ESTER 7:8 - Susula Malalaok Hehelu Palak Ma Hehelu Beuk

⁸ No ketu namahehenak, Haman bala aoinan-na neu Ester pepe'un lain, soaneu noke do'o do ampon, tehu nandaa no li'u ndia boe, manek-ka fali ma'in neme uma manek-ka osin dale mai. Manek-ka nita Haman tao leondiak boema, nafa'da nae, “Beek ia? Ana bei napalani hohonge ina manek-ka nai ia, fo nai au matang, ma nai au uma maneng-nga?” Manek-ka kokolak basa nae leondia tutika, manaho'u paleta-la mai, de ala popoti ketu Haman mata-panan.

ESTER 7:8 Σταυροειδείς Αναφορές

ESTER 1:5

Basa ndia boema, manek-ka tao seluk feta, soaneu basa laun Sudan-nala lala'en-na, nau kamasu'ik do nuu-taa hata-taak boe. Ana tao feta ndia, mamasok esa dalen-na, ma ana taon nai uma manek-ka osin dale.

ESTER 1:6

Uma manek-ka so'dan-na, nanabalias nenik tema lelesu abalutu momo'dok ma fulak, ma nanapa'ak nenik tali abalutu, ma nanasoloka'dok neu sue lilofulak fo nanapasak manai dii batuk-kala. Ala tao pepe'u lilopilas ma lilofulak-kala nai dae, fo nai lante nanabalias nenik batu pualam fulak, hablur pilas, poemata lou mangadilak, ma batu pirus momo'dok.

ESTER 6:12

Basa ndia boema, Mordekhai fali ne'un leo uma manek-ka lelesu inan-na neu. Tehu Haman fali lai-lai. Ana ta nau hataholi nita fan, nanahu ana mae nanseli, boema ana poti ketu mata-panan.

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

AYUB 9:24

Manetualain fe daebafak-ka neu hataholi malelesik-ka, ma Ana taon-na basa manakee-manafula, poke matan-nala so. Manetualain tao basa ia-la, nana metema ta Ndia fa soona, see bai?

YESAYA 22:17

Masanene'dak te, neukose Au tu'u-tapa heni o leo dook-ka muu. Neukose Au ki'du-ala o, fo Au didiku o, boema Au lololi o sama leo bola, leo nusa matuaina muu. Neukose mate o nai ndia, fo nai o kaleta mandela-masa'am-mala boboan-na. Neukose o tao manggenggeo o tuam-ma, teidalen-nala na'den-na.

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

AMOS 3:12

Sama leo manafoo esa, ana hapu falik bi'ilopon fo singa kaa-nan ndia, ein 2 do di'idoon seli, leondiak boe laun Samaria-la, ela ka'da lumaanak mesan, fo besak ia langape'uk mala'da-mala'da nai pepe'u mangana'uk lain.”

MARKUS 14:65

Boema hataholi de'ubee lai ndia, ala mulai tupee lakadoe Yesus ape, ma ala potiketu mata na de ala fepan, boema lafa'dan lae, “So'ba neuk su'dik, see ka nde fepa O a?” Manamanea la boeo ala fapa Yesus.