EZRA 2:2 - Susula Malalaok Hehelu Palak Ma Hehelu Beuk

² Sila mauli-malangan-nala nde Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum ma Baana. Teidale-bobongi Israel-la susulan-na nde ia, no leo-la esa-esak hataholin, fo manafali ma'is leme mamana tu'u-tapak mai, dede'un-na nde ia:

EZRA 2:2 Σταυροειδείς Αναφορές

EZRA 1:11

Mango lilopilas ma lilofulak, boema bua-lo'a fe'ek-kala, basa-basas dede'un-na lifun lima natun haa. Sesbazar neni la'iesak bua-lo'as sila-la, ndek lelek fo, ndia ma hataholi nanafoo fe'ek-kala, fali ma'is leme Babel leo Yerusalem mai.

EZRA 1:8

Kores fe bua-lo'as sila-la ito aton neu Mitredat, fo malanga manaito-ato nusak-ka tali-doin, ma hata-heto-nala. Basa boema, Mitredat sulak bua-lo'as sila-la neu susulak esa, fo soaneu Sesbazar, fo filana Yehuda.

EZRA 2:1

Hataholi nanafook-kala ba'uk-ka la'oela nusa Babel-la, de ala fali ma'is leo Yerusalem ma Yehuda mai, de esa-esak fali ne'un leo ndia kotan-na neu. Ala leo nai mamana tu'u-tapak nai Babel, ndek lelek Mane Nebukadnezar-ra, foo nenis leo naa leu.

EZRA 2:3

Teidale-bobongik Paros-sa hataholin – 2.172 Sefaca – 372 Arah – 775 Pahat-Moab (fo Yesua ma Yoab tititi-nonosin) – 2.812 Elam – 1.254 Zatu – 945 Zakai – 760 Bani – 642 Bebai – 623 Azgad – 1.222 Adonikam – 666 Bigwai – 2.056 Adin – 454 Ater (fo loken lae Hizkia boe) – 98 Bezai – 323 Yora – 112 Hasum – 223 Gibar – 95

EZRA 3:2

boema Yesua, fo Yozadak anan-na, boema nonoon-nala fo nde basa imam-mala, ma Zerubabel, fo Sealtiel anan-na ma tolanoon-nala, lafofo'a falik Israel Manetualain-na, mei tunu-hotun. No enok ndia, ala hapu tunu tutunu-hohotuk nai lain, fo nandaa no natutu'du-natutu'duk fo nanasulak nai Manetualain atan Musa, susula hoholo-lalanen dale.

EZRA 4:3

Tehu Zerubabel, Yesua, ma basa mane leo sila-la lataa lae, “Ami ta paluu emi tutulu-fafalim, fo besak-ka, ami mafofo'a fe ami Manetualain uma fa. Nemen-na fo ami mesam-ma mafofo'an, fo nandaa no Kores, fo mane Persia paletan neu ami-a.”

EZRA 4:8

Artahsasta boeo, sipo susulak la'eneu Yerusalem. Susulak ndia neme Filana Rehum-ma mai, de Simsai fo propensi-a, hataholi manasulak susulan-na no nonoo-nala look-kasa. Nonoon-nala nde: basa manakee-manafula-la, ma basa manapaleta Persia fe'ek-kala, fo ala mai leme Erekh, Babel, ma Susan mai, fo nai nusa Elam-ma,

EZRA 5:2

Lamanene nabi ka duak sila-la hala hehelun-na boema, Zerubabel fo Sealtiel anan-na, ma Yesua fo Yozadak anan-na, no lai-laik, ala mulai lafofo'a falik Manetualain Uman manai Yerusalem-ma, de nabi ka duak sila-la tulu-falis.

EZRA 8:1

Basa maneleo fo nanafook leo Babel neu, ma manafali fali sama-sama loo au, ma Ezra leo Yerusalem mai, nai lelek Artahsasta paleta da'di leo manek-ka, susulan na'den-nala nde ia:

NEHEMIA 12:47

Nai Zerubabel tepo-lelen-na ma nai Nehemia tepo-lelen-na boeo, basa laun Israel-la lala'en-na fe tunu-hotuk soaneu tao latetu basa manamakameek-kala ma manamanea lelesuina nai Manetualain Uman-na, paluu tunga fain-na. Laun-na fe tunu-hotu hehelik soaneu hataholi Lewi-la, ma hataholi Lewi-la boeo, fe leo basa imam-mala, baba'ek fo nananaketu basak so.

NEHEMIA 7:7

Sila mauli-malangan-nala nde, Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum ma Baana.

HAGAI 1:1

Mane Darius-sa, ana paleta Persia neu teu ka dua-na, fo nai hataholi Yahudi-la bula ka 6-na, fain esa boema, Manetualain Ana kokolak tunga Nabi Hagai-a. Manetualain fe hala hehelun ndia neu Zerubabel, fo Sealtiel anan-na, ana da'di gobelnol nai Yehuda, ma Ana fen neu malanga Imam Matuaina Yosua fo Yozadak anan-na.

HAGAI 1:12

Basa boema, Zerubabel ma Yosua boema basa hataholi Israel manafali ma'is leme Babel fo mamana tu'u-tapak, ala tunga Hagai dede'a-kokolan; Hagai fo Manetualain hataholi nadedenun ndia. Ala tao hata fo Manetualain paleta neus, nanahu ala bii Manetualain.

HAGAI 1:14

Boema, Manetualain nakababale Gobelnol Zerubabel-la, Imam Matuaina Yosua, boema basa hataholi manafali ma'is leme mamana tu'u-tapak mai-a, dalen-nala, fo ela basa-basas lafofo'a Manetualain fo sila Manetualain, Uman-na.

HAGAI 2:2

Manetualain nadenu Hagai, fo ana kokolak no gobelnol Zerubabel-la, Imam Matuaina Yosua, boema laun-nala, fo nanduku-nalosak hala heheluk-ka nde ia, nae,

HAGAI 2:21

fo nanduku-nalosak-kana neu gobelnol Zerubabel-la. Manetualain nafa'da nae, “Ta dook-ka so'on, te neukose Au nggenggengok lalai-a ma daebafak-ka,

HAGAI 2:4

Tehu, boso ketu namahehena mala, hai emi basa-basam-mala lemin! Tao-no'i makandoo bela-ba'uk ndia, nana neukose Au tulu-fali ahele emi.

ZAKHARIA 3:1

Nai ninita fe'ek esa seluk dalek, Manetualain natu'du au, Imam Matuaina Yosua, bei napadeik nai Manetualain ata nusa so'dan-na matan-na. Nitu fo naheheleaon basa, soaneu ana kalaak-kana, napadeik nai Yosua boboan-na.

ZAKHARIA 3:3

Yosua napadeik nai ndia, tehu ana pake bua-lo'a manggenggeok nanseli.