatamak neu tutunu-hohotuk fo, emi tunu-hotun soaneu bae nasar, do tutunu-hohotuk fo, emi fe tunga emi dale hihii-nanau mesam-ma.

YOHANIS 7:2

Lelek ndia, Fai Matua Lalaa Akidoo ka ana deka so.

YOHANIS 7:37

Losa feta ndia fai mate'e na fo faik ndia, fai masosoak, boema Yesus neu napadeik neu Manetualain Uman dale de nalo napane'e nae, “Hei hataholi mana maa ma'da kala lemin, ela leo bee na emi mai leo Au mai, fo minu leona.