ESTER 7:7 - Susula Malalaok Hehelu Palak Ma Hehelu Beuk

⁷ Manek-ka namanasa nanseli, boema ana fo'a la'oela mei-a, tuti'ka ana leo deak neu, de neu leo uma manek-ka osin dale neu. Haman bubuluk, nae manek-ka ho'i basa nakeketuk soaneu hukun so, hu ndia de, ana leo nahele no Ina Manek Ester-ra, soaneu ana dokodoe, fo ela Ester soi-tefan.

ESTER 7:7 Σταυροειδείς Αναφορές

ESTER 1:12

Tehu, lelek malalau-maoono sila-la, landuku-lalosak manek-ka paletan-na neu ina mane Wasti-a boema, ina manek-ka ta nau mai fa, nalosa manek-ka namanasa nanseli.

ESTER 1:5

Basa ndia boema, manek-ka tao seluk feta, soaneu basa laun Sudan-nala lala'en-na, nau kamasu'ik do nuu-taa hata-taak boe. Ana tao feta ndia, mamasok esa dalen-na, ma ana taon nai uma manek-ka osin dale.

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

MAZMUR 112:10

Hataholi mangalauk-kala litan boema, lamanasa; ala hengu nisin-nala, nanahu ta lahiik lo fan. Boema mopo-mates; mopo sila namahehenan-na losa dodoon-na.

AMSAL 14:19

Hataholi mangalauk-ka, neukose nakatele neu hataholi fo dalen-na ndoos, fo ana dokodoe, fo ela sue-lain.

AMSAL 14:35

Manek-ka dalen-na loak neu hataholi mana'a ngga'di malelak-ka; tehu namanasa hataholi mana'a ngga'di fo, ta hapu nakalala'ok bela-ba'uk fa.

AMSAL 16:14

Manek-ka nasa-melun nde been-na, sama leo hala nafa'dak la'eneu huhuku nisak-ka; tehu hataholi manatee-tenok-ka, neukose ana sanga enok fo tao natenak henin!

AMSAL 19:12

Manek-ka nasa-melun sama leo; dinis fo nakadoe na'u-aiana.

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

DANIAL 3:19

Boema, Mane Nebukadnezar-ra nasan-na lua ponu-ponu soaneu Sadrakh, Mesakh ma Abednego, nalosa mata-panan pila lo'a-lo'a. Ana paleta fo ala tao-la ha'i manafolokakaak ndia mahaan-na, nahaa la'i hitu lena neme mahaa biasan-na mai.

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.

SEMUEL SUSULAK-KA ESAN-NA 20:7

Metema, manek-ka nataa nae, ‘Hei,’ soona, au daleng-nga tesa-tama, tehu metema Ama Manek namanasa soona, bubuluk leona te Ama Manek ho'i basa nakeketuk soaneu ana tao soe au.

SEMUEL SUSULAK-KA ESAN-NA 20:9

Boema, Yonatan nataa nae, “Dalem-ma boso ba'ihana! Metema au bubuluk, tete'ek-ka au amang dalen-na kisak soaneu tao soe o soona, tao leo bee-o, neukose au afa'da o.”

SEMUEL SUSULAK-KA ESAN-NA 25:17

Hu ndia de, tai-dodoo dede'ak ia, fo ho'i nakeketuk tunga hata fo Ina bisa taon. Nana, tao leo bee-o, neukose babalan-na ana mai, soaneu ita tuan-na, ma neu basa teidalen-nala lala'en-na. Ita tuan-na, langa batu nanseli, nalosa ana ta nau ita kokolak too fan!”