ESTER 4:5 - Susula Malalaok Hehelu Palak Ma Hehelu Beuk

⁵ Basa boema, Ester naloo-na Hatah, hataholi manaho'u paleta hehelik, fo manek-ka paletan nalalau-naoono Ester. Nadenu Hatah, fo natane Mordekhai, beek da'di so, ma tao le'e de, ana tao leondiak.

ESTER 4:5 Σταυροειδείς Αναφορές

ESTER 1:10

Neu fai ka hitun-na boema, manek-ka ninu, losa namahoko nanseli. Hu ndia de, naloo-na, malalau-maoono heheli ka 7-nala; malalau-maoono sila nde: Mehuman, Bizta, Harbona, Bigta, Abagta, Zetar, ma Karkas.

ESTER 1:12

Tehu, lelek malalau-maoono sila-la, landuku-lalosak manek-ka paletan-na neu ina mane Wasti-a boema, ina manek-ka ta nau mai fa, nalosa manek-ka namanasa nanseli.

ESTER 4:10

Tehu Ester nadenun, fo ana fali leo Mordekhai neu, fo neni fen hala heheluk-ka nde ia,

ESTER 4:4

Lelek anafe'oanak-kala, ma manaho'u paleta hehelik fo lalalau-laoono Ina Manek Ester-ra, lafa'dan Mordekhai tatao-nono'in boema, Ester dalen-na he'dis nanseli. Ana haitua fe Mordekhai bua-lo'as, fo ana nggati heni ana pake lafa lapik-ka, tehu Mordekhai ta nau sipo bua-lo'as sila fa.

ESTER 4:6

Boema, Hatah neu leo Mordekhai nai mook manai kota dalek, nai uma manek-ka lelesu inan-na, matan-na.

ESTER 4:9

Boema Hatah neu leo Ester neu, de nafa'dan Mordekhai hala hehelun-na.

ROMA 12:15

Mamahoko mo hataholi manamamahoko kala, ma kii mo hataholi manakii kala.

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.

FILIPI 2:4

Taoafik neu hataholi fe'ek paluu na; boso paluu ka'da ao ina ma mesa kana.

IBRANI 4:15

Ita Imam Matua inan ndia, ta nde imam fo ta hapu name'da nita ita tapandoe nala fa. Nasafali na, nanaso'ba-su'di basak, nai basa dede'ak lala'ena dalek, sama leo ita boe, ka'da Ana ta tao sala-singok fa!