ESTER 6:4 - Susula Malalaok Hehelu Palak Ma Hehelu Beuk

⁴ Boema manek-ka nae, “Au hataholi mana'a ngga'ding see kande, besak ia nai uma manek-ka?” Ndia te, la'e Haman besak-ka masok-nala uma manek-ka so'dan-na; ana sanga noke manek-ka fen loak, fo ana lona Mordekhai, neu dii lolonak fo nananapadedeik basak ndia so.

ESTER 6:4 Σταυροειδείς Αναφορές

ESTER 4:11

“Hataholi-la esa-esak, nau touk do inak boe, metema ala ta hapu hala nalolook fo leu lataa manek-ka nai uma manek-ka so'dan manai dalek-ka fa soona, muse hukunisan. Ndia nde been-na susulan-nakeketuk, fo basa hataholi-lala'en-na, mulai neme manek-ka hataholi manamanolin-mafa'dan-nala, losa laun manai propensi-la, muse bubuluk nakeketuk ndia. Hapu ka'da enok esa mesak-kana, fo nde metema manek-ka natu'du aitete'e lilopilan-na neu see soona, hataholi ndia nde naso'da. Tehu basa bulak esa ia so, te manek-ka ta naloo au fa.”

ESTER 5:1

Neu fai okaao ka telun-na boema, Ester pake papake ina manen-na, de neu leo uma manek-ka so'dan manai dalek-ka, de napadeik neu lelesu manek-ka matan-na. Manek-ka nangatuuk nai kandela manek lain, de nasale leo lelesu ndia neu.

ESTER 5:14

Lamanene dede'ak ndia boema, saoinan-na ma nonoon-nala lafa'dan lae leo ia, “Ka'da madenu ala tao-la dii lolonak esa, deman-na metel duahulu dua. Boema balahaa fafaik soona, moke manek-ka, fo ana po'i o lona Mordekhai neu dii ndia. No enok ndia, o hapu muu leo feta ndia, no o dalem-ma tesa-tama.” Tunga Haman hahapun-na soona, nonokek ndia malole nanseli, hu ndia de, no lai-laik nadenu hataholi-la, fo ala tao dii lolonak ndia.

ESTER 6:3

Boema, manek-ka natane nae, “Ha'da-hololamata, ma tatao-nono'i malole beek kande nanafe basak neu Mordekhai ndia so?” Boema, malalau-maoonon-nala lataa lae, “Ana ta sipo hata-hata esa boen.”

ESTER 6:5

Boema malalau-maoono sila-la lataa manek-ka lae, “Haman nai uma manek-ka, de ana nau natongon-no Ama Manek.” Boema manek-ka nae, “Madenun leo dalek mai.”

ESTER 7:9

Boema Harbona, fo hataholi esa neme hataholi manaho'u paleta sila-la, nae, “Ama Manek, hapu dii lolonak esa, deman-na metel duahulu dua, deka no Haman uman-na. Haman napadedeik basan, soaneu lona Mordekhai, hataholi fo manasoi-tefa-na Ama Manek so'dan-na.” Boema, manek-ka fe paleta nae, “Lona Haman neu dii ndia leona!”

MAZMUR 2:4

Manetualain hika neme kandela manen manai nusa so'dan-na mai, ma Ana hakinonoli sila dale tutu'un-na.

MAZMUR 33:19

Ana soi-tefa-nalas, leme mamates-sa mai, ma Ana fes laso'da, nai tepo lelek la'a-ndoes-sa.

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.