ESTER 7:4 - Susula Malalaok Hehelu Palak Ma Hehelu Beuk

⁴ Nana atam-ma, ma atam-ma leoinan-na nananase'o basak soaneu taolisas so. Leounik-ka, ka'da lase'o ami, fo ala tao ami da'di ata soona, neukose atam-ma denge-denge, fo ta tao tasi'bu Ama Manek fa. Tehu besak ia, neukose ami nanatao namopo-namatek, fo mopo ami na'dem-ma nai daebafak-ka!”

ESTER 7:4 Σταυροειδείς Αναφορές

NEHEMIA 5:5

Ade ami ta hataholi Yahudi fa do? Ade ami anam-mala ta sama no hataholi Yahudi fe'ek-kala anan-nala fa do? Leomae leondiak boe, no nakasetik ami po'ilotak ami anam-mala da'di ata. Nakalenak ami mase'o heni ami anafe'oanam-mala fo da'di ata. Ami ta mala so'on, nanahu ami ngga'de heni ami tinam-ma, ma ami osi angol-la so.”

ESTER 3:9

Metema, Ama Manek nau soona, ela leo been-na, Ama Manek kalua susula paleta, fo tao namopo-namates. Ma metema, Ama Manek nau sipok atam-ma hala nonoken ia soona, tao leo bee-o, neukose atam-ma pe'da lilofulak kilo 340.000 leo Ama Manek kas dale neu.”

ESTER 7:5

Boema Mane Ahasyweros-sa, natane Ina Manek Ester-ra nae, “Se kande, napalani tao leondiak-ka? Hataholi ndia, nai bee?”

ESTER 7:6

Boema Ina Manek Ester-ra nataa nae, “Haman, fo dale mangalauk ndia nde ana musu, ma ana fepa-li'u ami-a!” Haman nanganalo manek-ka, ma ina manek-ka no bibii-namata'uk nanseli.

ESTER 8:11

Susulak sila-la, liin-na nae manek-ka, po'i hataholi Yahudi manai kota lala'en-na, fo ala teik esa-dalek esa, ma lasala'e aoinan-nala. Metema, hataholi manaho'u tafa-sisilo-la, ala mai leme leoina ma su'di propensi bee mai boe, fo ala sapu-lalas soona, ala bole la'ban-nasa, ma ala bole taolisa hataholi manasapu-nalas sila, loo saoinan-nala, ma anan-nala; ala bole do'do lisa la'iesak sila musun sila-la, boema, ala bole loso-la hata-heton-nala.

ESTER 8:6

Da'di, tao leo bee fo, atam-ma bole mete, ala do'do lisa la'iesak atam-ma leoinan-na, ma tolanoo ka'a-fa'ding-ngala?”

ESTER 9:25

Tehu Ester neu leo manek-ka neu, fo manek-ka fe susula paleta, de susulak ndia tao-na Haman dale tutu'u mangalaun-na, la'e seluk-kana, nalosa no anan-nala nanalonak nai dii lolonak-ka.

DANIAL 6:2

Darius ba'e nusan-na neu propensi 120, de propensi esa soona, gobelnol esa paleta.

YOEL 3:6

Emi meni Yehuda ma Yerusalem laun-nala leo mamanak fo dook-ka neme nusan-nala mai. Basa boema emi mase'ohenis leo leoina Yunani neu.

AMOS 2:6

Manetualain nafa'da nae, “Hataholi Israe la lasala-lasingo tataas esa so, hu ndia de, neukose Au hukus. Hataholi manatao tunga ndoon-na, tehu ana ta hapu nggati falik hata totona-na fa, lase'o henin fo ana da'di ata. Leondiak boe, sila ha'da-tataon neu hataholi nuu-taa hata-taak fo ana ta hapu bae hutan-na, leomae hutan ndia belin-na ka'da ta'bueis pasan esa.

LUKAS 12:45

Tehu metema malalau-maoono ndia dodoo nai dalen dale nae, ‘Au tua nga bei doo ka besa ka ana fali ma'in,’ boema ana fepa-li'u basa malalau-maoono nala, ma na'a-ninu losa mafuk,

ULANGAN 28:68

Neukose, Ana fe emi sa'e ofak fo, fali seluk leo Masir meu, leomae Ana nafa'da basa nae, neukose emi ta fali seluk leo naa meu so'on. Neukose, emi mase'o emi aoinam-ma nai naa, soaneu da'di ata neu emi musum-ma, tehu hapu hataholi esa boen, fo ana nau asan-na emi fa.”

YOSUA 9:23

Hu kande emi tatao-nono'im ndia, de Manetualain huku emi. Neukose, emi leoinam-ma da'di ata tataas esa, manabia ai ma manalepa oe soaneu au Manetualaing-nga Uman-na.”

SEMUEL SUSULAK-KA ESAN-NA 22:23

Leo moo au, fo boso bii. Te Saul nahiik taonisa o, tehu nahiik taonisa au boe. Da'di, neukose o so'da-molek nai au mamanang-nga.”