ESTER 6:13 - Susula Malalaok Hehelu Palak Ma Hehelu Beuk

¹³ Ana tui saoinan-na, ma nonoon-nala, hata fo ana la'ola'din. Basa boema, saoinan-na ma nonoon fo manatee tenok sila-la, lafa'dan lae, “O balakaim-ma ta dai Mordekhai fa. Ndia hataholi Yahudi, de neukose o ta hapu la'ban-nana fa. Tao leo bee-o, ana sengi o.”

ESTER 6:13 Σταυροειδείς Αναφορές

KEJADIAN 24:66

Basa boema, ata ndia tui Isak, basa hata lala'en-na fo, ana tao-no'in so.

KEJADIAN 40:19

Nai faik telu dalen-na ia, neukose manek-ka nadenu hataholi te'teheni o langa ma, boema o popola ma nanalonak nai dii esa lain, de neukose manupui la la'a o aoisi ma.”

KEJADIAN 41:8

Fafaik boema, manek-ka dalen-na ta tesa-tama fa, hu ndia de nadenu leu laloo basa manasiula-tongono kala ma hataholi malelaina manai Masir-ra. Boema ana tui mei na neus, tehu ta hapu hataholi esa boen hapu nafa'da mangalele'do sosoa-ndandaan fa.

AYUB 15:24

Soe-a, sama leo manek fo ao na makadelek naheheleaon basa, fo sanga kaa-nan.

MAZMUR 105:15

“Boso tao Au hataholi heheleng-ngala, boso tao mangalauk neu Au nabing-ngala!”

AMSAL 28:18

Hataholi fo, naso'da no bu'u-ba'en ta soona, neukose naso'da. Hataholi fo, so'dan-na dopelele'u, neukose ana tu'da.

DANIAL 2:12

Manek-ka namanene dede'ak ndia boema, namanasa nanseli de ana paleta fo taolisa la'iesak hataholi malelaina manai Babel-la.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

ZAKHARIA 2:12

La'iesa seluk, neukose Yehuda da'di Manetualain nuu hehelin, nai daen fo malalao-malalafu ka, ma neukose Yerusalem da'di Ndia kotan, fo Ana sue-lai nan, ba'un-na seli.

BILANGAN 24:9

Leoina ndia, sama leo singa mane, ma singa ina, fo ana laek, ma nangape'uk. See kande napalani tao nafo'an-nana? Sa'di leo been-na, hataholi manafe o baba'e-papalak-ka, nanaba'e-palak, ma hataholi manasupa-soo o-a, nanasupa-sook.”

ULANGAN 32:10

Ana nitas laleu-lalaak nai mamanak nee-nee lino-linok nai moo solokaek-ka. Boema Ana nasulu-nahapas ma nakabobois ma naneas sama leo Ndia pusakan-na.