ESTER 8:1 - Susula Malalaok Hehelu Palak Ma Hehelu Beuk

¹ Nai faik ndia, Mane Ahasyweros-sa, ana fe basa Haman, fo hataholi Yahudi-la musu matuainan ndia, hata-heton lala'en-na leo Ina Manek Ester-ra neu. Ester nafa'da manek-ka nae Mordekhai nde been-na, ndia tolanoo daen ndia, boema mulai faik ndia, Mordekhai hapu hak, fo leomae beita naloo fan-o, bole neu nataa manek-ka.

ESTER 8:1 Σταυροειδείς Αναφορές

ESTER 1:14

Manek-ka nasi'a naloo basa hataholi fo nanoli-nafa'da nalelak-kala, nde: Karsena, Setar, Admata, Tarsis, Meres, Marsena, ma Memukan. Hataholi sila-la nde been-na, nde manapaleta Persia ma Media, fo hataholi sila-la, lanuu nangatutuu madema nai nusak-ka.

ESTER 2:15

Boema Ester baba'en-na losa, fo neu nataa manek-ka. – Ester nde been-na, Abihail fo Mordekhai tolanoo daen-na, anan ndia. Mordekhai, fo nde manatao Ester da'di leo ndia ana bongin-na; Basa hataholi manamete nita Ester-ra, lasamanan beno'u. Lelek fo neu nataa manek-ka, Ester pake-nggao tunga Hegai, fo malangan nai uma manek inak-ka natutu'dun, ma nanoli-nafa'dan-na.

ESTER 2:7

Tolanoo daen esa mata makeek, na'de Ester, ma na'de Ibrani-na, na'de Hadasa. Mate Ester ina-aman so, de Mordekhai ho'i-nan, de ana taon da'di ana palan, tehu nakaboboin sama leo ana bongin-na.

ESTER 7:6

Boema Ina Manek Ester-ra nataa nae, “Haman, fo dale mangalauk ndia nde ana musu, ma ana fepa-li'u ami-a!” Haman nanganalo manek-ka, ma ina manek-ka no bibii-namata'uk nanseli.

ESTER 8:7

Boema, Mane Ahasyweros-sa nafa'da Ina Manek Ester-ra, ma Mordekhai nae, “Memak au lona basa Haman so, nanahu ana sanga tao namopo-namate hataholi Yahudi-la, ma au fe hata-heton leo Ester neu.

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

AMSAL 13:22

Hataholi malole-a, ana ba'e hata-heton neu upu-anan; tehu hataholi masala-masingok-ka su'i-beten nanape'dak, soaneu hataholi fo, so'dan-na ndoos.

AMSAL 28:8

See da'di hataholi kamasu'ik, hu kande ana ho'i bunak, ma ana ho'i nanalak makadotok nanseli soona, neukose su'i-beten, tu'da leo hataholi fo, nanuu dale kasian, soaneu hataholi nuu-taa hata-taak-ka, liman dale neu.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’